MARK 12:14 - PATHIEN LEKHABU THIENGTHO (BSI)

¹⁴ A kawm a tun phet un a kawmah, “Sinsakpa, mi diktat na hi a, kuomah khenchuom na nei puoi tih ka heu a; kuomah khenchuom nei lo in, tihtakzet in Pathien lam thu na sinsak sek hi; Kaisar kawma sieh chawih hi a thieng hi, thieng lo? Ka piek dinguh ahi ka piek loh dinguh?” a tiu a.

MARK 12:14 ပူးပေါင်းရင်းမြစ်များ

1 THESSALONIKA 2:4

Khutichuh hizaw lo in, Pathien in Chanchin Pha vawp sak dinga a phasak lam ka hih ziekun, gen dinga a deih haw chauh chuh ka gen zaw sek uh ahi. Zieziekchun, mihiem te sukkipak ka guo puou a, himahleh, lunggil enchien pa Pathien chuh sukkipak ka guo zaw sek uh ahi.

GALATI 2:6

Chun, milien deuha a ngaihteu chule, kei tawh kilamdanna a neih chuom diek loh ziekun ziehi ka gen ahi; Pathien in, pawlam latdan in vai a hawm puoh ngâl a, zie milien haw chun le, ngaihdan thak bangmah ei pie chuom diek puou hi, tih ka gen ahi.

GALATI 1:10

Ahih leh, tuhin, mihiem sukkipah guo ka him, Pathien sukkipah guo? Mihiemte kawma challat ut ka hi leh? Khutibanga hih ka na guot zing chun, Krista suok hilo ding ka hi.

2 KORINTH 5:16

Zieziekchun, tu a thak hin, kei un vang, mihiemte etdan guolin kuomah vaihawm ta puo’ng kau. Mihiemte etdan guolin, Krista chuh na vaihawm sak ta mahleu hing le, tuhin chuh ka hih ta puou.

2 KORINTH 5:11

Khutichun, Lalpa lauhna zie he’n, mi dangte chuh ka zawl sek uh ahi. Pathien in ei he suok vek a, nang haw’n le, na lungthim tak uh a nei hetuh ka kinem hi.

2 KORINTH 2:17

Mi tamtakin Pathien thu hi dawha bawl a, sumkawlveina guola a mat sek guol un, ei uh vangin I mang puou a; mi thutak, Pathien sawl bangin, Pathien mit muh achun, Krista suok bangin thu I gen zaw sek uh ahi.

2 KORINTH 2:2

Ken, nanguh ka hun suklungkham chun, kuo a, ei sukipak ding leh? Ka suklungkhampa mah kha hi ding ahi ngâl a.

JOHAN 7:18

Kuole, amah phuok kawm thugen chuh, amah lopina ding kihawl ahiu hi. Himahlele, a sawl pa lopina ding hawlte vang chuh mi diktak ahi a; amah achun diklohna him a um puoi.

ROME 13:6

Zieziek hin sieh le na chawi sek uh a puo, khutibang thil hih hâm hâm ding mâwnga chuh Pathien zenviel ahi ngâl u a.

LUKE 23:2

“Zie pa hin I miteu a sukhuolo a, Kaisar kawma sieh a chawih dinguh a khap a, Krista ka hi, leng ka hi, a kitih ka heu ui,” ti’n a hêk pan tau a.

LUKE 20:22

A leh, keihaw’n Kaisar kawma sieh ka chawih uh a thieng hi, thieng lo?” ti’n a dawng u a.

MARK 14:45

Khutichun, a tun tun u chun, amah chuh a zuon phei a, “Sinsakpa, sinsakpa!” ti’n a châwp a.

MATTHAI 22:17

Zieziekchun, bangti’n na ngai a? Kei uh ei hilh tie khai! Kaisar kawma sieh piek hi a dân ahi, hilo?” a tiu a.

MIKA 3:8

Himahleh, kei vang Jakob sukkhelhna sulang ding leh, Israel gitlohna hetsak dingin, Lalpa thagau zieka thil hihtheihnate, vaihawm nate leh hatna te chun ka dim takzet hi.

JEREMIA 42:20

Na hinnau chan lawh ding chauh a kitiem na hiu hi. Lalpa na Pathien kieng u achun nei sawl u a, ‘Lalpa ka Pathien kieng u achun ei paucham sak inla; Lalpa ka Pathien un a gen taphawt chuh ei hilh unla, hih zel ung kau,’ ti’n na gen ngâl u a.

SAM LEHKHABU THE PSALMS 120:2

Aw Lalpa, mûk zuou thei haw apat leh, lei milepbawl hât apat chun, ka hinna hi humbit in.

SAM LEHKHABU THE PSALMS 55:21

A kam chuh nawituikhal bangin a nâl a, Himahleh, kidona lungthim a pu zing u a; a thugen u chuh sathau sangin a nâl zaw a, himahleh, chemzâm zuk dawk sa ahi ngâla.

NEHEMIA 9:37

Ka gitloh ziekun ka chung u a lal dinga na guot te chuh a hauhsak lawh u a, ka taksa chung u leh ka ganchateu chung tieng in a nawp dân dân un vai a hawm u a; ka lungzîng mah mah mai ui.”

2 KHANGTHUBU 19:7

Zieziekchun Lalpa kihchau inla, chingthei takin hih u; Lalpa I Pathien u achun manlohna leh khenchuom neihna leh gawlhguk thil lak te umlo ahi,” a ti a.

2 KHANGTHUBU 18:13

Himahleh Mikaiah chun, “Lalpa hinna sâm in ka gen ahi, ka Pathien in a gen bang bang in ahi ka gen ding,” a na ti a.

DAN NIHNA 16:19

Thudik heikawi a vai na hawm dinguh ahi puoh a, kuomah panpih chuom na neih dinguh ahi puoi; gawlhgukna na lak loh hiel dinguh ahi; gawlhgukna chun mipilte mit chuh a sudûk seka, mi dikte thu chuh a heikawi sek ngâla.

2 KORINTH 4:1

Pathien in a hehpihna zieka zie na hi ka sep dinguh a ei piek ahi a, zieziekchun, ka lungkie puou hi.

MATTHAI 22:16

Tichun, a sinsakteu, Herod lawi a mite tawh a kawmah a sawl u a, ziete chun, “Sinsakpa, mi diktat na hi a, hilh tak zetin Pathien lampi thu na hilh sek a; kuomah hugin chuom le na nei puoi tih ka heu hi, kuomah maizah chuom le na nei diek puoi.

MARK 12:13

Chun, Pharisai khenkhatte leh Herod lawi a mi kuote ahim in, Isu chuh a thugena man dingin mi a sawl u a.

MARK 12:15

Himahlele, Isu’n a a gukhah zieu chuh a he a, a kawm u ah, “Bang zieka ei zedap na hiu hi? Makhai hun lau inla, ei etsak un,” a ti a.