MARK 2:12 - PATHIEN LEKHABU THIENGTHO (BSI)

¹² A bawn u a a et zing lai u chun, amah chuh kin takin a tho a, a puonphah a la a, a chieh ta a. A bawn u chun mak a sa mah mah zieng tau a, “Zie tawbang himhim hi ka mu kha puou hi,” ti’n Pathien a pakcha tau a.

MARK 2:12 ပူးပေါင်းရင်းမြစ်များ

MATTHAI 9:33

Thitha chuh a delhdawk phetin, pautheilo chuh a hung pau ta a, mitin chun mak a sa mah mah tau a. “Israel te lak ah zie tawbang hi I mu kha puou hi,” a tiu a.

MATTHAI 9:8

Chun, mipite chun zie chuh a muh un a lau tau a, mihiemte kawma khutibang thuneihna pie Pathien chuh a pakcha tau a.

LUKE 7:16

A bawn u chun lauhna a dim in, Pathien a pakcha tau a, “I lak u ah thiemgau lopitak hung um ahi ta hi,” a tiu a. “Pathien in a mite a hun tawh ahi ta hi!” a tiu a.

NASEPTE 4:21

Ziephet chun, amau haw chun, a hah vau zaw deuh u a, a thadawk tau a. Mipi ziekin gawtna lemchâng a mu puou a; a thilhih ziek u khan mi cheng cheng in Pathien a pakcha ngâl u a.

JOHAN 9:32

Khawvel kisiem tûng apat, kuoma’n mitdûksa a pieng a hih vak kit hi tih, a kihe kha puoi.

JOHAN 7:31

Mipi, abang, tamtak vang chun amah a gingchau a, “Krista chuh a hung tun tieng leh, zie pa hih sanga tam zaw hi thilmak hun hih ding a hi a a hi?” a tiu a.

LUKE 17:15

A laku a khat chun, a dam tai tih a hung kimuhdawk phet chun, ngeih tak a Pathien pakcha kawmin a vaikit ta a.

LUKE 13:13

A chungah a khut a nga a, tichun, thakhat in a hung ding chang zieng ta a, Pathien a pakcha ta a.

LUKE 5:26

A bawn un mak a sa mah mah tau a, lauhna’n a dim u a, Pathien a pakchau a, “Tuni hin thil mak tak I muu ahii,” a tiu a, a lau mah mah u a.

MARK 1:27

Mipi chengcheng chun mak a sa mah mah tau a, “Ziehi bangti thil a? Ziehi bang kihilhna thak ahi? Thithabuok nasan le thunei takin thu a pie a, a thu a nun zel u hih,” ti’n a kidawng tuoh u a.

MATTHAI 15:31

Khutichun, mipite chun, pautheilote chuh hung pau a, piensuolte chuh hung pha a, kêngbâite chuh kenga chieh a, mitdûkte chuh khuo hun mu thei ta chuh a muh un, mak a sa ten u a; tichun, Israel te Pathien chuh a pakcha tau a.

MATTHAI 12:23

Ziephet chun, mipite cheng chun mak a sa tau a, “Zie pa hi David chapa kha hilo ahim?” a tiu a.

MARK 2:11

“Tho inla, na puonphah la’n la, na In ah chieh ta’n, tih ka hun hilh hi,” ti’n.