MARK 1:32 - PATHIEN LEKHABU THIENGTHO (BSI)

³² Chun, nitâk lam a ni a tum nung in, damlo chengcheng leh, thitha mat haw a kawmah a hun pui u a.

MARK 1:32 ပူးပေါင်းရင်းမြစ်များ

MATTHAI 4:24

Tichun, Suria gam chengcheng ah a chanchin a thang ta a; tichun mi damlo chengcheng, damlohna leh natna tin cheng thuokte, thitha mat haw, phungzawl vei haw, zeng haw a kawmah a hun pui u a, a na hihdam a.

MATTHAI 8:16

Chun, nitâk lam a hung hih phetin, a kawmah thitha mat haw tamtak a hun pui u a; chun, a thu’n thitha haw chuh a nawhdawk a, damlo chengcheng a sudam a.

MATTHAI 8:17

Ziehaw chuh thiemgau Isai in: Amah ngêi in I hatlohna teu a lamang a; I natnateu a puoi! ti a a gen chuh a hung guitun theihna dingin ahi.

MARK 1:21

Chun, Isu leh a sinsakte chuh Kapernaum khawpi chuh a lut uh a; Chawlhni’n kikhawpna In ah a lut a, thu a sinsak pai zieng a.

MARK 1:31

Amahnu kawm achun a chieh a, a khut a va tu a, a kaitho a, a khawsik chuh a hai pai zieng a, tichun, a nau a sep sak ta a.

MARK 3:2

Zie a mi khenkhatte chun amah a hêk theihna dingun. Chawlhni’n a hihdam dei mawh ti’n a chingsui u a.

LUKE 4:40

Chun, nisa tum ding kuon velin, natna chuom chuom a na leh, damlote chuh Isu kawmah a hun pui u a, a bawn u a chung achun a khut a nga a, a hih dam zel ta a.

LUKE 4:41

Chuleh, thithate’n le, “Pathien Chapa na hii,” ti a kiko in mi tamtak sung apat in a hung pawt tau a. Isu’n thitha haw chuh a gai a, Krista ahi tih a het ziekun a pau dinguh a za nuom puoi.