MARK 13:3 - PATHIEN LEKHABU THIENGTHO (BSI)

³ Chun, Isu chuh olive tânga Pathien Ho-In zawna a chut lai in, Peter leh Jakob leh Johan leh Andrew te chuh a kawmah a hung u a:

MARK 13:3 ပူးပေါင်းရင်းမြစ်များ

MARK 4:34

Himahlele, tehkal thu mang lo in vang, a kawm u ah thu a gen ngei puoi; amau haw chauha a um tieng u leh, a sinsakte chuh bang cheng a hilhchien sek hi.

MATTHAI 21:1

Chun, Isu leh a sinsakte chuh Jerusalem khuo a tun ding kuon un, Bethphage khuo, olive tâng chuh a tung uh a. Taka chun Isu’n a sinsakte nih a sawl a a kawm u ah,

MARK 14:33

Tichun, Peter leh Jakob leh Johan a pui a, nasa taka thawmhau in ana lungzîng pan ta a;

MARK 10:35

Chun, Jebedai chapate, Jakob leh Johan chuh a kawmah a hung u a, “Sinsakpa, ka deih taphawt uh ei hih sak leh chin ka nuom ui,” a tiu a.

MARK 9:2

Chun, ni gup zawhin Isu’n Peter leh Jakob leh Johan a pui a, a chuom in tâng sang tak ah amau haw maicha a chieh toh pih a. Chun, a et zing lai u chun, a mel put zie chuh a hung danglam ta a,

MARK 5:37

Chun, Peter leh Jakob leh Jakob suohpihpa Johan tihloh ngâl chuh, kuo mah dangin a zuih dinguh a phal puoh a.

MATTHAI 24:3

Chun, Isu olive tânga a chut lai chun, sinsakte chuh a mau mai in a gûkin a kawmah a chieh u a. “Ziehaw chuh bangtik leh e, a hung um ding? Na hung kitna ding leh khawvel beihna ding melchikna chuh bang a hi die? ei hilh in,” a tiu a.

MATTHAI 17:1

Chun, ni gup zawh chun Isu’n Peter te, Jakob te leh a suohpih Johan te chuh a pui a, a chuom in tâng sang tak ah a chieh toh pih ta a.

MATTHAI 13:36

Isu’n mipite chuh a nutsieh phetin, In ah a lut a; a sinsakte a kawmah a hung u a, “Lo a buhlem tehkal thu khah a umzie nei hilhchien in,” a tiu a.

MATTHAI 13:10

Chun, sinsakte chuh Isu kawmah a hung u a, a kawmah, “Bang dinga a kawm u a tehkal thu a gen na him?” a tiu a.

MARK 13:4

“Zie thil haw chuh bangtik leh hi dinga, zie thil haw chengcheng hung tun ding tieng chu leh a tiemtehna bang hi dinga, kei uh ei hilh ah,” ti’n a dawng guu a.