MARK 10:47 - PATHIEN LEKHABU THIENGTHO (BSI)

⁴⁷ Amah chun, Nazareth Isu ahi tih a zak phetin, “Isu, David chapa, ei lungsiet ah,” ti’n a kiko ta a.

MARK 10:47 ပူးပေါင်းရင်းမြစ်များ

MARK 1:24

“Nazareth Isu, kei u leh nang, banga I kimatnau um? Kei uh ei sumangthai dinga hung na him? Kuo na hih ka hun hêi, Pathien Mi Thiengtho na hi!” ti’n.

THUPHUON 22:16

“Kei, Isu hin, sapchuom haw kawmah, zie thu hi hettuoksak dingin, na kawm u ah ka vânsâwlchâk chuh ka hun sawl ahi. David bulpi leh a suon, aksi vak tak chuh ka hi,” a ti a.

MATTHAI 9:27

Chun, Isu chuh zie tak apat chu a chieh zel a, mitdûk nih in a zui u a. “David chapa, kei uh ei lungsiet ah,” tin a kiko u a.

JOHAN 7:52

Amau chun a kawmah, “Nang chule, Galili mi na hi a a hi? Pathien lehkha thu sim in, tichun, Galili gam apat in thiemgau kuomah a pawt ngei puoi tih he ta’n la,” a tiu a, a dâwng u a.

MATTHAI 26:71

Huongsung apat a a hung pawt phet in nungak dang khatin amah chuh a na mu kit a, zie a umte kawm achun, “Zie pa hile Isu, Nazareth mi kawma um kha ahi hi,” a ti a.

MATTHAI 15:22

Chun, ngaitie, zie gama kipat chun Kanaan numei khat a hung a “Lalpa, David chapa, ei lungsiet in, ka chanu thitha’n a man chak kêi a,” tin a kiko a.

NASEPTE 6:14

Chuleh, ‘Zie Nazareth Isu hin, zie In hi phie’n tin, Mosi’n Dan ei piek haw khah hih lamdang ding ahi,’ tih a gen ka zau hi,” a tiu a.

JOHAN 19:19

Pilate in lehkha a zik a, kross chunga chun a tâk a, “NAZARETH ISU JUDATE LENG,” ti a zik ahi.

JOHAN 7:41

A dang chun, “Krista chuh a hii,” a tiu a. Himahleh, khenkhatte chun, “Khawilak ah, Krista chuh Galili gam ah hung pawt ding a hi a ahi? a tiu a.

JOHAN 1:46

Nathanael chun a kawmah, “Nazareth apat thilpha a pawt theia a him?” a ti a a. Philip chun a kawmah, “Hung inla, en ah,” a ti a.

LUKE 4:16

Chun, a seiletna khuo Nazareth chuh a tung a; a hihdan ngeina guolin Chawlhni’n kikhawpna In ah a lut a, Pathien lehkhathu sim dingin a ding dawk a,

MATTHAI 21:11

Mipite chun, “Zie pa hi thiemgau Isu, Galili gama Nazareth khuo a um chuh ahi.” a tiu a.

MATTHAI 21:9

Chun, mipi, a malam a chiehte leh a nunga zuite chun: “David chapa kawmah, Hosanna! Lalpa min a hung chuh a hamphai! Chungnung pên a khun Hosanna!” ti’n a kiko u a.

MATTHAI 20:30

Chun, mitdûk nih lam panga chu chun Isu a hung hi tih a het phet un, “Lalpa, David chapa, kei uh ei lungsiet ah,” ti’n a kiko u a.

MATTHAI 12:23

Ziephet chun, mipite cheng chun mak a sa tau a, “Zie pa hi David chapa kha hilo ahim?” a tiu a.

MATTHAI 2:23

Tichun, a chieh a, Nazareth kiti khuo khata chun a cheng ta a; amah chuh “Nazareth mi” tih hi’n a ti a thiemgaute gen kha a hung guitun theihna dingin.

MATTHAI 1:1

Isu Krista hun suontute Abraham leh David suonte khanggui kizawt zie chuh:

ISAI 11:1

Jessai bulsum chuh hung seldawk in tin, a zung apat in a bâk khat hung seldawk ina.