MALAKI 3:2 - PATHIEN LEKHABU THIENGTHO (BSI)

² Himahleh, a hung ni chuh kuo a thuok zo ding? A hung kilat tieng leh kuo a ding thei ding? Amah chuh hâltuina mei tawbang leh puon sawpte sahbawn tawbang ahi ngâla.

MALAKI 3:2 ပူးပေါင်းရင်းမြစ်များ

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

ISAI 4:4

Lalpa’n vaihawmna thagau leh kâkthienna thagau a Zion chanute buokna a silngim a, Jerusalem a thisan suohna zieka buokna cheng a sawpngim tâk ziekin Zion a umte leh Jerusalem a umte chuh “Thiengtho” tih hita’n au.

THUPHUON 6:17

A lungnatna ni lopi tak chuh a hungtung ta hi, tichun kuo a ding thei ding?” a tiu a.

LUKE 21:36

Zieziekchun, zie thil hungtung dingte chuh pel tâk leh Mihiem Chapa masanga ding tâka guot na hih theihna dingun, bangtik lai inle paucham kawmin khawningai un,” a ti a.

SAM LEHKHABU THE PSALMS 2:7

Lalpa thutanna chuh gendawk ing ka: Lalpa’n, “Nang chuh ka chapa na hi ie; Tuni hin ka hun hinthak na hi.

LUKE 3:17

A phuol zap thien na dingin, a khut in leipuk a chawi a, tichun, buh pang achun a buh khum intin, a si vang chuh mei mit ngeilo achun hâltum ina,” a ti a.

LUKE 3:9

Tu apat in heicha thing bul tin ah ah a kawih tau hi, khutichun, thing tin, gah pha suoh lo ta cheng chuh a phuk u a, mei ah paih lut sek ui,” a ti a.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

HEBRAI 12:25

Thugenpa chuh a na deih lo kha’n lau, chingthei un! Lei a amau haw hilhgaihna thugen ana ngai lote bawn a suohchak loh uh chun, van apat a I kawm u a thu hun gen pa nungngatte hih, suokcha mawh zawsem hitiu!

JOHAN 8:55

Nangun amah na he kha puou a, himahleh, ken ka hêi. Amah chuh ka he kha puoi, ti leng, nang haw guol mah a lepchieh hi ding ka hi. Himahleh, amah chuh ka he a, a thu le ka zawp ahi.

LUKE 2:34

Khutichun, Simeon in amau chuh a vangsak a, a nu Mari kawmah, “Ngaiin, zie nausen hi Israel te laka mi tamtak pukna ding leh, dindawkna dinga guot ahi; melchikna haw niel dingin tawh,

JEREMIA 2:22

Changal a kisil in sahbawn tamtak mang mahleh chin, na gitloh na chuh ka mitmuh in a kilang tho hi tih hi Lalpa Pathien kamsuok ahi.

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

MATTHAI 25:10

Chun, chaw dinga a chieh mang kal u chun moneipa chuh a hung ta a; tichun, a kisazosa haw chuh a mah tawh lawih-an ne’n a lut uh a; chun kawt chuh a khâk tau a.

MARK 9:3

A silhlechente chuh leia puon sawpte himhim in a sawp vam theih loh khawp uh a vam in a hung vam ta a.

EZEKIEL 22:14

Ka hun sawisak ni chuleh na hansan na’n a thuok zo in na khut a hat na dem? Kei, Lalpa hin ka gen ta a, hih ding ka hi.

THUPHUON 19:8

Patngatpuon ngim tak, vam tak silh a phal sak uh a, (patngat puon chuh mi thiengthote thilhih diktat ahi ngâla.)

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.

LUKE 7:23

Chun, kuole ka chanchin ginlahna neilote chuh mi hampha ahiu hi!” ti’n a gen a.

1 SAMUEL 6:20

Bethsemesh khuo a mite chun, “Zie Pathien thiengtho Lalpa ma ahih kuo a ding thei ding? I kawm uh apat hin khawi ah a chiehdawk ta dem?” a tiu a.

SAM LEHKHABU THE PSALMS 76:7

Himahleh, nang mah ngêi chu kihchak ding na hi a; Na lungnat phawt leh kuo a na masanga ding thei ding?

SAM LEHKHABU THE PSALMS 130:3

Lalpa nang in thulimlohna te na melchik chun, Aw Lalpa, kuo a ding zo maizen ding?

THUCHINGTE 25:4

Dangkaguo tui-êk chuh suthieng in, thîk sêkte chun thil hawihtak a hun siem dawk sek ui.

ISAI 33:14

Zion a mi gilote chuh a lau tau a, Pathien neilote chuh lau in a kithing sie tau a “Zie tawbang mei mi kangtum thei lak ahin kuo a ding zo ding? Zie tawbang mei kumlekhuo a kuong zing apat hin kuo a hing dawk thei ding?” ti’n.

DANIEL 11:35

Ziete haw laka lawiupa ching khenkhatte chuh thah in um untin, ziehaw ziek chun mipite chuh sukthientho in um un au. Khutibang thil chuh Pathien in ahun tiem a tun masang cheng chuh hih zawm zel un au.

JOEL 2:11

Chun, Lalpa chuh a sepaih hawnte thupie’n a kiko a, A sepaih, a thu zawpte chuh a tam u a, a hât u ahi. Lalpa ni chuh a lopi a, a lauh-um mah mah ngâl a; Kuo ahim a thuok thei ding?

NAHUM 1:6

A lungnat tieng leh kuo a ding zo ding? A lungnatna nasa tak chuh kuo a thuok zo ding? A lungnatna mei chuh a thahdawk a, Suongpite chuh A masanga chun a phel zo tai.

THILSIEMBUL 19:28

Tichun, Sodom leh Gomorra leh phaicham lam cheng chuh a thîl a, a en zinga; ngaiin, zie gama meikhu chuh hâltuina meikhu bang mai in a khuto vuohvuoh maia.

JOB LEHKHABU THE BOOK OF JOB 28:1

Dangkaguo laihdawkna khuk a um ngêia, Sana thitthienna mun le a um hi.