MALAKI 3:3 - PATHIEN LEKHABU THIENGTHO (BSI)

³ Dangkaguo hâltui pa leh hih thiengthopa bangin chu’n tin, Levi chate chuh hih thiengtho in tin, amau haw chuh sana leh dangkaguo hih thieng bangin amau haw hih thieng ina; diktatna thillat te Lalpa masanga lat masang un.

MALAKI 3:3 ပူးပေါင်းရင်းမြစ်များ

ISAI 1:25

Chun, na chungah ka khut nga kit ing ka ting, na tui-êk na haw chuh thieng takin thiek ngim ing ka ting, nang hun tuom thik chengcheng chuh la mang ing ka.

THUCHINGTE 17:3

Hâltuina bel chuh dangkaguo a ding ahi a; hâltuina mei chuh sana a ding ahi, himahleh Lalpa chun lungthim a enchien sek hi.

HEBRAI 12:10

Mihing lama I pateu chun, hun chawmcha khat sung chuh, pha a sak bang bangun ei na gawt sek ngei uh a, himahlele, Pathien chun, eimau mawng phatna ding leh, a thienthona I kikawppih theihna dingun ei thunun zawk sek uh ahi.

DANIEL 12:10

Mi tamtak chuh sukthientho in um un tin, himahleh, mi nunsiete chun hetthiemna nei puou untin, mi nunsie kuoma’n a ngaihna he puou un tin; miching te chun vang hetthiemna nei un au.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

PHILIPPI 2:17

Ka hinna thisan chuh, Pathien kawma na taksan kithawihnau thillat chunga chuh sunthak ding hita lele, kipâk ing ka; chun, na bawnchau in ka hun kipahpih na hiu hi.

SAM LEHKHABU THE PSALMS 66:10

Aw Pathien, nangin nei en chien a; Tangkaguo etchet bangin nei en chien a.

THUPHUON 3:18

Na hung neihzawh theihna dingin, ka kawm apat sana, sana thieng tak hung kichâwk dingin thu ka hun piek na hi. Chun, na sangawnna zahchâk um tak chuh na khuh theihna dingin, puon vam le hung kichâwk dingin ka hun tih na hii. Na muh theihna dingin, mita nuh ding mitlo le ka kawm apat hung kichâwk dingin ka hun thumawp na hi.

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

1 PETER 1:7

Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

ROME 12:1

Khutichun, suohpihte, Pathien khuotuohna vang hin, kithawihna hing leh thiengtho leh, Pathien pawm tâk hiding in na sapum u chuh na piek dingun ka hun nget na hiu hi; zie chuh na sep ding mawng uh ahi.

LUKE 3:16

Johan in a kawm u ah, “Ken chuh tui in ka hun baptist na hiu a, himahlele, kei sanga lopi zaw hung ding ahi. A kengtawbek khau phel hâwi le ka hi puoi. Amah chun Thagau Thiengtho leh meia hun baptist ding ahi.

THUCHINGTE 25:4

Dangkaguo tui-êk chuh suthieng in, thîk sêkte chun thil hawihtak a hun siem dawk sek ui.

SAM LEHKHABU THE PSALMS 4:5

Diktatna kithawihna lân unla, Lalpa chuh gingchau in.

THUPHUON 1:6

tichun, a Pathien leh Pa lenggam thiempu nasem dingin ei siem ta a. A hii, Isu Krista kawm mawng achun, lopina leh vaihawmna chuh kumkhawtuong in um hen. Amen.

1 PETER 2:5

Chun, nang haw le, suong hingte guola, thagau lam ho In a sak dawkin na um tau a, Isu Krista zâla Pathien pawm tâk, thagau lam kithawihna lân dinga, thiempu thiengthote banga na zenviel theihna dingun.

2 TIMOTHE 4:6

Kei vang chuh tuhin le lat a um ka hi ta ngâl a, ka pawtdawk phat a tung tai.

ROME 15:16

Nanguh hun hetsak kitna dingin, thu khenkhat khat chuh hangsan taka ka hun zik ahi. Jentel te chuh Pathien kawma sukthientho, Thagau thiengtho zâla amah a kipumpiek mi a hih theihna dingun, thiempu nasep guolin, Pathien Chanchin Pha chuh a kawm u ah ka gen ahi.

HOSEA 14:2

Lalpa kawm lam achun vaikit unla, ziehi pauchamna na lat ding dân u chuh hi hen: “Ka gitlohnateu cheng ei ngaidam inla, ka hihphat taphawt u chuh pawm in; tichun, ka mûk hawu gahte chuh bâwngchal sik in hun pie’ng kau.

ISAI 48:10

Entie, ka hun thit thieng na hi ta a, himahleh, dangkathîk sukthien tawbang hilo in. Gimtheihna meikuong a laka ka hun patep na hi.

SAM LEHKHABU THE PSALMS 116:17

Kipah thu gen kithawihna chu hun pie’ng ka ting, Lalpa min chuh lo ing ka.

SAM LEHKHABU THE PSALMS 50:23

Kuole kipah thugen kithawihna lân ta poh chun ei limbawl sek u a: Chun, a umdan vawp kitûp kawm achun Pathien hukdamna etsak ing ka,” a ti a.

PHILIPPI 4:18

Himahleh, thil bangkim ka nei a, ka nei tai, nei hun thilpiekteu gimlim, kithawihna deihum, Pathien pawm tâk leh kipahlam tak chuh, Epaphrodita khut apat in ka na mu ta a, ka kiningting tai.

ISAI 61:6

Nang haw vang chuh, Lalpa thiempute tih hung hiu in na tin uh, mite chun Pathien nasemte hun ti ding ahiu hi. Namte hauhsakna chuh chen un na tin uh, a hauhsak nau chuh na lopinau hi ding ahi.

THUPHUON 5:10

Ka Pathien dingun khuoletui leh thiempu’n na siem ta a; Amau haw chun lei chung achun vaihawm un au,” ti’n la thak a sau a.

SAM LEHKHABU THE PSALMS 50:14

Pathien kawma kipah thugen kithawihna chu lân zaw’n la; Na thutiem haw le Chungnung pên pa kawmah huitun sak in:

SAM LEHKHABU THE PSALMS 51:19

Khutichun, diktatna kithawihnahaw chungah kipahna nei ta’n la; hâlmanga thilpiek leh hâlmang a pum piek ding chun bâwngchal haw chuh maichâm achun lân ta’n au.

JEREMIA 9:7

Zieziekchun Sepaihte Lalpa chun hiti hin a tii, “Ngaitie, amau chuh sutui ing ka ting, patep ding ka hi. Ka mi, ka chanu ziek chun bang danga ka hih naklai ding le?

EZEKIEL 20:38

Chun, na lak u apat a helte leh ka chunga bawhsiete chuh thit thieng ing ka ting, a umna gam u apat in puidawk ing ka ting, ahihziekin Israel gam achun lut hiel puo’n au: khutichun, Lalpa chuh ka hi tih hun he ta’n lau.”

DANIEL 11:35

Ziete haw laka lawiupa ching khenkhatte chuh thah in um untin, ziehaw ziek chun mipite chuh sukthientho in um un au. Khutibang thil chuh Pathien in ahun tiem a tun masang cheng chuh hih zawm zel un au.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

KISIMNA 8:6

“Levi te chuh Israel chate lak a pat in kawihchuom inla, suthiengtho in.

SAM LEHKHABU THE PSALMS 4:6

Phatna mawngmawng kuo’n ei muhsak ta dem leh? ti haw chuh tamtak a um ui. Aw Lalpa, nang ngêi in na melvak khan ei hun salh inla.