MARK 12:6 - PATHIEN LEKHABU THIENGTHO (BSI)

⁶ Chun, chapa khat, a deih tak chuh a nei na lai a, ‘Ka chapa hiel hi chuh a na zah un au,’ ti’n amah chuh a nunung pên in a kawm u ah a sawl a.

MARK 12:6 ပူးပေါင်းရင်းမြစ်များ

JOHAN 1:34

Zie chuh ka mu ta ngêi a, tichun, zie pa hi Pathien Chapa a hii tih ka hetsak tai,” a ti a.

MATTHAI 3:17

Chun, ngaitie, van apat a aw khatin, “Ziehi ka chapa deihtak, ka lungkimna mah mah chuh ahi,” a ti a.

1 JOHAN 4:9

Zie taka hin Pathien in a hehpihna chuh I chungu ah a hun sulang tai, amah vanga I hin theihna dinguh a, a Chapa neihsun khawvel a a hun sawl ahin.

HEBRAI 1:6

Chun, Cha pieng masapen chuh van nuoia hih puih lut a hih tieng, “Pathien Vânsâwlchâkte chengcheng inle, Amah chibai u he’n,” a ti a.

JOHAN 5:23

Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

JOHAN 3:35

Pa’n chapa a hehpih a, a khut ah bangakai, a bawncha’n a pie a.

JOHAN 1:49

Nathanael in a kawmah, “Rabbi, Pathien Chapa na hi, Israel te Leng na hi hi!” a ti a.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

LUKE 9:35

Chun, mei lak apat chun aw a hung pawt a, “Ziehi ka Chapa, ka tel pa chuh ahi, amah thu ngaiun!” a hun ti a.

LUKE 3:22

tichun, Thagau Thiengtho chuh taksa pu’n, vakhu guolin a chungah a hung kum suk ta a. Tichun, van apat in aw a hung pawt a: “Nang ka Chapa deih tak na hi, na chungah ka kipâk mah mah hi,” a hun ti a.

MARK 9:7

Tichun, amau haw lieh in mei a hung zing ta a; chun, mei achun aw a hung pawt a, “Ziehi ka Chapa deihtak ahi, amah thu ngai un,” ti’n.

MARK 1:11

Tichun, van apat in aw a hung pawt a, “Nang, ka Chapa deihtak, ka lungkimna mah mah chuh na hi,” ti’n.

MATTHAI 26:63

Isu chuh la a thip kêi a. Ziephet chun, thiempu lienpen chun a kawmah, “Pathien Hing min a ka hun vau na hi, Krista, Pathien Chapa chuh na him? Kei uh nei hilh in,” a ti a.

MATTHAI 17:5

A gen lai takin, ngaitie, meitang vam takin amau haw chuh a hun lieh ta a, chun, ngaitie, meitang apat chun aw gi khatin, “Ziehi ka chapa deih tak, ka lungkimna mah mah chuh ahi; amah thu ngai un,” a ti a.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

MATTHAI 1:23

“Ngaitie, nungak thiengtho chuh gai intin, chapa hing intin, a min dingin Immanuel sa’n au,” ti a a gen kha. (Zie chuh “I kawmah Pathien a um” tihna ahi.)

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

SAM LEHKHABU THE PSALMS 2:12

Chapa chuh châwp u uo, khutilochun lungna kha’n tin, lamkal ah beimang kha’n lau; kintaka lungna phut ding ahi ngâla A mah a ginna nga chengcheng chuh a hamphau hi.

THILSIEMBUL 37:3

Chun, Israel chun Joseph chuh a teklam cha ahih ziekin a cha dang te cheng sang chun a hehpih zaw a; tichun, puonâk chuol zie chuom chuom a pawl a siem sak a.

THILSIEMBUL 22:12

Chun, amah chun, “Naupang chung akhan na khut tha ki’n la, amah kha bangmah lawh kih: na chapa na neih sun le nei piek dinga na it loh ziekin Pathien na kihchai tih tu’n ka he tai,” a ti a.

THILSIEMBUL 22:2

Chun, Pathien in “Na chapa, na chapa neihsun, na lungsiet tak, Isak ngêi kha pui inla, Moriah gam ah chieh in. Zie taka ka hun hilh ding tâng khat achun hâlmang thilpiek in pien,” a ti a.

SAM LEHKHABU THE PSALMS 2:7

Lalpa thutanna chuh gendawk ing ka: Lalpa’n, “Nang chuh ka chapa na hi ie; Tuni hin ka hun hinthak na hi.

THILSIEMBUL 44:20

Hepu, kei un na kawmah, ‘Pa teksie tak leh a teklam cha naupang cha khat ka nei ui, zie pa u chuh a thi a, a nu hin lak achun amah mai chuh a uma, a pa chun amah chuh a lungsiet mah mah hi,’ ka tiu a.

MARK 12:5

A dang a sawl kit a, amah chuh a na that u a, a dang tamtak le a sawl a; khenkhatte chuh a zêp u a, khenkhatte chuh a that tau a.

MARK 12:7

Himahleh, zie huon enkawlte chun, ‘Zie pa hi go luoh ding chuh ahi,’ that hitiu. Tichun, a goluoh ding hi ei a himai ina, a kitiu a.

3 JOHAN 1:1

Upa keimah apat, deihtak, Gaia, tihtakzet a ka hehpihpa kawm achun: