MARK 11:13 - PATHIEN LEKHABU THIENGTHO (BSI)

¹³ Theipi kung, a nahbawk in a khuh lieiluoi chuh gamla tak ah a vak mu a, a gah a muh khâk leh ti’n a va zuon a; himahleh a va tun phetin, a nah ngâllo chuh bangmah a mu puoh a; theipi gah hun a hi puoh him a.

MARK 11:13 ပူးပေါင်းရင်းမြစ်များ

MATTHAI 21:19

Lam panga chun theipi kung khat a mu a, a va zuon a, a nah ngâllo chuh bangmah a mu puoh a. Khutichun, thing kawm achun, “Kumkhuo’n gah ta kih,” a ti a. Tichun, theipi kung chuh a nâng zieng ta a.

ISAI 5:7

Sepaihte Lalpa grep huon chuh Israel Inkuon hi ahi a, Juda mipite hi a grep phuhte chuh ahiu hi. Thu dik a kineppih a, himahleh thisan suohna’n a dim a; diktatna kineppih mahleh lungkham taka kiko aw zak ahi tai!

LUKE 10:31

Chun, thiempu khat zie lampi a chun a va chieh kha khelkhel a, a muh phetin lampang langkhat ah a pel mai ta a.

1 SAMUEL 6:9

Khutichun, amah gam lam zawtna lampi hawh in Bethsemesh-ah a chieh em en un, a chieh chun, I chung uh a thil phalo tak hi amah hih hi’n tin, a chieh loh chun ei uh ei gawt hih amah khut ahi puoi tih hêi tingun, I chung uh a hung tung mawngmawng hi’n a,” a tiu a.

RUTH 2:3

Tichun, a chieh ta a, buh âtte nutsieh haw chuh a va hawl ta a; tichun, Elimelek inkuon Boaz lo achun a va chieh kha khel khel a.

ISAI 5:2

A lei a laichuop a, suonghaw chuh a hawm ngim a; grep kek phapente a phut a, huon lailung achun venbuk a sa a, zie chun grep thawkna khuk le a lai a grep tak gah dingin a kinem a, himahleh, grep lêm ngen a hung gah zaw ta a.

MARK 11:12

Chun, a zing kita Bethani apat a a chiehdawk lai u chun, a gil a hung kiel ta a;

MARK 11:14

Isu’n theipi kung kawm achun, “Tu apat in kuoma’n na gah ne ta kihen,” a ti a. A sinsakte’n a gen chuh a zau hi.