MARK 14:41 - PATHIEN LEKHABU THIENGTHO (BSI)

⁴¹ Chun, a hung thumveina achun, a kawm u ah, “Tuhin chuh ipmuu inla kichawl tau in. A hun tai! A hun chuh a hung tung tai! En tiem u, Mihiem Chapa hi migilote khuta matsak a um ding ahi.

MARK 14:41 ပူးပေါင်းရင်းမြစ်များ

MARK 14:35

Chun, masang lam zuonin neu khat a chieh a, tuol ah a bawkkhup a, a hihtheih chun, zie hun chun amah peltha dingin a paucham a,

MARK 9:31

A sinsakte chuh thu a hilh a: “Mihiem Chapa hi mite khuta matsak in um intin; sulum un tin, tichun, a suklup nung uh ni thum ni leh thokit ina,” a ti a.

JOHAN 17:1

Zie thu haw chuh Isu’n a gen zawhin, van lam en in, “Hepa, a hun a tung tai. Na Chapa limbawl ah, Chapa’n le a hun limbawl na ding in.

NASEPTE 7:52

Nanguh hun suonte’n, thiemgaute laka kuo a, a bawlsiet loh uh um? Mi Diktat hung ding thu hilhlawkte khah a that u a; zie Mi Diktat chuh matsakte leh thatte chuh nangmau hi na hiu apuo!

JOHAN 12:27

“Tu’n ka lung a dawng hi; bang ka gen ta die aw? ‘Hepa, zie hun apat hin ei hukdam in,’ ka ti die leh aw? Bang hilele, zie gimtheihna thuok hi ka hung lawh ahi ngâl a.

JOHAN 12:23

Isu’n a dâwng a, a kawm u ah, “Mihiem Chapa limbawla a um phat chuh a hungtung tai.

JOHAN 8:20

Isu’n zie thu haw chuh, Pathien Ho-In a, tuoklawm khiekna thingkuong kawihna pindan a a sinsak laia a gen ahi. A hun a tun nai loh ziekin, kuoma’n a man puoh ngâl u a.

JOHAN 7:30

Ziephet chun, amah chuh mat a guo tau a, himahlele, a hun a tun nai loh ziekin, kuoma’n a chungah a khut uh a tha puou hi.

MARK 14:18

Tichun, dawhkan a an a nek lai un Isu’n a kawm u ah, “Tihtakzet a ka hun hilh na hiu hi, na lak u a mi khat, ei nekpih hin ei matsak ding ahi,” a ti a.

MARK 14:10

Chun, Juda Iskariot, sawm le nih te laka khat chun, Isu a kawm u a a matsak theihna dingin thiempu liente kawmah a va chieh a.

MARK 7:9

Isu’n a kawm u ah a gen kit a, “Nangmau haw thuguichin haw chu na vawp phat theihna dingun, Pathien thupiekte na deih loh u hi, na lemhe ten mai ui!

MATTHAI 26:2

“Ni nih hal leh Chiehkân Kut hung um ding ahi tih heu un, Mihiem Chapa hi khetdên dingin matsak ding ahiu hi,” a ti a.

EZEKIEL 20:39

Nang u chuh na hih u leh, Aw Israel insung mite haw, Lalpa Pathien chun hiti hin a tii: “Chieh unla, na milim hawu na chuh sem chiet mai tau u! Ahihziekin, tunung leh ka thu hun ngaitha ta’n na tin un, ka min thiengtho chuh na thilpiek hawu leh na milim hawu chun subuok ta puo’n lau.

THUGENPA 11:9

Khangdawngte haw, na vanglai niteu achun kipâk unla. Na vanglai nite achun na lungthim kipâk hen, na hih nawp cheng hih inla, na lungthim in a nawp dân cheng chuh zui inla, na mitin a etnawp phawt chuh en in. Himahlele, zie thil haw cheng chuh Pathien in vaihawmna a hun sulang ding ahi tih hezing in.

2 LENGTE 3:13

Chun, Elisha chun Israel leng kawm achun, “Bang zieka hun panpih ding ka him? Chieh inla, na nu leh na pate’n thiemgau a dawt sekteu kha va dawng in,” a ti a. Jehoram chun a kawmah, “Chieh lo e, leng thum te hi Lalpa’n Moab te khuta piek dingin ei pui khawm uh ahi hi,” a ti a.

1 LENGTE 22:15

Khutichun leng kawm a va tun chun, leng chun a kawmah, “Mikaiah, Ramoth-gilead do dinga va kuon ding ka him, va kuon lo ding?” a ti a. Mikaiah chun a dâwng a, “Va kuon inla, va lawhting in, Lalpa’n leng khuta pie ding ahi,” a ti a.

1 LENGTE 18:27

Sun a hung hih phat chun hiti hi ahi a, Elijah chun amau haw chu êngho in, “Kiko ngeih deuh un: pathien khat ahi ngâl a; a kingaihtuoh tadih ahim, a kiselmang tadih ahim, khuolzin ahim, ahihloh leh a ipmu phawn halh ding ahim hi’n a,” a ti a.

VAIHAWMTE 10:14

Na tel zawk uh pathiente chuh sam unla, amau chun na lungzînnau apat in hun hukdawk tau hen,” a ti a.

MARK 14:40

Chun, a hungkit phetin, amau haw chuh ipmu’n a mu kit a, a ihmut uh a suok ten ngâla; tichun, a dawnna ding le a he ta puou hi.

MARK 14:42

Tho unla, chieh hitiu. Entiem u, ei matsak ding pa chuh a hung nai tai!” a ti a.