MARK 13:34 - PATHIEN LEKHABU THIENGTHO (BSI)

³⁴ Mihiem Chapa chuh, mi a In nusieh a, a suokte thuneihna pie a, mi tin amau sep ding chiet pie a, kawtkhak ngakte le kigin zing ding thu pie a, gam gamla taka zin tawbang chuh ahi.

MARK 13:34 ပူးပေါင်းရင်းမြစ်များ

JOHAN 10:3

Kawtkhak ngakpa’n amah chuh a na hawn sak sek a; a belamte chun a aw a zau a; chuleh, a belamte chuh amin un a sama, a puidawk sek hi.

KOLOSSA 3:24

Lalpa’n a mite dinga kipahman a kawih chuh hun pie ngêi ding a hi tih hezing un. A na nasep uh, na puu tak tak chuh Krista a hi zaw ngâl a.

1 KORINTH 15:58

Zieziekchun, ka suohpih deihtakte, dettak in, suktawih zawh loh in, Lalpa na chuh phachuomngai taka sem in um zingun; na sepgimnau chuh Lalpa achun a thâwn ngei puoi tih na he ngâl u a.

MATTHAI 16:19

Van gam chabi haw chuh hun pie’ng ka ting, lei chungah bang hitaleh na kân ta chuh van a kân hi’n tin, lei chungah bang hitaleh na phel ta chuh van a le phel hi’n a,” a ti a, a dâwng a.

THUPHUON 3:7

“Chun, Philadelphia khuo a sapchuom haw lawi vânsâwlchâk kawm achun hiti hin zik ah: “Mi thiengthopa, mi dik pa, David chabi neipa, kuomah khâk loh dinga hawng a, kuomah hawn loh dinga khakpa khan, zie thu haw hi a gen a hii:

KOLOSSA 4:1

Lawiupate haw, nangun le van ah lawiupa na nei ui tih he’n, na suokteu chungah a thutak leh a kilawm hun phetin hih un.

ROME 13:6

Zieziek hin sieh le na chawi sek uh a puo, khutibang thil hih hâm hâm ding mâwnga chuh Pathien zenviel ahi ngâl u a.