MARK 12:32 - PATHIEN LEKHABU THIENGTHO (BSI)

³² Ziephet chun, dân sinsakpa chun Isu kawmah, “Ahi ngut hi, Sinsakpa, na gen dik hi: Pathien khat chauh a um a, amah lo chuh pathien dang a um puoi.

MARK 12:32 ပူးပေါင်းရင်းမြစ်များ

DAN NIHNA 4:39

Zieziekchun, tuni hin na lunggil un vawp unla, chunglam van a leh nuoi lam leia hin le Lalpa chuh Pathien ahi tih heu in; adang himhim a um puoi tih heu in.

MARK 12:29

Isu’n, “Thupiek chengcheng laka a lopipen chuh, ‘Ngaiin, Israel: Lalpa I Pathien u chuh Lalpa khat mai ahi a;

ISAI 46:9

Tuma lama thil ana umsa te kha hezing unla, Kei hi Pathien ka hi a, Kei tawbang hi kuomah a um puoi.

ISAI 45:18

Lalpa chun vante hi a siem a, amah chuh Pathien ngêi chuh a hi! Leisiet hi a siem a, a din a, a hihdet a. Mawk um mai dingin a siem puoh a, mihingte chênna dinga a siem ahi. Amah chun, “Kei hi Lalpa chuh ka hi a, Pathien dang himhim a um puoi, a ti a.

ISAI 45:14

Lalpa chun Israel te kawmah, “Aigupta hauhsakna leh, Ethiopia hauhsakna chuh nang haw a hung hi’n tin; Sheba mi sangte chuh na suok un hung um untin, kawlbut pum in hun zui un au; na masang u ah bawkkhup in kiphuong untin, ‘Pathien in a hun umpih a, nanguh kawm chauh ah Pathien a um a, kuomah dang kawmah a um puoi,’ hun ti’n au.

ISAI 44:8

Ka mite haw, lau kiu in! Malai apat in tuni gei hin thil hungtung dingte ka genlawk puoh a ahim? Nang haw hi ei hetpihte na hiu hi tih na he ngâl uh a. Pathien dang a um himhim em? Ahi, Pathien dang himhim a um puoh a, khat chale a um lam ka he puoi,” ti’n.

DAN NIHNA 6:4

“Aw Israel mite haw, ngaitiem u, Lalpa I Pathien chauh u hi ahi Pathien chuh;

DAN NIHNA 4:35

Lalpa chuh Pathien ahi tih na het theihna dingun na kawm u a suklat ahi a; amah tih loh adang himhim a um puoi.

DAN NIHNA 5:7

“ ‘Kei tihloh chuh Pathien dang himhim na neih ding ahi puoi.

MARK 12:33

Mi’n Pathien chuh a lunggil chengcheng leh, a ngaihtuohna chengcheng leh, a hatna chengchenga a hehpih ding ahi a; chuleh, amah a kihehpih guola a invengte le a hehpih ding ahi. Zie thupiek nih te zawp hi, hâlmang thilpiek leh kithawihna dang cheng sanga pawimawh zaw ahi,” a ti a.