MALAKI 4:2 - PATHIEN LEKHABU THIENGTHO (BSI)

² Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

MALAKI 4:2 ပူးပေါင်းရင်းမြစ်များ

JEREMIA 33:6

Ngaitie, damna leh hiselna hun tun ing ka ting, amau chuh sudam ing ka ting; muonna leh bitna diktak muh sak ing ka.

SAM LEHKHABU THE PSALMS 84:11

Lalpa Pathien chuh nisa leh phaw ahi ngâla: Amah chun deihsakna leh zahna pien tin: Diktaka umte kawm a chun thilpha mawng mawng it hiel puo’n a.

ISAI 30:26

Zielo chun le, Lalpa’n a mite liemna a tuom sak ni, a liemmateu a sukdam ni chun, tha chuh nisa guolin vak ta’ntin, nisa chuh a leh sagih in, ni sagih a kigawm bang hielin vak ta’n a.

LUKE 1:78

I Pathien u chuh zahngaihna hau leh nunnem tak ahi ngâl a; Zieziekchun, chunglam apan in hukdamna ni no suok in ei hun tawh ina;

JOHAN 8:12

Chun, Isu’n Pharisaite kawmah thu a gen kit a, “Kei khawvel salh vak chuh ka hii; kuole, ei zui chuh thim lak ah leng puo’n tin, hinna vak nei zaw’na,” a ti a.

ISAI 53:5

Himahleh, amah chuh I bawhsietna teu zieka sukliem a um in; I mantheihlohna teu ziekin zêp thidup in a um a. I thamuonna ding un zêpna mawlh chuh a chungah a chu a; a liemna pawn haw a chuh sukdam a um I hi tau hi.

MALAKI 3:16

Tichun, Lalpa kihchate chuh a kihotuoh u a: Lalpa chun I thugenteu a ngaitha a, a na za a, Lalpa kihchate leh amah limbawlte a ding chun hetzing na lehkhabu chuh a masang ah zik ahi ta a.

THUPHUON 22:16

“Kei, Isu hin, sapchuom haw kawmah, zie thu hi hettuoksak dingin, na kawm u ah ka vânsâwlchâk chuh ka hun sawl ahi. David bulpi leh a suon, aksi vak tak chuh ka hi,” a ti a.

JOHAN 1:4

Amah achun hinna a um, zie hinna chuh mihiemte vak ahi.

2 SAMUEL 23:4

Zingkal a meibuol kailo hiela nino hung suok bang leh, Guohzuk zawh a van hung thieng a, leia hampa hung dâwn dâwng ngikngiek tawbang hi hi’n a.”

THUPHUON 22:2

Zie khawpi kawtthêl lailung leh a lui pang tuok achun Hinna thinggah chichuom chuom sawmlenih nei, tha chenga khatvei gah a um a; chun, zie thing nah haw chuh namtin sukdamna ding ahi.

2 PETER 1:19

Zieziekchun, thiemgaute thu genlawk haw akhan muonna det zawsem ka neih uh ahi. Zie chuh, na lunggil uh a Zingsawl aksi a hung vak masang sieh in, khawvak ma a thaumei vak tawbang in zie thu chuh na lungthim uh salhvakna’n mang leu chin pha ding ahi.

RUTH 2:12

Lalpa chun na phatna chuh hun din hen la, Lalpa Israel Pathien, kihumbitna dinga a thanuoi na hun belh pa chun na phat man nasa takin hun pie hen,” a ti a.

THUPHUON 2:28

Chun, zingsawl aksi chule a kawm u ah pie ding ka hi.

SAM LEHKHABU THE PSALMS 147:3

Lungthim thasie te chuh a hih dama, A liemna teu chuh a tuom sak sek hi.

SAM LEHKHABU THE PSALMS 103:3

Amah chun na thulimlohna chengcheng a ngaidam sek a: Na natna chengcheng a hih dam sek hi;

MATTHAI 11:5

mitdûkte a mit uh a vak ta a, kêngbâite le keng in a chieh tau in; phâkte a thieng tau, bengngawngten le khuo a za thei tau in; mithi haw le kaihthawh in a um tau a, chagahte kawma le Chanchin pha gen ahi tai.

ISAI 35:6

Chun, kêngbâite chuh sazuk guolin kichawm in tin, pautheilote chun lâwpin lasau un tin, gamgaw achun luichate luong ta’n tin.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

NASEPTE 13:47

Zie tawbanga hi Lalpa’n thu ei piek ka hiu hi: ‘Jentel te vak sak dinga ka guot na hiu hi, Khutia chuh khawvel pumpi hukdama a um theihna dingin,’ tih zik guol khan,” a tiu a.

JOHAN 9:4

Sun a hih pet in ei sawlpa na I sep ding ahi; zan hi ding ei tai, zie tieng chuleh kuoma’n na sem thei ta puo’n au.

HOSEA 6:3

Lalpa hetna chuh delh zel hitiu, hêi tingun,Lalpa chuh het guo tai tiu. Zingkal a khuo hung vak zel tawbang leh, guoh tui in lei a chapchêk bang hin matheilo in I kawm u ah hung in a.”

HOSEA 6:1

“Hung tiem u, Lalpa lam ah vaikit hitiu: ama’n ei bawttel ta mahleh ei sudam kit ding ahi ngâla. Ei na suliem ta mah leh ei tuom kit ding ahi ngâl a.

EZEKIEL 47:12

A lui pang tuoka chun theikung chi tin kek intin, ziehaw chuh a nah vuoi ngeilo in, gah loh tih le um ngei puo’n tin, mun thiengtho apat a lui hung luong dawkin a chawm a hih ziekin tha chengin gah ina, a gah chuh nek ding hi’n tin, a nah chuh sukdamna ding hi’n a.”

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

ISAI 9:2

Thim nuoia chute chun vak lopitak a muu a. Thihna thim sah tak nuoia chêngte chunga chun vak lopitak a hung êng tai.

THUCHINGTE 4:18

Himahleh, mifel lampi chuh zing khawvak bang ahi a, sun chang lai tak bangin a vak hawih deuh deuh hi.

SAM LEHKHABU THE PSALMS 85:9

A hukdamna chuh amah kihchate kawmah achun a um ngêi ngêi sek hi; Zie lopina chuh ka gam u ahin a um theih na dingin.

SAM LEHKHABU THE PSALMS 67:1

Pathien in ei lungsiet hen la, ei vangsak hen, A mel chuh I chung u ah hun vak sak hen; Selah.

THUPHUON 11:18

Namte chuh lungnatna’n a dim tau a, Na lungnatna ni a hungtun tâk ziek leh, Mithi te chunga vaihawmna ni a hungtun tâk ziekin. Na sawntawlawi, na thiemgaute kipahman leh, nang hun ho, na mite chengcheng, a lien a neute kawma kipahman piek ni a hungtung ta ngâl a. Leisiet sumangthaite sukmangthaina ding hun le a hungtun ta ngâl a,” ti’n, Pathien a ho uh a.

1 JOHAN 2:8

Amahvang chuh, thupiek thak hun zik le hita veng ka ti, a ziek chuh, thudik chuh Krista leh nangmau haw a muh a a um tâk ziekin. Thimna chuh a bei ta a, chun, vak tak chuh a hung vak tâk ziekin.

2 PETER 3:18

Amahvang chuh, I Lalpau leh Hukdampa Isu Krista lungsietna leh hetna achun na khanglien un. Tuhin leh kumkhuo’n, amah kawm achun lopina um ta hen. Amen.

2 THESSALONIKA 1:3

Suohpihte haw, nangmau haw chungchâng thu ahin, Pathien kawmah kipahthu gen zing ding him ka hiu hi. Zie chuh kei uh dingin hih ding kilawm mawng a hi a; na taksannau chuh nasa taka a hung khanlet tâk ziekin leh mi dangte chunga nangmau haw chietin hehpihna na neih uh chuh a hung pun zawksem tâk ziekin.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 1:8

Amah chuh vak chuh ei puoi, vak thu chuh hetsak dinga hung a hi zawi.

LUKE 2:32

Jentel te salhvak ding vak leh, Na mi Israel te lopina ding chuh!” a ti a.

LUKE 1:50

Amah kihchate chung achun a zahngaihna chuh akhang-akhangin a latsak zel sek a.

MATTHAI 23:37

“Aw Jerusalem, Jerusalem, thiemgau haw that, na kawma Pathien in thupuo a hun sawlte that a, suong a sep lum! Akpi’n a note a tha nuoia a awp khawm guolin, na chate bang zat vei a awp khawm ka guot khah! Himahlele, na ut ngâl puou a.

JEREMIA 17:14

Aw Lalpa ei hihdam inla, tichun, dam ing ka, ei hukdam inla, tichun, bit kêi in um ing ka. Ka pahchak zing sek chuh na hi ngâl a!

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

NASEPTE 13:26

“Suohpihte haw, Abraham suonpa chate haw, na lak u a Pathien ging chengcheng te haw, eimau haw kawma hin zie hukdamna thu haw hi I hun thâk dawk uh ahi hi.

JOHAN 12:40

“Pathien in a mit uh a hih dûk a, a lungthimteu a khâk sak a, Khutilochun a mit un mu khau un tin uh, A lunggil un he kha’n au, Tichun, hung kihei kit khau untin, Ken amau haw a na hihdam khang ka,” ti a a na gen ziek hin.

SAM LEHKHABU THE PSALMS 61:5

Aw Pathien nang chun ka thutiem haw na ngaitha ngâla; Na min kihchate gam luoh chuh nei pie a.

JEREMIA 30:17

Hun sudam kit ing ka ting, na liemna apat chuh hun sudam ing ka, Lalpa’n a tii: ‘Na melmateu in nawhdawk a um, kuomah ngaihsak loh Zion ahi,’ hun ti mahleu le.”