MARK 2:20 - PATHIEN LEKHABU THIENGTHO (BSI)

²⁰ Himahlele, a pasal ding chuh a kawm u apat puihmang na ding ni chuh hung tung intin, zie nihaw chule vang hun ngawl un au.

MARK 2:20 ပူးပေါင်းရင်းမြစ်များ

LUKE 17:22

Chun, amah chun a sinsakte kawm achun, “Mihiem Chapa dam lai nite hi, ni khat bêk hi na muh nawp hun uh hung um ina, himahlele, na muh theih loh niu hungtung ding ahi.

THUPHUON 21:9

Chun, belhbu sagih chawi, gawtna nunung pên sagih puo, vânsâwlchâk sagihte laka khat chuh a hung a, ka kawmah, “Khaile, mo, Belamno zi chuh hun etsak ing ka,” ti’n ei hopih a.

THUPHUON 19:7

Lawp takin kipâk hi tingun, amah pakchai tiu, Belamno zi neih chuh a phat ta ngâl a; mo le a kisazo tai!” a tih ka za a.

2 KORINTH 11:27

Nasep gim leh chawlna leh, ihmut mawhna te ale; gilkiel leh dangchâk na te ale; nek ding tâksapna munte, vel tamtak umna ding leh silhlechen beia umna banga le.

2 KORINTH 11:2

Pathien thikna’n a puo, nanguh ka hun thik hi; nungak thiengtho; pasal khat maia dinga huol guolin, Krista dinga ka hun huol na hiu hi.

1 KORINTH 7:5

An ngâwl a paucham dinga na kipiek theih na ding u leh, na kipawl kit theih na dingun, sawtlo cha a dingin pha na sak gêl gêl ngâlloh u chun a kuomah zawk kisudawng kiu in.

NASEPTE 14:23

Chun, sapchuom pawl tin achun a upa dinguh a guot sak zel u a, an ngawl kawma a paucham zawh un, a ginchak uh Lalpa kawm achun a vawpsak sek u a.

NASEPTE 3:21

Amahvang chuh, bangakai siemthak hun a tun masang sieh, amah chuh van a um tadih ding a hii, zie siemthak hun ding chuh Pathien in, malai pek a a thiemgau thiengthote manga a gen sa ahi tai.

NASEPTE 1:9

Chun, zie thu haw chuh a gen zawhin, a muh zing sau in van a puih toh in a um ta a, tichun, meipi’n a muhphak loh u ah a puito ta a.

JOHAN 17:13

Himahlele, tuhin, na kawma hung ding kei tai; ka kipahna amau a a bukim theihna dingin, zie thu te hi khawvel kawma ka gen ahi.

JOHAN 17:11

Tu’n, kei na kawma hung ding ka hi a, khawvel ah um ta puo’ng ka; amau haw vang hi khawvel ah um un au. He Pa, Thiengtho, nangin kei nei piekte hi na min in hum ah; pumkhat a hih theihna dingun, nang leh kei pumkhat I hih guol mah bang hin.

JOHAN 16:28

Kei Pa kawm apat a hung a, van nuoia hung ka hii; vannuoi taihsan a. Pa kawma chieh kit ding ka hii,” a ti a.

JOHAN 16:7

Himahlele, thudik tak ka hun hilh na hiu hi, ka chieh nang u dingin a phai; ka chieh loh chun Lungmuonpa chuh na kawm u a hung lo ding ahi ngâl a. Himahlele, ka chieh chun, nang haw kawma hun sawl ding ka hi.

JOHAN 13:33

Naute haw, na kawm u a um sawt lo ding kei tai. Nang un nei hawl un na tin uh, himahlele, Judate kawma, ‘Ka chiehna ding ah hung thei puo’n lau’ ka tih guol khan, tu’n khuti mah chun, na kawm u ah ka gen a hi.

JOHAN 3:29

Moneipa chuh a pasal chuh ahi a, himahlele, pasalpa guolpa, din sa a a thu ngaitha pa chuh, pasal aw a het phat leh, a kipâk mah mah sek hi. Zie chuh ahi, keimah kipahna ngêi le, sukbukim a a um dân sek chuh.

MATTHAI 26:31

Chun, Isu’n a kawm u ah, “Tu zan hin na bawn un ka chung thu ah lungkim lo in um vek un lau; ‘Belam chingpa chuh zêp ing ka ting, belam hawn chuh zak un au,’ tih zik guol khan.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

ISAI 62:5

Tangval in nungak thiengtho zi a a neih sek bangin, Nang hun siempa chun hun kichên pih ding ahi. Chun, moneipa chuh mo chunga a kipah bangin, Na Pathien chuh na chungah kipâk ding ahi ta ngâl a.

ISAI 54:5

Nang hun Siempa chuh na pasal hi’n tin; A min chuh Bangakai hihthei Lalpa ahi ngâl a! Israel Pathien Thiengtho chuh na Hukdampa ahi, Amah chuh khawvel pumpi Pathien ahi ngâl a.

SOLOMON LA 3:11

Chiehdawk unla, aw Zion chanute, leng Solomon chuh en un; a khuksak kha, a nu’n lenglukhuk, a zi neih ni a, a lunggil kipahna ni chun.

SAM LEHKHABU THE PSALMS 45:11

Khutichun leng in na mel hawihtak hi utcha ding hi ven: Amah chuh na lal ahih ziekin, a masang achun khun in.

2 KORINTH 6:5

Zep in ka um u a, suongkul a lutna leh thubuoi na le; na hah sep a sem in, ipmu lo leh an nelo khawp in ka um sek uh ahi.

JOHAN 12:8

Mi gimtheite chuh kumkhuo a na kawm u a um zing ahiu a; kei vang chuh, kumkhuo a na kawm u a um ding ka hi puoi,” a ti a.

MATTHAI 9:15

Isu’n a kawm u ah, “Mo puite kawma a pasal ding a um lai cheng chuh mo puite chun a sun thei u a ahim? Himahlele a pasal ding chuh a kawm u apat puihmang ni hung tung intin, zie tieng chuleh an hun ngâwl un au.

MARK 2:19

Isu’n a kawm u ah, “Mo puite kawma a pasal ding a um sung cheng, mo puite chun an a ngawl thei u a ahim? a pasal ding a kawmuh a um sung cheng an a ngawl thei puou hi.

MARK 2:21

“Kuoma’n puon lui, puon khaihzung nailoh them in a belh ngei puoi; belh ta leh, a belhbitna ding chun luoi ek zaw’n tin, a thak chun a lui chuh luoi ek intin, hung hah-ek zaw diek ina.

LUKE 5:35

Himahlele, a pasal ding chuh a kawm u apat puihmang ni hungtung intin, zie ni chu le vang ngawl un au,” a ti a.