MARK 12:9 - PATHIEN LEKHABU THIENGTHO (BSI)

⁹ “Zieziekchun, grep huon neipa chun bang a hun bawl ta die? Amah chuh hung intin, a grep huon enkawlte chuh sumangthai intin, tichun, grep huon chuh midang te khut ah pie’n a.

MARK 12:9 ပူးပေါင်းရင်းမြစ်များ

ROME 10:20

Chuleh, Isai inle hangsan takin, “Ei hawl lote muhin ka um a, Ei dâwp lote kawmah hetsak in ka um hi,” a ti a.

LUKE 19:27

Tuhin, zie ka melmate, a chung u a, vaihawm dinga ei deih lote hi hun pui unla, ka masang ngeia hin that un,’” a ti a.

MATTHAI 21:43

“Zie ziek tak chun, ‘Pathien gam chuh na kawm u apat a lâksak hi’n tin, a hung gah dawk ding nam khat kawma piek hi’n a,’ tih ka hun hilh na hiu hi.

MATTHAI 22:7

Khutichun, leng chuh a lungna ta a; a sepaih hawn a sawl a, zie tuolthat haw chuh a sumang a, a khuou le a hâl sak ta a.

MATTHAI 12:45

Ziephet chun a va pawtdawk a, amah sanga gilo zaw thitha dang sagih a hun pui a; tak achun a cheng tau a. Zie mihiem umzie nunung chuh amasa sangin a hung phamawh zaw ta a. Tawbangmah hin tulai khangthak gilo takte chunga hin le hung um ding ahi,” ti’n a dâwng a.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

JEREMIA 17:3

Aw nang ka tâng! gamsung pumpi a na gitloh na ziek hin, na sum leh na go chengcheng te, na munsangte tawh gâllâk in pie’ng ka.

ISAI 65:15

Chun, na min u chuh hansie buok dingin ka mi tel te kawmah kawih un na tin; tichun, Lalpa Pathien in hun sulum in tin; himahleh, a suokte chuh vang min dang in sam ta’n a.

ISAI 29:17

Chawmkhat sung mai hilo ahim Lebanon chuh lei pha gahsuoh a chansak a hih a, lei phatak mun chuh gammânga suok sak kit, ti a gen guolin.

JOSHUA 23:15

Chun, hiti hi hung hi’n tin, Lalpa na Pathien un thilpha na kawm u a a gen chengcheng khah na chunguh a a hung tun suok mah bangin, Lalpa na Pathien un zie gam phatak a hun piek uh apat a hih a hun sukmangthai macheng, Lalpa’n thil phalote na chungu ah hun tun sak in a.

MATTHAI 21:34

Chun, a gah lawh phat a hung hih phetin, a chanvo la dingin a ngakte kawm achun a suokte a sawl a.

MARK 12:8

Tichun, amah chuh ana man u a, a that u a. grep huon apat chun a paih dawk tau a.

MARK 12:10

Zie Pathien lehkhathu hi na sim puou a ahim? ‘Insate suong deih loh chuh, A ning a suong phachuom pên a hung hi tai;