MARK 13:22 - PATHIEN LEKHABU THIENGTHO (BSI)

²² Krista lêmte leh thiemgau lêmte hung pawt ding ahi ngâl u a. Tiemtehna haw leh thilmak haw bawl un tin, hihthei vang leh telte nasan le puih mang guo’n au.

MARK 13:22 ပူးပေါင်းရင်းမြစ်များ

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

MARK 13:6

Mi tamtak, ‘Krista ka hi’ ti’n Ka min in hung un tin; mi tamtak hun dawha bawl ding ahiu hi.

1 JOHAN 2:26

Zie nangmau haw hun puih mang guote thu khah, na kawmuh a ka hun zik ahi.

MATTHAI 7:15

“Thiemgau lêmte lak achun chingthei un, ziete chuh belam vun silh in na kawm u ah a hung sek u a, a sunggil lam u chulah ngei gawlham tak tawbang ahi ngâl u a.

THUPHUON 17:8

Sahang na muh khah khatvei khah a hing a, himahleh, a hing zawm ta puoi. chun, thampikuo-âwng apat in hung pawtdawk intin, manthaina ah chieh ina. Leia mihingte, khawvel kisiem tung apat Hinna Lehkhabu a min kizik lote chun. sahang chuh a muh tiengu leh maksa’n dim un au. Khatvei khah a hing a; tu’n a hing kit ta puoh a; himahleh hung kilang kit ding ahi ngâl a.

1 JOHAN 2:19

Amau haw chuh I lak uh apat in a pawt uh a, eihaw tawh I kitimatnau a um loh ziekin. Eihaw tawh kitimatna um hile chuh, I kawmuh a um zing ding a hi ngâl uh a. Himahlele, eihaw tawh I kitimatnau a um puoi tih suklatna dingin, ei taihsan sek uh ahi.

JOHAN 4:48

Isu’n a kawmah, “Melchikna haw leh thilmak haw na muh loh u chun, gingcha hiel puo’n lau,” a ti a.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

DAN NIHNA 13:1

Na lak u a thiemgau ahim, mang leh thei ahim a hung um u a, melchikna ahim thilmak ahim a phuon u a.

MARK 13:21

“Zie phat chu leh, mi kuo’n le na kawm u a, ‘En tiem u, zie hin Krista a um hi’ ahim, ‘En tiem u, zie khun a um hi’; a tih u chun, taksang kiu.

MARK 13:23

Himahleh, chingthei u! a hun tun ma’n bangakai ka hun hilh masak na hiu hi.

1 JOHAN 2:18

Naute, hun nunung pên chuh a nai tai! Krista dodilpa hung ina tih, na zak uh khah, tuhin le Krista dodilte tamtak a hung pawt tau hi; zieziekchun, hun nunung pên a nai tai tih I heu ie!