MALAKI 3:6 - PATHIEN LEKHABU THIENGTHO (BSI)

⁶ “Kei Lalpa hi ka kitheng ngei puoh a, zieziekchun nanguh, Aw Jakob chate haw, sukmangthai a umlo na hiu hi!

MALAKI 3:6 ပူးပေါင်းရင်းမြစ်များ

KISIMNA 23:19

Pathien chuh mite guola lepchieh ahi puoh a; mihing guola lungthim kisang hethut ei puoi. A thutiem chuh a hih zel a, a gentak chuh hih in a um zel ahi.

HEBRAI 13:8

Isu Krista chuh thangni, tuni leh kumkhuotuong in a ngêi ngêi ahi zing ngâl a.

JAKOB 1:17

Thilpiek pha leh bukim chengcheng chuh, chunglam apat ahi. Pa vaka hung tha suk ahi a, amah achun lamdanna leh kiheina lim himhim a um thei puoi.

JEREMIA 32:27

“Ngaiin. kei Lalpa Pathien hi taksa nei chengcheng te Pathien ka hi, kei a ding thil haksa taluo a um em?” ti’n.

1 SAMUEL 15:29

Israel te lopina Pathien chu a lepchieh puoh a, a lungthim le a sang diek puoi. Mihiem a hi puoh a, a lunggel le a sang lam dang diek puoi,” a ti a.

HEBRAI 6:18

Zie chun then kit theih loh thil nih a um ta a, zie thu achun le Pathien chuh a lepchieh ngeilo ahi. Khutichun, eihaw, amah a kihumbitna mute hin, I masang uh a kinepna um chuh tuchak dingin, nasa taka sukhat in I um tau hi.

THUPHUON 1:8

“Kei a Bul leh a Tawp chuh ka hi,” Lalpa Pathien, A umlai tak leh um sapa leh, hung um kit ding pa, Bangakai hihtheipa chun a tih ahi.

THUPHUON 22:13

Kei, Alpha leh Omega, a masapen leh a nunung pên, a Bul leh a Tawp ka hi.”

ISAI 44:6

Lalpa, Israel mipite Tandawkpa leh vengpa, Bangakai hihthei Lalpa chun hiti hin a tii, “Kei a Masapen leh a Nunung pên, Pathien khat chauh ka hi a. Kei tihloh Pathien dang himhim a um puoi.

SAM LEHKHABU THE PSALMS 103:17

Himahleh, Lalpa zahngaihna vang chuh amah kihchate chung achun kumsawt apat kumsawt tiengin um in a, A diktatna le a tusawn tiengin um in a.

SAM LEHKHABU THE PSALMS 102:26

Ziehaw chuh hung beimang intin, nang vang chuh um zing inla: Ahi, ziehaw chengcheng chuh silhlechen bangin hung chul untin; Silhlechen bang in theng in na tin, hung zatchuom tan au.

PHILIPPI 1:6

Zieziekchun, Pathien, zie nasep pha nangmau a sem pan pa chun, Krista Isu Ni a a pitit tiengin sem zawm zel ina tih ka hechien ngâl a. Ka lunggil ah na um zing u a! Zieziekchun, tu a nang haw ka hun gel banga hun gel hi thil dik a hi him hi.

ISAI 41:13

Kei hi Lalpa na Pathien uh ka hi a, ‘Hun panpih ding ka hi,’ ” ti’n na khut changlam u chuh tu ding ka hi ngâla.

HOSEA 11:9

Ka lungnatna nasa tak chuh muolsuoh puo’ng ka ting; Ephraim chuh sukmangthai dingin dawi kit ta puo’ng ka. Kei chuh mihing hilo in, Pathien ka hi ngâl a. Kei, Mi thiengtho hi na kawmah ka um a, Lungna takin na kawmah hung ta puo’ng ka.

SAM LEHKHABU THE PSALMS 78:57

Himahleh, a kilehhei u a, a suonteu bangin gukhah takin a hih zaw tau a; Thalpi lung kâwi tawbang in a chieh kâwi u a.

SAM LEHKHABU THE PSALMS 78:38

Himahlele amah chuh lainatna a dim ziekin, a gitloh nau chuh a ngaidam a, amau haw chuh a sumang puoi; Ahi, a lungnat na chuh tampi vei a zûkkik a, A lungnat na chengcheng chu a chawktho nuom sek puoi

THILSIEMBUL 15:7

Chun, Lalpa’n a kawmah, “Zie gam hi luoh dinga hun pie dinga Kaldai haw gama Ur apat a hun puidawkpa Lalpa khah ka hi,” a ti a.

ROME 5:10

Melma I hih lai u a bawn, a Chapa thihna vanga Pathien tawh na kichamsa I hih chun, kichama I um tâk nung u hin, a hinna vangin hukdam in um ngêi hitiu.

THILSIEMBUL 22:16

“Zie thil hi na hih tâk ziekin leh, na chapa na neihsun le na it loh ziekin hun vangsak tei tei ing ka ting.

THILSIEMBUL 15:18

Zie ni chun Lalpa’n “Zie gam hi Aigupta lui apat a lui lien, Euphrates lui chanin na suonte ka pie tai:

SAM LEHKHABU THE PSALMS 102:27

Nang vang chuh na ngêi ngêi na hi a, Na kumte chun beih ni himhim nei puo’n au.

DANIEL 6:26

Ka gam awpna sunga mite chengcheng hin Daniel Pathien chuh lau in kilîng u hen, ti’n thupiek ka bawl ahi. “Amah chuh Pathien hing ahi a, kumlekhuo’n vaihawm intin. A lenggam chuh suksiet hi ngêi ta puo’n tin, a thilhih theihna chun tâwp nei ta puo’n a.

HABAKKUK 1:12

Aw Lalpa ka Pathien, ka mi Thiengtho, Nang chuh kumsawt kumsawt a ka Pathien hilo na him? Na thi ngei puoh a, Aw Lalpa amau chuh nangin vaihawm dingin na guot a. Aw nang ka Suongpi, amau haw hih nangin thunun na dinga na tundawk ahiu hi.

SAM LEHKHABU THE PSALMS 102:28

Na suokte chate chuh bit takin um zing untin uh, A suonteu chuh na masang ah hihdet in um un au.

ISAI 46:4

Na Pathien uh ka hi a, na hung têk u a, na sam hawu a kan gei in hun enkawl ding ka hi. Ka siemsa na hiu a, hun enkawl ka ting; hun panpih ka ting, hun humbit ing ka.