MALAKI 4:6 - PATHIEN LEKHABU THIENGTHO (BSI)

⁶ Amah chun, pate lungthim chuh chate lam ah, chun chate lungthim chuh pate lama kihei sak ina. Khutilochun hung ing ka ting lei hi hansie’n gawt khang ka ie” ti’n.

MALAKI 4:6 ပူးပေါင်းရင်းမြစ်များ

ISAI 11:4

Mi chagahte phatak in vaihawm sak intin, leia mi thunuoigawlh te a ding chun khenchuom neilo in hilhgaih ina; a kama khetbuk in lei hi khên intin, a mûk a hu pawt in minunsie chuh that ina.

DANIEL 9:11

Ahi, Israel te chengcheng chun na dante bawhsie’n, na thugente chuh a ngaitha nuom puou ui. Na chungah ka na gilo tau a khutichun, na suok Mosi dana kizik hansiete chuh ka chung u ah na hun tun sak ta a.

THUPHUON 19:15

Chun, a kam apat in chemzâm hiem tak a hung pawt a, zie chuh namtin a satna ding ahi. A chunguh achun thik tiengin vaihawm intin; Pathien, Bangakai hihtheipa lungnatna nasatak grep thawkna khuk achun chilgawp ina.

LUKE 1:76

“Ahi, bawipu, nang hi Chungnung pên pa Thiemgau tih hin la. A lampite guonggalh lawk dinga Lalpa masanga chieh ding na hi ngâla.

ISAI 65:15

Chun, na min u chuh hansie buok dingin ka mi tel te kawmah kawih un na tin; tichun, Lalpa Pathien in hun sulum in tin; himahleh, a suokte chuh vang min dang in sam ta’n a.

ISAI 61:2

Lalpa lungkim kum thu phuong ding leh I Pathien uh phulakna ni a tung tai tih gen ding leh lusûnte thamuon ding leh,

THUPHUON 22:3

Chun, zie khawpi sung achun hansie him um ta puo’n tin, Pathien leh Belamno lalchutphah chuh um zaw ta’n tin; tichun, a suokte chun amah chuh zenviel un au.

ZEKARIA 14:12

Chun, Jerusalem dote chunga Lalpa’n hipi a lênsak ding chuh zie hi ahi: A keng uh a ding zing lai chuh a taksau chuh hung muot intin, a mitkuok sung uh a a mitchangteu muot in tin, a kam sung uh a a leiteu le muot mang ina.

ZEKARIA 14:2

Lalpa’n Jerusalem do dingin nam chengcheng sam khawm ding ahi ngâl a. Khawpi chuh lâk in um intin; Inhaw chule suksiet hi’n tin, numeite chuh pawngsuol in um un au. Khawpi a mi kimkhat chuh sala puih in um un tin, mipi nutsieh a umsunte chuh khawpi apat in sukmang hi puo’n au.

ZEKARIA 13:8

Tichun, hiti hi hi’n tin, gamsung pumpi a mihing mun thuma khena mun nih chuh thi’n tin beimang un au, chun, mun thuma khena mun khat chuh suokcha’n au.

ZEKARIA 5:3

Chun, amah chun ka kawmah, “Zie chung ahin gam pumpi chunga hansie chiehdawk chuh a kizik hi, langkhat a chun, ‘Tu apat in gucha taphawt chuh, sukmang hi ding ahi ngâl u a,’ tih a chuong a, a sik langkhat achun, ‘Lepchieh a kipautiem a taphawt chule sukmang hi’n au.’ ti’n a kizik hi.

ISAI 43:28

Zieziekchun, mun thiengtho a na leng chate chuh hih buok ing ka ting, Tichun, Jakob te chungah sietna huoisie tak ka tun saka; Israel chule sukmuolpho in a um tau hi, ti’n.

ISAI 24:6

Zieziekchun, lei hi Pathien in hansie a buok khum ta a, a luohte thilhih ziek ngeia thiemloh chansakin a um tai. Zieziekchun, atawm deuh deuh u a, mi tawmcha mai nutsieh in a um tau hi.

MARK 11:21

Tichun, Peter in thil umchan kha a hezing a, Isu kawmah, “Sinsakpa, en tie! theipi kung na gausap kha a vuoi zo tai,” a ti a.

MATTHAI 22:7

Khutichun, leng chuh a lungna ta a; a sepaih hawn a sawl a, zie tuolthat haw chuh a sumang a, a khuou le a hâl sak ta a.

ZEKARIA 11:6

(“Lei chunga chêngte hi lainat lo ding ka hi ngâl a, Lalpa’n a tii; chun, ngaitiem u! mi cheng chuh a invengpa khut leh, a lengpa khuta chu pie ding ka hi: tichun, gam chuh susieu intin, a khut u apat in hukdawk puo’ng ka,”)

HEBRAI 6:8

Himahlele, hamlingnei leh buolhaw a hung keh chun chuh, hansie buokkhum a hung hi sek a, a tâwp achun hâltum ahi sek hi.

ISAI 40:3

Aw khat hung gi chun, “Lalpa lamlien lai unla, gamgaw achun I Pathien uh lamlien chuh hei zang un.