MARK 1:5 - PATHIEN LEKHABU THIENGTHO (BSI)

⁵ Tichun, Judia gama mi chengcheng leh Jerusalem khuo a mi chengcheng a kawmah a chieh uh a, a gitloh hawu thupha chawiin, Jordan lui ah ama’n a bawn un a na baptist a.

MARK 1:5 ပူးပေါင်းရင်းမြစ်များ

SAM LEHKHABU THE PSALMS 32:5

Ka gitlohna chuh na kieng ah ka phuong a, Ka thulimlohna ka îm puoh a; Ka sukkhelhna chuh Lalpa kawmah thupha chawi ta’ng ka, ka ti a; Khutichun ka gitlohna-gitlohnate chuh na ngaidam ta kha. Selah

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

MATTHAI 4:25

Khutichun, Galili gam apatte, Dekapoli khuo apatte, Jerusalem khuo apatte, Judia gam apatte, Jordan gâl apatte chun mipi nasatak in amah a zui u a.

MARK 1:4

Gamthip ah Johan in a baptist a, chun, thil hihkhelh ngaihdamna dingin lungheina baptistma thu a gen a.

MARK 1:6

Chun, Johan chuh sangawngsau mul puon in a kivan a, a kâwng chuh savun kâwnggak in a gâk a; a an chu khaupe leh gam khuoizu ahi.

JOHAN 1:28

Zie thil haw chuh Jordan gala, Bethani khuo a Johan baptist na a khah a hih uh ahi.

JOHAN 3:23

Johan in le Ainon ah, Salim khuo kieng ah a baptist sek a, zie taka chuh tui a tam ziekin. Mipite chuh a kawmah a chieh u a, a na baptist sek a.

JOHAN 5:35

Zie Johan chuh thaumei kuong leh vak tak tawbang ahi a, a vaka um takdih na nuom sek u kha.

NASEPTE 19:18

Chun, a lak u a gingcha haw, mi tamtak chule a hung u a, a thilhih hawu thupha a chawi u a, a kiphuong tau a.

NASEPTE 2:38

Peter chun a kawm u ah, “Na gitloh uh ngaihdam ahih theih na dingin lunghei unla, chun, Isu Krista min in na bawn un baptistma chang chiet un; tichun, Thagau Thiengtho thawna piek hi mu’n lau.

JAKOB 5:16

Khutichun, sukdam a na um theihna dingun, na gitlohnau thupha kichawi tuoh unla, kipauchamsak tuoh sek un. Mi diktat pauchamna chun thil nasatak a hih sek hi.

JOSHUA 7:19

Chun, Joshua chun Akan kawmah, “Ka chapa, Lalpa Israel te Pathien chuh pakchah aw; a masang a chun kiphuong mai in; na thilhih chuh ei hilh inla; ka kawmah hin îm hiel ki’n,” a ti a.