MALAKI 3:5 - PATHIEN LEKHABU THIENGTHO (BSI)

⁵ Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

MALAKI 3:5 ပူးပေါင်းရင်းမြစ်များ

HEBRAI 13:4

Mi cheng cheng lak ah kichênna hi limbawl in um hen la, zâlkhun le sukbuok loh in um hen. Kideihchak chîng leh zawlsaite chuh, Pathien in ngaihtuoh ding ahi ngâl a.

DAN NIHNA 5:11

“ ‘Lalpa na Pathien min chuh na mawk suoh maimai ding ahi puoi. Lalpa chun a min suoh mai maite chuh thiemloh chansak lo a pawtdawk sak ding ahi puoh ngâla.

JAKOB 5:4

Ngaitiem u, na lo hawu a kithalawh a na gawih teu lawh, dawha bawl a, na piek loh uh khah, na buh-atteu kiko thawm chuh, Bangkim hihthei Lalpa Pathien nakhang achun a tung to tai!

MALAKI 2:14

Bang zieka pawm talo ahi die aw, na ti nalai u a. A ziek chuh, tanglak na hih laia na kichênpih na zi kawma Pathien in a hun hetpih a na thutiem kha na bawhsie ta a. Pathien masang ngêi ah, amahnu a dinga chuh ginum dingin thutiem na nei ngâla.

DAN NIHNA 27:19

“ ‘Gam chuom mite, nauchagahte, meithaite chunga diklo taka vaihawm chuh gausap in um hen,’ ti’n tin un. “Chun, mipite chengcheng chun, ‘Amen,’ ana tih dinguh ahi.

THUPHUON 22:15

Himahlele, khawpi pawlam achun, uichate, dawithiemte, kideihchak nuomte, tuolthatte, milim hote leh, a thu leh a thilhih uh a lepchiehte um un au.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

THIEMPUDANTE 20:27

“Kuole, pasal hileh numei hileh, thitha aisânthiem dawng taphawt chuh suklup ding ahi a; a thisan mawh u chuh a chung u a um ina, le tikit ah,” ti’n.

THIEMPUDANTE 20:6

“Chun, kuole, amau tawh zawlsai dinga thitha aisânthiem dawng sekte chuh nungngat ing ka ting; amau chuh a mipite apat chun sattha ding ka hi.

THIEMPUDANTE 19:13

“Na invengteu na thep dinguh ahi puoh a, na gûk sak dinguh ahi diek puoi. Mi, na thalakteu lawh chuh pie lo in, zan khat le na umsak dinguh ahi puoi.

MALAKI 2:17

Na thugenteu in Lalpa na suchawl zo tau a. Himahleh, nanghaw’n la, “Bangti’n a hi ka sukchawl uh?” na tiu a. Zie thu na genteu hin na suchawl ui: “Lalpa Bangkim hihthei chun, thil gilo hihte chuh a pha’n a ngai a, a deih ahi” na tih u leh, “Pathien diktak chuh khawia um ahi?” na tih nau haw ahin ahi, ti’n.

JEREMIA 29:23

Israel gam achun thil ngawlhuoi tak a hih uh a, a invengteu zite tawh zawl a sai uh a, ka min a ka thupiek loh pi a, thu a gen ziekun, Kei a he pa leh, a hetpihpa ka hi,” tih hi Lalpa kamsuok a hi!

THUCHINGTE 16:6

Hehpihna leh thutak chun manlohna chuh sawp thien ahi a, Lalpa a kihchak ziekun min gitlohna a taihsan sek ui.

THUCHINGTE 8:13

Lalpa kihchak chuh gitloh hawt hi ahi a, chapona leh kiletsakna chuh ka haw a, gitlohna lampi leh pau chapo chu tawh.

SAM LEHKHABU THE PSALMS 98:9

Khawvel vaihawm dinga hung Lalpa masang achun: Khawvel hi diktat takin vaihawm sak intin, Khenchuom neilo in mi cheng cheng hi vaihawm sak ina.

ROME 3:8

Khuti a hih chun, thilpha hung pawt theihna dingin thil gilo bawl hi tiu ti leng phazaw lo ding? Mi khenkhat in nei hêk u a, khenkhat in ka gen loh hiel nei gensak u a; Zie tawbang mite chun mawh a chan u chuh adik ahi.

MIKA 1:2

Nang haw, namtin chengte haw, zie hi heu in! Aw lei leh a sunga um chengcheng te haw, ngaithau in! Lalpa Pathien chun nang haw do in thu gen in tin; A Ho-In thiengtho apat a a thugen chuh ngaithau in!

SAM LEHKHABU THE PSALMS 96:13

Amah chuh hung ding ahi a, Lei vaihawm dingin amah chuh hung ding ahi ngâla: Khawvel chuh diktak in vaihawm sak intin, Mi cheng cheng a thutak in vaihawm sak ding ahi.

SAM LEHKHABU THE PSALMS 81:8

Aw ka mite haw, ngaithau unla, hun hetsak ding ka. Aw Israel, ka thu ngaitha nuom ta leu chin aw!

NEHEMIA 5:15

Himahlele, tumasang a vaihawm te kha mipite puokgik ahiu a, dangka sekel sawmli tihloh a chângthâk teu leh a uain teu a lâksak sek u a, a suokteu nasan mipite chungah a kilalsak nalai u a. Himahleh, ken vang Pathien kihchakna ziekin khutibang chun ka hih puoi.

DAN NIHNA 24:17

“Gam chuom mite leh nauchagahte chuh diklo takin vaihawm khum kiu inla, meithai puon chuh bat gâkna a na lak dinguh ahi puoi;

THIEMPUDANTE 20:10

Chun, kuole, mi zi tawh va zawlsai a, a invengte zi va zawlsaihpih chuh, a zawlsaipa leh a zawlsainu chuh suklup ngêi ngêi ding ahi.

PAWTDAWKNA 18:21

Zie mai chuh hilo in, mipi laka mi mattâk deuh deuh Pathien kihcha mi haw, mi thudik haw, lawkna diklo deihlo mihaw teldawk inla: khutibang mihaw chuh sangkhat chunga lawiupa ding, sawmnga chunga lawiupa ding, sawm chunga lawiupa ding guot in.

PAWTDAWKNA 1:17

Himahlele, naudawmte chun Pathien a kihchau a, tichun lengpa thupiek bang chun a hih nuom puou a, nausen pasal haw chuh a hinghawih u a, a hukbit zel sek u a.

THILSIEMBUL 42:18

A ni thum ni chun Joseph in a kawm u ah, “Hiti hin hih leu chin hing in lau, Pathien ka kihcha ngâl a;

JAKOB 5:12

Zieziekchun, ka suohpihte, kihâksiel kiu, Van sâm in ahim, lei sâm in ahim kihâksiel kiu in. “Ahi,” na tih uh chuh “Hi” hi hen la, a “Hilo” na tih uh chuh, “Hilo” hi zieng hen. Khutilochun, thiem loh chansakin um kha’n lau.

1 THESSALONIKA 4:6

Zie lam thu achun, kuoma’n, suohpih te chungah thilhih gilo in, lemchâng hawl kihen. Zie tawbang thil hihte chuh Lalpa’n gawt ngêi ding ahi, ti a nasa taka ka hun hetsak masak sau khah ahi ta ngâla.

LUKE 23:40

Himahlele, khatzaw pa chun dâwn kawmin a hilh gaih a, a kawmah, “Pathien nasan le lau lo maw? Kibang taka ei gawt u hi!

SAM LEHKHABU THE PSALMS 36:1

Minunsie sukkhelhna chun ka lunggil sung ah thu a gen a, “A mitmuh ah Pathien lauh na mawngmawng a um puoi,” tin.

THILSIEMBUL 20:11

Abraham chun, “Zie khuo ahin Pathien kihchakna um hiel puo’n tin, ka zi ziek hin ei that kha’n au tih ka ngaihtuoh a ahi.

DAN NIHNA 18:10

Na lak u a kuole, a chapa ahim, a chanu ahim kithawihna a meia hâllup chîngte, aisân chîngte, phunsân chîngte,

ISAI 57:3

Himahleh, nanguh mitvaidawite chapate, zawlsaite leh nawhchizuok chate haw, ei hun naih un.

JEREMIA 5:2

Amau chun Lalpa chuh a hin zing bangin a ti nau a, lepchieh a kihâksiel ahiu hi.

JEREMIA 5:29

Zie thil haw ziek hin gawt lo ding ka him, Lalpa’n a ti. Zie tawbang namte chung ahin ka hinna’n phuba la lo ding ahim?

JEREMIA 23:10

Gam chuh zawlsaite’n a dim ta a, hansie ziekin zie gam chun a sûn a. Gamthip gam hingte chuh a gaw zo ta a! A lampiu chuh a pha puoh a, a hetnateu chule a dik puoi.

JEREMIA 27:9

Nang un vang na thiemgauteu, na khutzie en thiemteu, na mangteu, na phunsân thiem teu, na dawithiem teu, na kawm u a Babulon leng nasem puo’n lau, ti a gen haw chuh ngaitha kiu in.

JEREMIA 27:10

Na gam u apat a gamla taka puihmang na hih theihna ding u a na kawm u a lepchieh thu genlawk ahiu ui, ka hun nawhdawk a na manthaina ding un.

JEREMIA 42:5

Chun, amau chun Jeremia kawmah, “Lalpa na Pathien in ka kawm u a a hun sawl na haw bang zela ka hih loh u chun, ka chung u ah Lalpa chuh hetpihtu dik leh ginum hi hen.

HABAKKUK 1:12

Aw Lalpa ka Pathien, ka mi Thiengtho, Nang chuh kumsawt kumsawt a ka Pathien hilo na him? Na thi ngei puoh a, Aw Lalpa amau chuh nangin vaihawm dingin na guot a. Aw nang ka Suongpi, amau haw hih nangin thunun na dinga na tundawk ahiu hi.

ZEKARIA 11:12

A kawm u ah chun, “Pha na sak u chun, ka lawh chuh ei pieu inla, pha na sak loh u chun, nangun kawl un,” ka ti a. Khutichun, ka lawh dingin dangkaguo, sekel sawmthum a bûk dawk tau a.

PAWTDAWKNA 20:7

“Jehovah, na Pathien min chuh mawk a na suoh maimai ding ahi puoi. Lalpa chun a min mawk suoh mai maite chuh gilo lo a ngai ding ahi puoh ngâla.

PAWTDAWKNA 22:20

“Kuole kei kawm mai tihloh a, Pathien dang himhim kawma kithawi chuh sukmang ngêi ngêi ding ahi.

DAN NIHNA 15:13

Chun, na pawtsak tieng u leh khut ngawn a na pawtsak dinguh ei puoi;

JOB LEHKHABU THE BOOK OF JOB 7:2

Suok, ni lîm utcha mah mah tawbang in leh, Kithalawh mi, a lawh mai ngaka um tawbang ahi.

JOB LEHKHABU THE BOOK OF JOB 31:12

Zie chuh tum kêi a ka sek mei chuh ahi a, Ka punna chengcheng chule kalhdawk ding ahi ngâla.

MALAKI 1:6

Chapa chun pa a zah sek a, suok chun a pu: “Kei hi Pa ka hih chun nei limbawlnau chuh khawitak a um ahi? Kei hi hotu ka hih chun, nei zahnau chuh khawitak a um ahi? Bangkim hihthei Lalpa’n a tii. Aw ka min musit thiempute haw, ‘Banga khan ahim ka hun muhsit uh?’ na tiu a.