MARK 2:8 - PATHIEN LEKHABU THIENGTHO (BSI)

⁸ Chun, Isu’n, a lunggil un zie bang chun a ngaihtuoh ui tih a lungthim in a he pai zieng a, a kawm u ah, “Zie thu haw chuh bangati a na lungthim u a ngaihtuoh?

MARK 2:8 ပူးပေါင်းရင်းမြစ်များ

NASEPTE 8:22

Zieziekchun, na gitloh hi lunghei inla, Lalpa kawmah paucham ah, khutichun, na lungthima na ngaihtuoh hi a hun ngaidam mawh die!

NASEPTE 5:3

Himahlele, Peter in, “Ananias. Thagau Thiengtho thêm ding leh, lei man abang îm dingin, bangati a Setan in na lunggil a sukdim a?

JOHAN 6:64

Himahlele, na laku ah abang gingcha lo na um nalai ui.” a ti a. (Isu’n a gingchalo leh a matsak ding pa chuh, atûng apat a hezing ngâl a.)

LUKE 24:38

Himahleh, amah chun a kawm u ah, “Bang zieka lau na hiu hi? Bang zieka na lungthim u a ginlahna hung pawt a?

LUKE 6:8

Himahlele, Isu’n a ngaihtuoh hawu chuh a he a, zeng kawm achun, “Kipan inla, alai ah dingdawk ah,” a ti a. Tichun, a kipana, tak achun a ding ta a.

LUKE 5:22

Khutichun, Isu’n a ngaihtuoh u chu a he a, a kawm u ah, “Bang zieka na lunggil u a zie bang thil chuh na ngaihtuoh u a?

MATTHAI 9:4

Himahleh, Isu’n a ngaihtuoh hawu chuh a het in, “Bang dinga na lunggil u a gitloh ngaihtuoh na hiu hi?

EZEKIEL 38:10

Chun, Lalpa Pathien chun hiti hin a tii: Zie ni chu leh hiti hi hi’n tin, na lunggil ah thil hung lut in tin, thil phalo hih guon na tin;

SAM LEHKHABU THE PSALMS 139:2

Ka ngaihtuohna hi gamla taka kipan inle na hethiem sek a.

HEBRAI 4:13

Thil kisiem, amah mitmuh a kilanglo bangmah a um puoi; I chanchin uh I tutna ding pau mitmuh achun, bangakai hi, ngawnchang leh kihawngsa a um ahi ngâl a.

JOHAN 21:17

Chun, a thumveina chun Isu’n, “Simon, Johan chapa, nangin kei nei hehpih em?” ti’n a dawng kit a. Isu’n a thumveina a “Nangin kei nei hehpih em?” a kawma a tih ziek chun Peter chuh a lungkham a, a kawmah, “Lalpa, bangakai na he a, ka hun hehpih hi tih na hêi!” a ti a. Isu’n a kawmah, “Ka belamte enkawl ah.

MARK 7:21

Sunglam a mihiem lunggil apat in ngaihtuohna gilote a hung pawt sek hi, zawlsaihna te, thanhuoina, tuolthahna te;

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

THUCHINGTE 24:9

Mingawl ngaihtuohna chuh gitloh ahi a, mi muhsit chîng mi chuh mihingte dingin kihdak-um ahi.

THUCHINGTE 15:26

Mi nunsiete ngaihtuohna chuh Lalpa ding chun kihdak-um ahi a, himahleh lungthim thiengtho vang chuh a kipahlam tak ahi.

1 KHANGTHUBU 29:17

Ka Pathien uh nangin lunggilte na patep sek a, diknate le na kipahpih hi tih ka heu a. Kei hin vang lunggil tak takin, zie thil haw hi kipâk takin ka hun pie a, zie a na mipite hin le, kipâk taka na kawma hun lân ka muh hin ka kipâk mah mah hi.

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

MATTHAI 12:15

Himahlele Isu’n zie chuh a het phetin zie apat chun a chieh mang ta a. Chun, mipi tamtak in amah chuh a zui u a, damlo chengcheng chuh a na hihdam suok ta a;

MATTHAI 16:7

Amau haw chu la, “Chângthâk I keng hiel puou hi,” tin a kingaihtuoh u a.

MARK 2:7

“Zie pa hin bang zieka Pathien gensie a zie tawbang thu hi a gen ahi die aw? Pathien tih loh ngâl in, kuo’n gitlohnate a ngaidam thei a a hi?” ti’n.

MARK 2:9

Zeng kawma hin, ‘Na gitlohte ngaihdam a hi tai’ tih leh, ‘Tho in la, na puonphah la’n la, keng in chieh ta’n,’ tih hi a khawi zawk a gen baihlam zaw?