MARK 10:30 - PATHIEN LEKHABU THIENGTHO (BSI)

³⁰ Tu damsung ngêi hin, Inte, suohpihpa te, suohpihnute, nute leh chate, gamte, aleh za a sukgimtheihna te tawh mu lo ding kuomah a um puoi; hun hung tung dinga kumkhuo hinna tawh.

MARK 10:30 ပူးပေါင်းရင်းမြစ်များ

PHILIPPI 3:8

Ziehaw mai chuh hilo in, Ka Lalpa Krista Isu hetna chuh a lopi zawk bêk ziekin, thil bang cheng le chânna a ka ngaih vek ahi. Amah ziekin thil chengcheng ka chan vek ta a; ziehaw chuh thil bangmahlo mai in ka ngai a, Krista ka muh theihna ding leh,

LUKE 18:30

tu damsung zieng hin le, a sanga tamzaw mu lo ding kuomah a um puou hi, hun hungtung kit dinga kumkhuo a hinna tawh,” a ti a.

2 KORINTH 6:10

Suklungkham in ka um u a, kipâk zing ngâl in; chagah taka kilang ngâl in, mi tamtak neihzawh sak ngâl in; bangmah neilo bang in, thil cheng cheng ka nei ngâl u a.

JAKOB 1:12

Thepna thuok hâm hâmte chuh a kipâk ui, patepa a um nung leh, hinna lallukhuk, Lalpa’n amah hehpihte kawma a tiem chuh mu ding ahi.

MALAKI 3:10

Ka In a nek ding a um theihna dingin Sawma-khat chengcheng chuh a kawihkhawmna In ah hun chawikhawm un, van tukvante chuh hun hawn sak in, vangsakna dâwn sen loh khawp hielin ka hun vuk puoh nai mawh, ei hun patep mawng tiem u! Bangkim hihthei Lalpa chun a tii.

JAKOB 5:11

Ngaitiem u, a thuok tum sek ziekun, kipâk, I ti sek uh ahi. Job thuokhat zie chuh na zau a, Lalpa’n a tawpa a hih dân khale na muu a, Lalpa chuh lungsietna a dim leh, zahngaihna a dim ahi ngâl a.

THUCHINGTE 16:16

Pilna neih chuh sana sangin a phazaw a hetthiemna neih chuh dangkaguo sanga tel zawk ding ahi.

THUPHUON 3:18

Na hung neihzawh theihna dingin, ka kawm apat sana, sana thieng tak hung kichâwk dingin thu ka hun piek na hi. Chun, na sangawnna zahchâk um tak chuh na khuh theihna dingin, puon vam le hung kichâwk dingin ka hun tih na hii. Na muh theihna dingin, mita nuh ding mitlo le ka kawm apat hung kichâwk dingin ka hun thumawp na hi.

1 TIMOTHE 6:6

A hi, Pathien khawksak hi, mi a thil neih chunga a lungkim phawt chun, hamphatna lien tak ahi him hi.

NASEPTE 5:41

Sawlchakte chuh, vaihawmte kawm apat a a pawtdawk phet u chun, Isu min zieka zahchâkna thuok taka guota a um ziek u chun a kipâk mah mah u a.

2 KHANGTHUBU 25:9

Chun, Amazia chun thiemgaupa kawm achun, “A leh dangkaguo talent zakhat ka piek sa cheng chu bang lawh ding ka hi?” a ti a. Chun, thiemgaupa chun, “Zie sanga tamzaw chu a hun pie thei hi,” a ti a.

1 JOHAN 3:1

Ngaitiem u, Pa’n ei hehpihna a nasa na e! “Pathien chate,” ti a, ei minvawh tak uh hi; khutibang chuh I hi him ui. Zieziek hin khawvel in ei uh ei het loh uh ahi, amah chuh a het loh ziekun.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

ROME 6:23

Gitloh man chuh thihna ahi ngâl a, Pathien thil thawnpiek vang chuh, I Lalpau Isu Krista zal chun kumsawt a hinna ahi.

ROME 5:3

Chuleh, khuti mai chuh hilo in, I gimtheihnau ale kipâkin um hitiu, gimtheihna chun thuokhatna a siem a;

NASEPTE 16:25

Himahlele, zânkhang in, Paul leh Silas chuh, Pathien kawmah a paucham u a, la a sau a, suongkul tângte’n a ngaithau a.

JOHAN 10:23

Isu chuh Pathien Ho-In a Solomon bithaliep achun a vak viel a,

MATTHAI 12:32

Chun, kuole Mihiem Chapa awimawh ta chuh a awihmawhnau achun ngaihdam hiu intin; kuole Thagau thiengtho zet gensie vang chuh, a awihmawhnau chuh tu damsung hin le, hun hung tung kit ding achun le ngaihdam hi puo’n a.

MATTHAI 6:33

A gam leh a diktatna hawl masa zawu un; tichun, ziehaw chengcheng chuh piek behlap a um ding na hiu hi.

THUPHUON 2:9

Na gimtheih ziete, na chatgah ziete, himahleh, na hausa ngâl a! Juda tak hilo a, Setan kikhawpna laka tel hizaw ngâla, Juda kiti haw hun gensietna le ka hêi!

SAM LEHKHABU THE PSALMS 84:11

Lalpa Pathien chuh nisa leh phaw ahi ngâla: Amah chun deihsakna leh zahna pien tin: Diktaka umte kawm a chun thilpha mawng mawng it hiel puo’n a.

1 JOHAN 2:25

Chun, ziehi ahi, Krista mawng in thu ei tiem khah, kumsawt a hinna hih.

MATTHAI 13:8

Chun, a bang lei phatna ah a kie a, a bang a leh za, a bang a leh sawmgup, a bang leh sawm thum in a hung gah ta a.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

1 TIMOTHE 4:8

Taksa kisawihzawina hin phatchuomna huntieng a nei na a, Pathien khawksakna vang hin chuh, tu a umsa leh, hung um kit ding piek tiemna a neih ziekin, thil tin chengah a phachuom hi.