MARK 16:1 - PATHIEN LEKHABU THIENGTHO (BSI)

¹ Chun, Chawlhni chuh a hung beih phetin, Mari Magdalin leh, Jakob nu Mari, leh Salom te chun, chieh a Isu luong chuh nuh dingin thil gimlim a chawu a.

MARK 16:1 ပူးပေါင်းရင်းမြစ်များ

LUKE 23:56

Tichun, a kilehkit u a, thil gimlim leh thau gimlim chuh luong nuh ding chun a guonggalh tau a. Chawlhni chun, Dan Thupiek bangin a châwl tau hi.

MARK 15:40

Chun, numei khenkhat gamla taka a na en le a um u a. Amau haw lak achun, Mari Magdalin leh, Mari Jakob neuzaw leh Joseph nu leh, Salom a tel u a.

JOHAN 19:31

Chun, Kiginni a hih ziekin, luong chuh Chawlhni a kross lêk a a um den lohna dingin, Judate’n Pilate kawmah a kênghaw sukbawt a, luong chuh kross lêk apat a latha dingin a ngên u a. Chawlhni hung tung ding chuh ni pawimawh diek a hih ziekin.

JOHAN 19:25

Isu kross kieng achun, a nu leh a suohpihnu, Mari, Klopas zi leh Mari Magdalin te a ding u a.

MARK 16:8

Khutichun, amau chuh kintak in a pawt u a, thân apat chun a tai u a, lau leh kilîng kawm in, Chun, a lauh ziekun kuomah kawmah bangmah a gen puou.

MARK 15:47

Chun, Mari Magdalin leh Jose nu Mari chun a en u a, Isu luong kisielna chuh a muu hi.

MARK 14:8

A hih theih sun a hih ahi a, ka sapum hi vuih dinga thau ana nuh lawk ahi.

MARK 14:3

Chun, Isu chuh Bethani a Simon, mi phâk pa In ah a um a. Chun, ankuong a um lai in, numei khat, alabasta bawma spiknard thau gimlim, man tamtak chawiin a hung a. A bawm chuh a khên kêk a, Isu lu chung achun a sung a.

2 KHANGTHUBU 16:14

David khawpi a amah thân dinga a kisiem suong a geikuok achun a vui tau a, Gimlimte, thau gimlim chi chuom chuom te chu a taksa vuih dinga guonggalhna achun a mang u a, a thihna sun na ding. chun meipi nasa takin a tik u a.

LUKE 23:54

Zie ni chuh kiginni ahi a, chawlhni kipan ding ahi ta a,

MARK 15:42

Chun, nitâk lam a hung hih phetin, Joseph, Arimathai mi a hung a. Amah chuh vaihawm pawlte laka mi zahum tak, Pathien lenggam hung tung ding a na ngak mi ahi.

THILSIEMBUL 50:2

Chun, Joseph in a suokte, damdawi thiem haw chuh a pa luong chuh muot thei lo a siem dingin thu a pie a; tichun, damdawi thiem haw chun Israel luong chuh muot theilo in a siem tau a.

MARK 16:2

Chun, ni sagih ni masapen zingkal matak in, nisa suok zui in thân achun a chieh u a.

LUKE 24:1

Chun, ni sagih ni masapen zingkal matak chun, numeite chuh, a thil gimlim guonggalhteu chuh chawiin thân achun a va chieh u a.