MALAKI 3:16 - PATHIEN LEKHABU THIENGTHO (BSI)

¹⁶ Tichun, Lalpa kihchate chuh a kihotuoh u a: Lalpa chun I thugenteu a ngaitha a, a na za a, Lalpa kihchate leh amah limbawlte a ding chun hetzing na lehkhabu chuh a masang ah zik ahi ta a.

MALAKI 3:16 ပူးပေါင်းရင်းမြစ်များ

THUPHUON 20:12

Chuleh, mithi te, a lien a neu in, lalchutphah ma a ding le ka mu a. Tichun, Lehkhabu chuh a keu uh a; chun, lehkhabu dang, Hinna Lehkhabu chule a keu uh a; tichun, mithi te chuh, lehkhabu haw a zik lut, a thilhih dungzui zel uh a vaihawm sak in a um tau hi.

SAM LEHKHABU THE PSALMS 56:8

Nang in ka vakchâtvaihna haw hi na tiemteh sek a: Ka mitthitui haw hi na savun tuiûm a chun thun in, Na lehkhabu ah a chuong chiet puou a ahim?

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

THUPHUON 15:4

Aw Lalpa kuo a na min zah lo a, Pakcha lo ding? Nang mai a Thiengtho na hii; Na thilhih diktatte chuh a kiphuon tâk ziekin, Namtin cheng chuh hung in, Nang hun ho un au,” tih hi a sau a.

HEBRAI 10:24

Chun, hehpih leh thilpha bawla kichawktho dingin kingaihtuoh pih chiet hitiu;

1 THESSALONIKA 5:11

Khutichun, kitîlkhoh tuoh un la, tu a na hih zing bang u hin, kipanpih tuoh chiet un.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

NASEPTE 9:31

Khutichun, Sapchuomte chuh Judai gam vel ale, Galili gam vel ale, Samari gam vel haw achun a det deuh deuh tau a, muong takin a um tau hi. Lalpa limbawl in, Thagau Thiengtho lungmuon in, a um u a, a hung pung tiltil tau hi.

ISAI 26:3

Lalpa, na chunga lungthim ngate chuh, nangmah a hun ginchak ziekin, lungmuong taka um dingin veng in la.

NASEPTE 10:2

Pathien khawksak mi ahi a, amah leh a inkawte chuh Pathien lau mi ahiu hi. Mi gimtheite kawmah thil tamtak a pie sek a, Pathien kawmah a paucham zing sek hi.

EZEKIEL 9:4

Chun, Lalpa chun ka kawmah, “Khawpi chuh tawh viel inla, Jerusalem chuh tawh suok in; a sunga thil tenum kihih haw zieka lungkham a kap sek haw chuh a chalpâng u ah tiemteh in,” a ti a.

SAM LEHKHABU THE PSALMS 34:15

Lalpa mit chun mi kitûp lam a en sek a, A bil chun a kiko uh za dingin a ngaitha zing sek.

EPHESI 5:19

Pahchakna la haw, Pathien la haw, chun, thagau lam la haw a nanguh leh nang uh kiho tuoh in, Lalpa chuh na lunggil u ah la sak sak un.

NASEPTE 1:13

Khawpi a lut phet u chun, a umnau indan chungnung a chun a kal to u a: Peter leh Johan tawh, Jakob leh Andrew, Philip leh Thoma tawh, Bartholomai leh Matthai tawh, Alphai chapa Jakob leh, Simon, Zelot lawi a tel leh, Jakob chapa Juda tawh ahiu hi.

DANIEL 7:10

Zie tak apat chun luicha tawbang in mei a luong dawk zungzung ta a. Mipi sang tam takin a na a sep sak u a, a masang achun a singa sing tamtak a ding u a; vaihawmna a hung kipan ta a, lehkhabute chuh phetin a um ta a.

LUKE 2:38

Chun, zielai tak chun amahnu chuh a hungtung a, Pathien kawmah kipahthu a gena, Jerusalem khuo tatna ding kinem taphawtte kawm achun Isu chanchin chuh a gen ta a.

ESTHER 6:1

Zie zan mah chun leng chuh a ipmu thei ta puoh a; leng gam chanchin zikna hun chawi dingin thu a pie a, tichun, a masang achun a sim u a.

NASEPTE 2:1

Chun, Pentekost ni a hung tun in, gingtute cheng chuh lungthim mun khat in abawn un mun khat ah a um khawm vek u a.

ISAI 65:6

Ngaitie, ka masangah zik ahi; “Thip hiet hiet puo’ng ka ting, mahleh dinthuk ing ka, ahi, a angsung ngêi u ah dinthuk ing ka.

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

ISAI 26:8

Ahi, aw Lalpa, na vaihawmna lampi achun ka hun ngak zing u a, ka hinnau in a deihlam chuh na min lawh leh nangmah hetzingna gendawk hi ahi.

THUCHINGTE 13:20

Mi pil na kivawppih chun, nang le hung pil in na tin, himahleh, mi ngawl na kivawppih vang chun gimtheihna thuok in la.

SAM LEHKHABU THE PSALMS 147:11

Himahleh, Lalpa chun amah kihchate chungah kipahna a nei sek hi. A zahngaihna kineppih te chung achun.

SAM LEHKHABU THE PSALMS 139:4

Ngaitie, aw Lalpa, Nang in na hetsuok kei loh chuh, Ka lei a hin thu mawng mawng a um puoi.

SAM LEHKHABU THE PSALMS 119:63

Nang hun kihcha chengcheng leh, Na thununna thu te zui haw lawite ka hi.

SAM LEHKHABU THE PSALMS 111:10

Lalpa kihchak chuh chitna bul ahi; Khutibanga hih tapoh te chun hetthiemna a nei u a: Amah pahchakna chuh kumlekhuo a um ding ahi.

SAM LEHKHABU THE PSALMS 94:19

Ka lungthima ngaihkhawk tampi ka neih lai chun, Na thamuonnate chun ka hinna hi a sukipak sek hi.

SAM LEHKHABU THE PSALMS 66:16

Hung unla, ngaiun, nanguh Pathien kihcha chengcheng te haw, Tichun keia dinga a thilhih chu hun hetsak ing ka.

SAM LEHKHABU THE PSALMS 33:18

Ngaitie, Lalpa mit chuh amah kihchate chunga chun a chu zing sek a, A zahngaihna kineppihte chunga chun;

SAM LEHKHABU THE PSALMS 20:7

Khenkhat in kangtalai a kimuonpih u a, khenkhat in sakawl a kimuonpih u a: Himahleh, ei hawn vang chuh Lalpa I Pathien min u chuh sam zawi tiu.

SAM LEHKHABU THE PSALMS 16:3

Lei a mi thiengtho umte chuh Amau chuh mi lopi, ka kipahna chengcheng umna chuh ahi, tih ahi.

SAM LEHKHABU THE PSALMS 10:4

Migilosalo chun “Kisaktheih melpu’n Pathien a hawl puoh a,” a ti sek, A ngaihtuoh na chengcheng chuh, Pathien a um puoi, tih ngen cha ahi.

JOB LEHKHABU THE BOOK OF JOB 28:28

Chun, mihing kawmah, “Lalpa kihchak hi chitna ahi takzet a, Thil phalo taihsan hi hetthiemna chuh ahi takzet hi,” a ti a.

ESTHER 2:23

Tichun, zie thu chuh a dâwp viel u a, a thugen u chuh adik ngêi nai tih a hetdawk u chun a nih u chun a khailum gel tau a. Zie chuh leng gam vaihawmna chanchin zikna bu ah zik dingin leng in thu a pie a.

2 KHANGTHUBU 6:7

“Ka pa David khan Israel te Pathien, Lalpa Ho-In ding a na sak guo sek a.

1 LENGTE 18:12

Hiti hi hung hi’n tin, ka hun nutsieh sieh leh Lalpa thagau in hetlohna ah hun lamang ngâl intin, tichun Ahab ka va hilh a a hun. muh loh chun ei that mai ding ahi: himahlele na suok hin ka tanglak tung apat in Lalpa chu ka lau sek ngâl a.

2 SAMUEL 7:1

Chun, hiti hi ahi a, leng David chu a In ah a um a, Lalpa’n a kieng vel a melma chengcheng lak apat chun gâlmuong in a um sak ta a.

HEBRAI 12:15

Pathien hehpihna apat a kiheimang lo dingin kivêng phau un. Na lak uh a kuoma’n, khatna zung bang ahim hung khang dawk a, zie thihna gu a chuh buoina nasatak hun suohdawk sek bang hih hi hiel kiu in.

HEBRAI 3:13

“Tuni,” a tih sung u hin, ni chengin kitîlkhoh tuoh zing zawu in, khutilochun, na lak uh a khatto hi, gitloh thepthak a, lungkhauh deuh deuh hung um kha’n lau.

1 THESSALONIKA 5:14

Ka suohpihte haw, ka hun nget uh na hiu hi, kituok lo taka umte chuh gai un la, mi dawilawkte chuh tîlkhoh un la, zawngkhalte chuh panpih un la, mi chengcheng lak ah thuokhat takin um un.

SAM LEHKHABU THE PSALMS 104:33

Ka damsung cheng in Lalpa chawiân in la sa’ng ka ting: Ka hinlai chan in ka Pathien pakcha’n la sa’ng ka.

1 LENGTE 18:3

Ahab chun Obadia, a In sunglam lawiupa chu a sama. (Obadia chu Lalpa kihcha mi tak ahi a:

THILSIEMBUL 22:12

Chun, amah chun, “Naupang chung akhan na khut tha ki’n la, amah kha bangmah lawh kih: na chapa na neih sun le nei piek dinga na it loh ziekin Pathien na kihchai tih tu’n ka he tai,” a ti a.

PAWTDAWKNA 32:32

Mahleh, tuhin a gitloh uh na ngaidam thei dem? A theih loh ding le vang na lehkhabu a ka min na ziksa kha thaimang dingin ka hun ngên hi,” a ti a.

ISAI 4:3

Khutichun, Zion a nutsieh a um nalaite leh Jerusalem a a damsung u a um dinga guotte chuh, “Mi thiengtho” tih hi’n au.

JEREMIA 8:6

Bil dawh in ka ngaitha a, kuoma’n thudik a gen ta puou a; kuoma’n bang ahim ka na hih, ti’n a gitlohnau a kisik diek puou hi. Mitin amau lampi chiet ah a chieh u a, kidona muna sakawl kikhawh viel puotpuot guol in.

JEREMIA 31:18

“Ephraim te haw’n, ‘Lalpa, bâwngchal sawih nem loh tawbang ka hiu a, himahleh, nangin thu-awih dân nei sinsak a, nei kaihei kit tai, Lalpa ka Pathien uh na hi ngâl a,’ ti a lungkham taka a gen u chuh ka za ngei tai!

DANIEL 12:1

“Chun, zie phat chuleh na mipite panpih sek, vânsâwlchâk lopi tak Mikael chuh hung kilang intin; chun, buoina hun, nam um tung apat a zie hun chana chule um kha ngeilo chuh hung um ina. Chun, zie hun chuleh namte laka na mite, a min uh lehkhabu a chuong taphawtte chuh hukdam in um un au.

NEHEMIA 1:11

Aw Lalpa, ka hun ngên hi, na suok pauchamna leh na min kihchakna a kipâk sek, na suok pauchamna ahin na bil hun dawh inla; tuni hin na suok hi ei lawhtit sak in, tichun, zie mite mitmuh ahin zahngaihna lat sak in,” ti’n ka paucham a. Kei chuh leng khawn pie ka hi ngâla.

SAM LEHKHABU THE PSALMS 56:9

Ka hun sap tieng le chuh ei dote chuh taisieu untin uh; Ziehi ka hêi, Pathien in ei panpih hih.

SAM LEHKHABU THE PSALMS 115:13

Lalpa kihchate chuh vangsak ina, A lien a neu in.