MARK 1:8 - PATHIEN LEKHABU THIENGTHO (BSI)

⁸ Ken chuh tui in ka hun baptist a; amah chun vang thagau thiengtho in hun baptist ina, ti’n a gen a.

MARK 1:8 ပူးပေါင်းရင်းမြစ်များ

THUCHINGTE 1:23

Ka hun hilhgaihna hi ngaithau inla, kithu-hilhna pha chuh hun pie’ng ka ting, ka thu chuh nang haw hun hetsak ing ka.

ISAI 32:15

Himahleh, khatvei chuh, Pathien in a Thagau chuh hun sungtha kit intin, gam chulnung chuh lei pha hung chang kit intin, Lote chun gah hun suoh kit ina.

ISAI 44:3

“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.

JOEL 2:28

“Zie hun tieng chuleh hiti hi hung hi’n tin, mi chengcheng chungah ka Thagau sungtha’ng ka ting; tichun, na chapateu, na chanu teu in ka thu gen un tin, na teksieteu in mang in mat untin; na tangval teu in kilâkna mu’n au.

MATTHAI 3:11

Ken chuh na lunghei ui tih suklatna’n tui in ka hun baptist sek a, ka nunga hung ding pa hin chuh Thagau thiengtho leh mei in hun baptist ding ahi. Kei sangin a lopi zaw a, a kengtawbek khau phel hâwi le ka hi puoi.

MARK 1:7

Chun, ka nung ah kei sanga thilhih thei zaw hung ding ahi, khuna a kengtawbek khau phel hâwi le ka hi puoi.

MARK 1:9

Zie nung sawtlo cha chun, Isu chuh Galili gama Nazareth khuo apat in a hung a, Jordan lui ah Johan in baptist a chan sak a.

LUKE 3:16

Johan in a kawm u ah, “Ken chuh tui in ka hun baptist na hiu a, himahlele, kei sanga lopi zaw hung ding ahi. A kengtawbek khau phel hâwi le ka hi puoi. Amah chun Thagau Thiengtho leh meia hun baptist ding ahi.

JOHAN 1:26

Johan chun a kawm u ah, “Ken chuh tui in ka baptist sek, himahleh, na laku ah na het loh uh mi khat a um hi.

JOHAN 1:33

Amah chuh ka he nai diek puoh a, himahlele, tuia baptist dinga ei sawlpa khan ka kawmah, ‘Kuo chung hita leh, Thagau zu chu a, a chunga um zing na muh ta, amah chuh Thagau Thiengtho a baptist ding chuh hi’n a,’ ei ti a.

NASEPTE 1:5

Johan khan tui in a baptist sek a, himahlele, ni sawtlo kâl in Thagau Thiengtho in baptistma chang unla,” ti’n.

NASEPTE 10:45

Chun, zektan haw laka gingchate, Peter hun zuite chun, Thagau Thiengtho piek chuh, Jentel te chung ale sunthak ahih ziekin mak a sa ten u a.

NASEPTE 2:17

‘Pathien in, Ni nunung haw achun hiti hi hi’n tin, Mi chengcheng chungah ka thagau sungtha’ng ka ting; Tichun, na chapateu, na chanuteu in ka thu gen un tin uh; Na tangvalteu in kilâkna muu un tin uh, Na teksieteu in mang in mat un tin;

NASEPTE 2:4

A bawn un Thagau Thiengtho in a dim vek tau a, Thagau in a pau sak guol zelin, pau zatchuom in a hung pau tau a.

1 KORINTH 12:13

Zie tawbang mah chun, I bawn un, Judate ahim, Grikte ahim, suokte ahim, suok lo ahim, sapum khata um dingin Thagau khat mah ah baptist in I um u a; thagau khat mai ei dâwn sak chiet uh ahi.