MARK 2:13 - PATHIEN LEKHABU THIENGTHO (BSI)

¹³ Chun, Isu chuh Galili dîl pang achun a chieh kit a. mipi nasatak a kawmah a hung khawm uh a, amau haw chuh a na sinsak a.

MARK 2:13 ပူးပေါင်းရင်းမြစ်များ

MARK 4:1

Chun, Isu’n Galili dîl pang achun a sinsak kit a. Mipi nasatak a kawm achun a hung kikhawm tau a, tichun, kuong sung ah a lut a, a chu ta a. Kuong chuh tui lai lam ah a um a, mipite chuh dîl panga sehpho achun a ding u a.

LUKE 21:38

Chun, zingkal leh, mipite chuh Pathien Ho-In ah, a thugen ngaitha dingin, a hung khawm sek u a.

LUKE 19:48

Himahleh, mipite chun phachuomngai taka a thu a ngaihthak zing ziekun, a lampi ding a mu thei puou hi.

MARK 2:2

Tichun, kawtkhak bul nasana umna ding awnglo khawp hielin, mi tamtak a hungkhawm tau a; a kawm u ah thu a gen ta a.

MARK 1:45

Himahlele, amah chuh a pawt a, zie thu chuh nasa taka tângsappih in, a phuongzak ta a. Ziephet chun, Isu chuh tângphuong takin khuo ah a lut thei ta puoh a. Tichun, pawlama gamgaw mun haw achun a um zaw ta a, muntin apat in mipite chuh a kawmah a hung sek uh a.

MATTHAI 13:1

Zie ni mah chun Isu chuh In apat chun a chiehdawk a, dîl pang achun a chu a.

MATTHAI 9:9

Chun, Isu zie apat chun a chieh zel a siehdawlna muna chu mi khat, a min Matthai kiti chuh a mu a; a kawmah, “Ei hun zui ah,” a ti a. Tichun, a kipan a, a zui ta a.

MARK 10:1

Chun, zie apat chun a kipan dawk a, Judia gam leh Jordan gâl lam ah a chieh ta a. Tichun, mipi a kawmah a hung kikhawm kit u a; chun, a hih dân ngeina bangin amau haw chuh a sinsak kit ta a.