MALAKI 2:7 - PATHIEN LEKHABU THIENGTHO (BSI)

⁷ Thiempute kam chun hetna a vawp ding ahi ngâla, a kam apat in dân chuh a hawl sek dinguh ahi; amah chuh Sepaih hawnte Lalpa sawlchak ahi ngâla.

MALAKI 2:7 ပူးပေါင်းရင်းမြစ်များ

THIEMPUDANTE 10:11

Lalpa’n Mosi manga a kawm u a a gen thupiek cheng chengte chuh Israel suonte na sinsak theih na dingun,” ti’n.

DAN NIHNA 21:5

Chun, Levi chapate thiempute chuh zie chun hung in au, amau chuh Lalpa na Pathien un a na sem ding leh a min a mite vangsak ding leh kihekna thubuoi chengcheng leh kithagum bawlna thubuoi haw khen dinga a guot ahi ngâl u a;

2 KORINTH 5:20

Khutichun, Krista sika palai ka hiu a, Pathien in keimauhaw ei mang in a hun nget na hiu hi tih theih ahi. “Pathien tawh na kicham un,” ti a Krista sika ka hun nget na hiu hi.

1 THESSALONIKA 4:8

Zieziekchun, kuole zie sinsakna thu khawksalo pa chun, mihiem khawksalo ahi puoh a, Pathien, a Thagau Thiengtho nanguh hun piepa khawksalo ahi zawi.

NASEPTE 16:17

Zie nu chun, Paul leh kei uh ei zui a, “Zie mihaw, hukdamna lampi hun hilhte hi, Chungnung pên Pathien thu-awi ahiu hi,” ti’n a kiko a.

EZRA 7:10

Ezra chun Lalpa Dan chuh he a zawp ding leh Israel kienga a thuguot haw leh vaihawmna sin sak dingin a lungthim a pie ta a.

2 KHANGTHUBU 30:22

Hezekia chun Levi te chu Lalpa hona ma a puihthiem ziek u chun a pakcha a. Chun, amau chun Kut ni sagih sung chun, kithawihna te lân in, a pileputeu Lalpa Pathien kawma suol thuphachawihna nei in ante a neu hi.

JOHAN 20:21

Isu’n a kawm u ah, “Na chungu ah lungmuonna um hen. Pa’n ei sawl guolin ka sawl na hiu hi,” a ti kit a.

JOHAN 13:20

Tihtakzet, tihtakzet a ka hilh na hiu hi, kuole, ka sawl ta poh lawp ta chuh keimah ei lawp ahi a, kei ei lawp chu le, ei sawlpa lawp a hii,” a ti a.

MALAKI 3:1

“Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

HAGGAI 1:13

Tichun, mite kawma Lalpa mi sawl Haggai chun Lalpa thugen chuh mipite kawmah a gen ta a, “Na kawm u ah ka um hi; Lalpa chun a tii,” ti’n.

JEREMIA 18:18

Tichun, amau chun, “Hung tiem u, Jeremia hi mat ahih theihna ding ngaihtuoh hitiu, thiempute lak apat dân thu bei ding ahi puoh ngâl a, mipil apat in lemguotna, chun, zawlnei apat in thu bei diek puo’n a. Hung tiem u, gensie sausau hitiu, a thu himhim ngaihsak hiel puoi tiu,” a kitiu a.

JEREMIA 15:19

Zieziekchun, Lalpa chun hiti hin a ti a, “Na kisik chun hun tung ding kit ing ka ting, chun, ka masangah ding kit ding na hi. Asie hilo a thilpha ngen na gendawk chun ka kam tawbang hin la. Amau chun nang lam hun nga kit un tin, himahleh, nangin vang amau lam na ngat ding ahi puoi.

ISAI 44:26

Himahleh, ka suokte chun thu a genlawk uh a, ka thil guonggalh genlawk dinga mi ka sawl chun, ka thil guonggalh leh a genlawkteu chuh ka hih guitung sek hi. Jerusalem chuh mite hun luoh kit ding leh, Juda khawpite tun dawk kit ding ka gen a, zie khawpite chuh a sietna apat a tundawk kit dingin.

DAN NIHNA 24:8

“Phâk hi chungchâng achun, Levi mi thiempute hun hilh dân chuh ngaikhawk taka zuia, a hun hilh dân tak u a hih dingin chingthei un; amau thu ka piek guola chingthei taka na hih dinguh ahi.

GALATI 4:14

Himahlele, ka phehlevo a nang haw dinga thepna um chuh na musit puou a, thet le na the puou hi. Van apat a vânsâwlchâk hung bang leh, Krista Isu na lawp ding bang tak un nei lawp zawu ahi kha.

ISAI 42:19

Ka suokte sanga mitdûk zaw leh, a misawlte sanga bengngawng zaw a um u? Ka mi tel chuom guola mitdûk leh Lalpa suokte sanga mitdûk zaw a um u?

KISIMNA 27:21

Tichun, amah chuh thiempu Eleazar masangah ding intin, ama’n Lalpa masangah Urim leh Thumim mang in vaihawm sak intin: a thu’n pawt untin, a thu’n lut un au. Amah leh Israel suon chengcheng te, kikhawm khawm haw chengcheng tawh,” a ti a.

1 SAMUEL 2:17

Khutichun, tangvalte gitlohna chu Lalpa mitmuh in anasa ta mah mah maia: mite’n Lalpa kawma kithawihna chu a ngaihnep lawh tau hi.

2 KHANGTHUBU 31:4

Zie bana chun leng Hezekia chun Jerusalem a mipite chu, Levi te leh thiempu te chanvo dinga guot thillat te hun pie dingin a tîlkhoh a, ti a chu Lalpa danbu a hih dinga umte hih na ding a a hun chenguh a piek theihna ding un.

EZRA 7:25

“Chun, nang Ezra na khuta um Pathien chitna bang zelin Luigal leh lama chêngte vai na hawm sak theih na dingin, lawiupa leh vaihawmte Pathien Dan he mite na guot sak ding ahi a, a helote chuh na sinsak ding ahi.

THUCHINGTE 5:2

Tichun, umdan pha hun he’n na tin, na thugente chun na hetna sulang in a.

JEREMIA 2:8

Thiempu te’n la, ‘Lalpa chuh khawia um ahi,’ le a ti diek puou a, dân enkawl te’n le ei he diek puou a; vaihawm te chuh ka chung ah a hel u a, thiemgau te’n le Baal min in thu a gen u a, thilpha chuom lo a delh tau hi.

EZEKIEL 7:26

Sietna chunga siet zawksemna, thuthang chunga thuthang phalo zawsem hung um intin, thiemgau kawmah kilâkna hawl intin un; himahleh, dân chuh thiempu apat in bei intin, upate apat in tatna genna um hiel puo’n a.

DANIEL 11:33

Lawiupate laka miching te chun mi tamtak hetthiem sak untin, himahleh, hun chawmkhat sung chuh a lak u a khenkhatte chuh kidonaa thah ahim, meia hâllup ahim in um untin, khenkhatte chuh suoma um in, suongkul a khum in um in au.

HOSEA 4:6

Ka mite chuh hetna tâksap zieka sukmangthai ahiu a, hetna na deih loh ziekin ken le ka thiempu nasem dingin ka hun deih ta puoi. Na Pathien dân na hengilh viela, ken le na chate hengilh ing ka.

ZEPHANIA 3:4

A thiemgauteu chuh mi ngaihsam leh, mi ginumlo ahiu a, a thiemputeu mun thiengtho chuh a subuok u a; Pathien dân chuh amau haw phatchuomna dingin, aleh-amak in a sang kâwi viel u a.

2 LENGTE 16:11

Khutichun, thiempu Uria chun, zie bang tak chun maichâm chu a siem a, Ahaz kilehkit ma chun a na zo ta a.

2 LENGTE 16:16

Tichun, thiempu Uria chun leng Ahaz thupiek guol chun a hih ta a.

THUGENPA 5:5

Na thutiem na muolsuoh loh sang chun, thu na tiem loh chuh a phazawi.

EZEKIEL 22:26

A thiempute chun le nasatak in ka dân a bawhsieu a, ka thil zek haw a subuok u a, thil zek leh thil maimai a khenchuom him puou a, thil buok leh thil thieng kikhiekna le kuomah a sinsak puou; ka Chawlhni te chuh a ngaidau u a, khutichun a lak u ah sukminsiet in ka um ahi.

ZEKARIA 7:3

Sepaihte Lalpa chun a thiempute leh thiemgaute kawm achun a gen u a: Tuma kum tam taka ka na hih bangin keimah kikawihchuom in tha ngana achu ka su’na, an ka ngawlh sek ding ahi dem? ti’n.