MALAKI 3:1 - PATHIEN LEKHABU THIENGTHO (BSI)

¹ “Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

MALAKI 3:1 ပူးပေါင်းရင်းမြစ်များ

MALAKI 4:5

“Ngaitiem u, Lalpa ni lopi tak leh lauh-um tak chuh a hungtun masang in, thiemgau Elijah chuh na kawm u ah hun sawl ing ka.

LUKE 1:76

“Ahi, bawipu, nang hi Chungnung pên pa Thiemgau tih hin la. A lampite guonggalh lawk dinga Lalpa masanga chieh ding na hi ngâla.

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

NASEPTE 19:4

Paul chun, “Johan khan chuh, ‘Ei hun zui ding pa Krista Isu na hun ginchak dinguh ahi,’ ti’n, lungheina baptistma’n mi a baptist sek ahi kha,” a ti a.

MALAKI 2:7

Thiempute kam chun hetna a vawp ding ahi ngâla, a kam apat in dân chuh a hawl sek dinguh ahi; amah chuh Sepaih hawnte Lalpa sawlchak ahi ngâla.

PAWTDAWKNA 23:20

“Ngaitie, nang haw lampi a hun veng zel ding leh, mun ka siemna a hun puilut dingin na masang u ah vânsâwlchâk sawl ding ka hi.

LUKE 19:47

Chun, amah chun ni chengin, Pathien Ho-In achun a sinsak sek a. Thiempuliente leh Danthuzikte leh, vantâng lawiupate chun amah thah a nuom u a;

SAM LEHKHABU THE PSALMS 110:1

Lalpa chun ka Lalpa kawmah, “Na melmate na keng ngakna a ka siem masang sieh, Ka changlam ah chu’n,” a ti a.

NASEPTE 7:38

Amah chuh ahi, gamthip a mi kikhawmkhawmte laka, Sinai tânga hopihpa vânsâwlchâk kawm leh, ei uh ei suonte kawma um khah; amah chuh, ei piek sawn dinga thuhing haw lapa chuh ahi.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

LUKE 2:46

Chun, tihi ahi a, a ni thum ni chun, Judate sinsak haw laka chu a, a thuu na ngaitha a, dawng humhal in a va muu a.

LUKE 2:38

Chun, zielai tak chun amahnu chuh a hungtung a, Pathien kawmah kipahthu a gena, Jerusalem khuo tatna ding kinem taphawtte kawm achun Isu chanchin chuh a gen ta a.

LUKE 2:11

Tuni hin nanguh dingin David khawpi ah Hukdampa chuh a pieng tai, Lal Krista chuh!

MATTHAI 11:14

A thugen u chuh na zawp nawp u chun, a hung ding kigenlawk kha Elijah hi ahi.

HAGGAI 1:13

Tichun, mite kawma Lalpa mi sawl Haggai chun Lalpa thugen chuh mipite kawmah a gen ta a, “Na kawm u ah ka um hi; Lalpa chun a tii,” ti’n.

MALAKI 2:4

Tichun, Levi suona ka thugawlh chuh a det zing theihna dingin, zie thupiek hi ka hun piek ahi tih he ta’n lau, Lalpa’n a tii.

PAWTDAWKNA 23:21

Amah zai ngak unla, a thugen chuh zawp un; a chungah kiphin kiu in: zie a helte chuh hun ngaidam nuom lo ding ahi ngâl a; amah achun ka min a um ngâla.

ISAI 40:10

“Entie, Lalpa Pathien chuh thilhih theihna a vaihawm dingin a hung a, a bân chun a sik in vaihawm intin, entiem u, a kipahman chuh a kawmah a um hi; a ditna chule a masangah um ina.