MARK 1:10 - PATHIEN LEKHABU THIENGTHO (BSI)

¹⁰ Tui apat a a pawtdawk zawh zawhin, van kihawng ah, Thagau chuh vakhu banga a chunga hung kum a mu a.

MARK 1:10 ပူးပေါင်းရင်းမြစ်များ

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

ISAI 64:1

Vante khu bawtthêk inla hung kum suk mai leh chun, muol le tângte chun hun muu un tin, lau in kiko un au!

EZEKIEL 1:1

Kum sawmthum na tha lina, ni ngana ni chun hiti hi a hung hi a, Kebar lui panga saltâng haw laka ka um lai chun van a hung kihawng a, Pathien kilâkna haw ka mu ta a.

MATTHAI 3:16

Tichun, Isu chuh baptistma a chan zawh zawh chun tui apat in a pawtdawk zieng a, chun, ngaitie, amah dingin van a hung kihawng a, Pathien Thagau chuh vakhu banga hung kum in a chunga hung chuh a mu a.

MARK 1:11

Tichun, van apat in aw a hung pawt a, “Nang, ka Chapa deihtak, ka lungkimna mah mah chuh na hi,” ti’n.

MARK 1:9

Zie nung sawtlo cha chun, Isu chuh Galili gama Nazareth khuo apat in a hung a, Jordan lui ah Johan in baptist a chan sak a.

LUKE 3:22

tichun, Thagau Thiengtho chuh taksa pu’n, vakhu guolin a chungah a hung kum suk ta a. Tichun, van apat in aw a hung pawt a: “Nang ka Chapa deih tak na hi, na chungah ka kipâk mah mah hi,” a hun ti a.