MARK 2:17 - PATHIEN LEKHABU THIENGTHO (BSI)

¹⁷ Isu’n zie chuh a zak phetin, a kawm u ah, “Mi damtheite’n daktor a ngai puou a, mi dammawhte’n a ngai sek ui. Mi diktatte sam dinga hung ka hi puoh a, mi gilote sam dinga hung ka hi zawi,” a ti a.

MARK 2:17 ပူးပေါင်းရင်းမြစ်များ

LUKE 15:7

Ka hilh na hiu hi, mi diktat sawmkuo leh kuo, lungheina chuom na ding nei lote chung sang chun, migilo khat lungheina chung achun van a mipi kipâk zaw’nau.

LUKE 19:10

Mangthaite hawla hukdam dingin, Mihiem Chapa hi hung ahi him hi,” a ti a.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

JOHAN 9:40

Zie taka Pharisai khenkhat umte chun, zie a thugen chuh a zau a, a kawmah, “Keihaw hile, mitdûk ka hiu hi leh?” ti’n a dawng u a.

LUKE 15:10

Ka hilh na hiu hi, khutibang mah chun, Pathien vânsâwlchâkte chuh, mi gilo khat kisikna chungah a kipâk mah mah sek ui.” a ti a.

LUKE 15:29

Himahlele, amah chun a pa kawmah, ‘En in, kum zie chanpi hi ka hun vaka, na thu lah ka awilo kha puoh a, ka guolte tawh lawpna ka siemna dingin kelno chakhat le nei pie kha ngut puoh a.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

NASEPTE 20:21

Judate leh Grikte kawm ale, Pathien lama lunghei thu leh, I Lalpau Isu Krista taksan ding thu ka hun hetsak sek kha.

LUKE 16:15

Ziephet chun, Isu’n a kawm u ah, “Mipi dangte mit muh a thiem kichan mai mai na hiu hi, himahleh, Pathien in na lungthim uh a he ngâl a. Mihingte’n a ngaihlul mah mah uh thilte chuh, Pathien mitmuh in bangmahlo ahi.

MATTHAI 18:10

“Zie mi neucha haw laka khat hile musit lo dingin chingthei un;

NASEPTE 26:20

Himahleh, a tûngin Damaska khuo a mite kawmah, zie nung chun, Jerusalem khuo a mite kawmah, chun, Judai gamtina mite kawm leh, Jentel te kawm nasan ale, lunghei min pu kham a thilhih a, lunghei a, Pathien lam a ngatna dingun, ka hilh zawk sek ahi.

JOHAN 9:34

Chun, amau chun a kawmah, “Nang na pum changsana gitloh a pieng na hi a puo, nangin nei hun hilh vangvei hih!” ti’n a dawng u a. Khutichun, kikhawpna In apat chun a nawhdawk tau hi.

JEREMIA 17:9

“Lunggil hi thil chengcheng sanga thep hatpen, sie tâwp khawk a hi a; kuo a hethiem thei ding?