MALAKI 3:7 - PATHIEN LEKHABU THIENGTHO (BSI)

⁷ Nanguh hun suonte hun a kipat khan, ka thuguot te na kiheimangsan u a, zuih le na zui kha puou ui! Ka kawmah hung vaikit un la, tichun, Keile na kawm u ah hung vaikit ing ka, Bangkim hihthei Lalpa’n a tii. Nang haw chun la, ‘Bang haw ahin ahim ka hung vaihkit ding uh?’ na tiu a.

MALAKI 3:7 ပူးပေါင်းရင်းမြစ်များ

ZEKARIA 1:3

Himahleh, tuhin, na kawm u ah, ‘Ka kawmah hung vaikit un la, tichun, Kei le nanguh kawm lam hung nga’ng ka.

ROME 10:21

Amahvang chuh, Israel mite chungchâng thu a chun, “Mi genhak leh nielhatte dingin ni tumin ka bân haw ka zak sek kha,” ti’n a gen a.

ROME 10:3

Pathien diktatna helo in, amau haw diktatna sukdet guo’n, Pathien diktatna nuoia a kitulut ngâl puou a.

JAKOB 4:8

Pathien naih un, tichun ama’n hun naih ina. Mi gilote haw, na khut hawu silngim un la, lungthim mumal neilote haw, na lunggil uh suthieng un!

DAN NIHNA 31:20

A pileputeu kawma piek dinga kihâksiela ka tiem, bâwngnawi leh khuoizu luonna gam achun ka puih luta, ne leh cha a a um u a, a hung tai u a, a hung khawsak theih tiengu leh pathien dang haw lam hun nga’n tin un, a nau sem in tin un, ei musit intin un, ka thuthun haw bawhsie ding ahi ngâl u a.

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

LUKE 15:16

Khutichun, bang khat bul, vawk in a nêk hawu nasan a chuh kisukvah a ut hiel ta a, kuoma’n la bangmah a pie puoh ngâl u a.

JEREMIA 3:22

Aw nang haw nungchawn hatte haw, hung vaikit unla, na nung chawnnau apat in hun na sudam ing ka. Ngaitie, na kawmah ka hung ui, nang chuh Lalpa ka Pathien uh na hi ngâla.

MATTHAI 23:27

“Na chunguh a gik hi!” Danthuzikte leh Pharisai gukhahte haw, Thân nuh vam, pawlam hawih taka lang, a sunglam chula, mithi guh leh thil thanghuoi tin chenga dim guol chuh na hiu a puo!

MALAKI 1:6

Chapa chun pa a zah sek a, suok chun a pu: “Kei hi Pa ka hih chun nei limbawlnau chuh khawitak a um ahi? Kei hi hotu ka hih chun, nei zahnau chuh khawitak a um ahi? Bangkim hihthei Lalpa’n a tii. Aw ka min musit thiempute haw, ‘Banga khan ahim ka hun muhsit uh?’ na tiu a.

EZEKIEL 20:28

Khut zak hiela amau ka tiem gama hi ka puih lut phetin, tâng sang leh thingbawk pha a muhna taphawt u ah kithawihna a siem u a, a thilpiekteu lungnat-um tak haw chuh a pieu a. A gimlim thilpiek hawu chuh a pieu a, a dâwn ding thilpiek hawu chuh a sungtha ngâl u a’, ti’n.”

EZEKIEL 20:21

Ahih ziekin a chateu chuh ka chungah a hel u a. ka dân siem haw chuh a hawh puou a, ka thutanna haw, mi’n a zuih a a hinlawh ding hawu chuh zui dingin a vawp diek puou a; ka chawlhni haw chuh a bawhsie zaw tau a; khutichun ‘a chung u ah ka lungnatna chuh buntha’ng ka ting, thalek ahin a chung u a ka lungnat dân takin sawisa di’ng ka’, ka na ti hiel a.

EZEKIEL 20:13

Himahleh, Israel insung mite chuh thalek a khan ka chungah a hel u a, ka dân siem haw chuh a zui puou a, ka thutanna haw, min a zuih a a hinlawh ding hawu chuh a musit u a, Sabbath haw le nasa takin a bawhsieu a; khutichun, thalek achun amau hih mangthai dingin ka lungnatna chuh a chung u ah ka sungtha mai die aw, ka ti a.

EZEKIEL 20:8

“Ahih ziekin ka chungah a hel u a ei limsak puou a. Mitin in thil tenum a etlah hawu chuh a paihmang puou a, Aigupta milim haw chuh a kiheimangsan diek puou hi. ‘A chung u a ka lungnatna butthaka, Aigupta gamsung ngeia chuh ka lungnat dân taka sawisak ding ahi tam’, ka na ti hiela.

ISAI 65:2

Mi genhakte leh helchîng namte ding chun ni tum in ka bân ka zak sek hi; amau chun a ngaihtuoh na bang zel un lam diklo a zui u a.

NEHEMIA 9:26

“Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.

MALAKI 3:13

“Nang haw’n ka chungchâng thu hi khauh takin na gen sek ui,” Lalpa chun a tii. “Himahlele, nang haw chun, ‘Na chungchâng ah bang thu a ka gen uh?’ na tiu a.”

JEREMIA 7:26

Himahleh, ei ngaitha diek puou a, a bil u le a dawh diek puou a; a lunggil uh a sukhauh u a, a pileputeu sang khan a gilo zaw tau hi.

ROME 7:9

Keimah ngêi le, makhan danlo in ka hing a, himahlele, thupiek chuh a hung um phetin, gitloh chuh a hung halh a, kei chuh ka thi ta a.

JEREMIA 7:25

Na pileputeu Aigupta gama ka puihdawk ni apat tuni tieng hin ka nasem thiemgau te nichenga chawllo a, na kawm u a ka hun sawl sek kha.

JEREMIA 16:11

Hiti hin na gen ding ahi. “Nanguh hun suon ten ei taihsan ziekun ahi, pathien dang le a ho u a, a na a sem u a, a ho u a, ei taihsan u a, ka dân a zâwp puou hi.

JEREMIA 16:12

Chun, nangun na pileputeu sanga phalo zaw’n na bawl u a. Ngaitiem u, mitin in amah lunggil tak na bang zel a um in, kei thu na ngaitha puou ui.

EZEKIEL 2:3

Chun, ka kawmah, “Mihing chapa, kiphin hât Israel chate, ka chunga hel sekte kawm achun ka hun sawl na hi: amau leh a pileputeu in le tuni chan gei hin ka chungah a bawhsie sek u ahi.