MARK 15:34 - PATHIEN LEKHABU THIENGTHO (BSI)

³⁴ Chun, vaimim huonphat vel chun Isu chuh ngeih tak in a kiko a, “Eloi, Eloi, lama sabak-thani?” ti’n, Zie chuh, “Ka Pathien, ka Pathien, bang dinga ei taihsan?” tihna ahi.

MARK 15:34 ပူးပေါင်းရင်းမြစ်များ

SAM LEHKHABU THE PSALMS 22:1

Ka Pathien, ka Pathien, bang dinga ei taihsan na hi? Bangati a ei panpih dinga gamla taka um a, ka tauna thu apat gamla taka um na hi?

MATTHAI 27:46

Vaimim huonphat vel chun Isu chuh, “Eli, Eli, lama sabakthani,” ti’n ngeih tak in a hung kiko a, zie chuh, “Ka Pathien, ka Pathien bang dinga ei taihsan na hi?” tihna ahi.

HEBRAI 5:7

Amah chun, phehlevo a a umlai nihaw khan, thihna laka amah hukdawk theipa kawm achun hahpi a kiko leh, mitthi thiek kawmin, pauchamna leh ngetna a nei a. Tichun, a kingaihniem ziek leh, a kipumpiek ziek chun, Pathien in a ngaitha ta a.

SAM LEHKHABU THE PSALMS 27:9

Kei ahin na mai sel ki’n la; Na suok hi lungna’n kihei mangsan ki’n la: Nang chuh ei panpih pên na hi sek a; ei paih tha ki’n la, ei taihsan hiel ki’n. Aw ka Hukdamna Pathien!

SAM LEHKHABU THE PSALMS 71:11

“Pathien in a hengilh tai: Delh unla, man tiem u; a hukdawk ding kuomah a um puoh ngâl un,” tin.

DANIEL 9:21

Khutia ka paucham lai tak chun, Gabriel, kilâkna masa a ka muh ngêi khan, nitâk lam kithawih hun lai vel tak chun hât taka leng in ei hun zuon a.

ISAI 41:17

“Mi gimthei leh chagah te chun tui dâwn ding a hawl u a, dangchâk a a gawl uh a hul tieng leh, Kei, Lalpa hin ana dâwng ing ka ting, Kei, Israel Pathien hin amau haw hengilh ngei ta puo’ng ka.

SAM LEHKHABU THE PSALMS 42:9

Pathien ka suongpi kawm achun, “Bangati a ei hengilh na him? Bangati a ei dote ei nemsiehna zieka lungkham a ka mau viel viel sek?” ti’ng ka ting.

NASEPTE 10:3

Zie pa chun, vaimim huon phat velin, vaulam in kichien takin, Pathien vânsâwlchâk khat a kawma lut a, “Kornelias,” ti a sam in a mu a.

LUKE 23:46

Tichun, Isu chuh ngeih tak in a kiko a, “Hepa! na khut ah ka thagau ka hun vawp sak hi,” a ti a. Zie chuh a gen zawhin, a thagau a thah ta a.

LUKE 23:44

Chun, sun an nek phat vel a hung hi a, zie a pan chun vaimim huon phat gei in nisa chuh a hung thim ta a, gam chengcheng chungah thim a hung zing ta a:

SUNNA LA 5:20

Bang zieka kumkhuo a ei hengilh a, Tuhun sung cheng hi bang zieka nei hetngilh ahi?

SUNNA LA 1:12

Ziehi nang u dingin bangmahlo ahim, nang haw chieh suk chieh to te haw, ding unla, entiem u, Lalpa’n a lungnat ni a ei sukgimtheih dân hi, Zie bang lungkhamna ka thuok u hi, a thuok kha a um die aw?

MATTHAI 27:45

Chun, sun an nêk phat apat vaimim huonphat gei in gam pumpi chungah thim a hung zing ta a,

MARK 15:25

Chun, Isu a khetdên nau chuh vaiham vel tak ahi a,

MARK 15:35

Khutichun, a kienga ding khenkhatte chun zie chuh a zak phet un “Ngaitiem u, Elija a sam hi,” a tiu a.