MARK 13:8 - PATHIEN LEKHABU THIENGTHO (BSI)

⁸ Nam chuom leh nam chuom kido untin, gam chuom leh gam chuom kido ding ahi ngâl u a; mun chuom chuom ah inling um in tin, kiel leh buoina tung intin; ziehaw chuh nauhanat kipatna ahiu hi.

MARK 13:8 ပူးပေါင်းရင်းမြစ်များ

MATTHAI 24:8

Ziehaw chengcheng chuh nauhanat kipatna ahi.

ISAI 37:3

Chun, Hezekia chun hiti hin a thuthak a, “Tuni hi, gimtheih thawkna ni ahi a, gawt leh sukzahchak in ka um u a. Numei nau neih phat hita a, himahleh, nau nei dinga hatna neilo tawbang ka hiu.

SAM LEHKHABU THE PSALMS 48:6

Zie tak achun a kilîng sie tau a; Numei nauhanat bangin natna’n a man behlap a.

THUPHUON 6:4

Tichun, sakawl dang, a san zat a hung pawt kit a; a chunga chu pa kawm achun, lei chunga kidona um sak a, mite kithah tuoh sak theihna thilhih theihna a pieu a; chemzâm hiem tak khat hile a pieu a.

1 THESSALONIKA 5:3

“Muonna leh bitna” ti a a gen lai tak uh leh, numei nauhanat bangin, phulo-halo in, manthaina a chungu ah hungtung intin; suokcha hiel puo’n au.

NASEPTE 11:28

Chun, a lak uh a mi khat, a min Agabas chuh a dinga, khawvel pumpi ah kiel nasatak tung ding ahi tih, Thagau hilh in a hetsak a; (zie kiel chuh, Klaudias lal lai in ana tung ta a.)

ZEKARIA 14:13

Chun, zie ni chuleh gimtheihna huoisie tak Lalpa kawma pat a chungu ah kie’n tin, mitin in a invengte khut tuu un tin; invengte leh inveng chuh kido un au.

HAGGAI 2:22

Kangtalaite leh a chunga chute chuh paih tha vek ing ka ting; sakawl leh a chunga chuongte chuh a mau leh amau kithattuoh un au.

JEREMIA 50:43

A thawm uh a zak in Babulon lengpa khut chuh a zawi ta a, numei nauhanat guol in, natna nasatak in a man tai.

JEREMIA 49:24

Damaska chuh a chau tha ta a, taihsiet a guo a; lauhna’n a man ta a, numei nauhanat bang mai in, Lungngaihna leh natna’n a man ta a.

JEREMIA 25:32

Sepaihte Lalpa chun hiti hin a tii: “Ngaitie! thil phalo chun namtin hun zut ding a hi a, huihpi hât tak mai chuh lei mawng tâwp apat in hung nung ina!

JEREMIA 22:23

Aw Lebanon tânga chêngte haw, Sidar thing laka bu sieh a, na chunga natna a hung tun tieng lungsiet na um ding zie mai chuh! Numei nauhanat bang hung hin la.

JEREMIA 13:21

Nang in guol pha a na siem te kha na chunga a kawih tieng leh bang na lawh ta die? Numei nauhanat bangin na sa ten lo ding na him?

JEREMIA 6:24

“A thuthang uh ka za a, ka khut uh a zawi zo tai. Numei nauhanat bang in; lungkhamna’n ei man tai.

ISAI 19:2

Chun, Aigupta mite chuh, Aigupta mite mah do dingin chawktho ing ka ting, tichun, mitin in amah suohpih do in, mitin in amah invengte do in, kikâp un au; khuo leh khuo kido untin, gam leh gam kido un au.

JEREMIA 4:31

Numei nauhanat tau git tawbang ka za a, nautil hing nat thuok lai, Zion chanu ha huoi huoi a kah git chuh a khuthaw zak in, “Ka chung a gik hi, tuolthat te masang ah ka thidang zo tai,” tih aw ahi.

2 KHANGTHUBU 15:6

Nam leh nam, khuo leh khuo a kisusie lem lum u a; Pathien in haksatna tin chengin a sulungzîng ahi kha.

ISAI 29:6

Van gite, inling te, thawm nasatak te, chinpei te, huihpi te, leh thil katum sek meikuong te mang in Sepaihte Lalpa’n hun gawt ding ahi.

MARK 13:7

Chuleh, kido thu leh kido thuthang na zak tieng u leh, lungzîng kiu; zie thil haw chuh a hung um ding mawng ahi; himahlele, a tawpna chuh hi tadih puo’n a.

MARK 13:9

“Himahleh, chingthei u; vaihawmte hun matsak un tin, chun, kikhawpna In ah zêp hi’n na tin uh; kei ziekin vaihawmte leh lalte ma ah Chanchin pha hetsakna dingin puih hi ding na hi ngâl u a.