MALAKI 2:2 - PATHIEN LEKHABU THIENGTHO (BSI)

² Ka min sulopi dinga na ngaihthak loh u a, lunggil a na vawp loh u chun, na chungu ah hansie hun tunsak ing ka. Na vangsakna dawnteu chuh hansie buok ing ka. Ahi, na laku ah, lunggil taktak a ka thupiekte vawp na um loh ziekun hansie ka lawh ta him ahi.

MALAKI 2:2 ပူးပေါင်းရင်းမြစ်များ

THUPHUON 14:7

Chun, Pathien chuh aw ngeih tak in, “A vaihawm phat chuh a hungtun tâk ziekin, Pathien chuh lau unla, a lopina chuh pakchau un! Vante, leisiet te leh tuinakte siempa chuh ho un!” a ti a.

LUKE 17:18

Pathien pakcha dinga kîkkit, zie nam chuom mi tihloh hi, kuoma’n mi dang mu lo ahiu maw?” a ti a.

SAM LEHKHABU THE PSALMS 69:22

A masang uh a a dawhkhâng u chu thâng na hi hen la; Thamuong taka a um lai un piel a na hi hen.

1 PETER 4:11

Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

MALAKI 3:9

Hansie a sapsiet na hitau hi, nang haw leh zie nam pumpi hin kei hi nei guksak sek ngâl u a.

EZEKIEL 3:7

Ahihziekin, Israel insung mite chun na thu gen chuh ngaitha puo’n au, kei ei ngaitha ding ahi puoh ngâl u a, Israel insung mite vang lochal tak leh luhlul tak tak ahi ngâl u a.

THUPHUON 16:9

Khutichun, mite chuh sa taka haih in a um tau a, tichun, zie gawtna chunga thuneitu Pathien min chuh a gensie tau a. Himahlele, a lopina pakcha dingin, a gitlohnau apat chun a lunghei nuom diek puou hi.

HAGGAI 1:9

“Tamtak ât dawk na kinem u a, himahleh, tawmcha a hung hi tai. Na buhteu chuh ina na hun tut tieng u leh ka na mût mang sek ahi. Bang zieka zie chuh hungtung ahim tih hi Sepaihte Lalpa thugen ahi. Nang haw, nangmau intum chietah na buoi u a, ka Ho-In chuh sie taka a um zing ziek ahi.

HAGGAI 1:6

Buh tampi na chîng u a, himahleh tawmcha na ât tau a. Na neu a la, na tai diek puou a; na dâwn u a, na khawp diek puou a; na silh u a la, lum na sa diek puou a, sum lawhte chun le dip tawvang a kawih ding mai a a lawh uh ahi.

JEREMIA 34:17

Zieziekchun Lalpa chun hiti hin a tii: mitin in amah suohpih leh amah invengte kawma zalenna thu phuong ding in ka thu na awi puou a; ngaitiem u. ken na kawm u ah zalenna thu ka phuong hi Lalpa’n a tii; chemzâm te, hipi te, kiel te hin leichung a lalgam haw cheng lak ah nawh viel viel dingin hun um sak ding ka hi.

ISAI 57:11

“Kuo na lauh ziek leh na kihchak zieka lepchieh gena ei hezing lo a ei ngaihtuoh lo na hi? Hun sawttak ka hun thipsan ziekin nei limbawl talo ahi maw?

ISAI 47:7

Chun, Kei hi kumlekhuo’n lengnu’n um ing ka ting, na ti a; na hung tâwp ding dante ngaihtuoh phalo hielin na um a.

ISAI 42:25

Zieziekchun, a lungnatna thilhih theihna chuh I chungu ah a um ta a; Kidona tizat-um tak I thuok tau a; A lungnatna chuh Israel te lak ah mei guolin a hung kuong zak ta a, himahleh, bang ahim tih le I he puou a; bangmah le I het dawk lawh diek puou hi.

JOSHUA 7:19

Chun, Joshua chun Akan kawmah, “Ka chapa, Lalpa Israel te Pathien chuh pakchah aw; a masang a chun kiphuong mai in; na thilhih chuh ei hilh inla; ka kawmah hin îm hiel ki’n,” a ti a.

THUCHINGTE 3:33

Mi nunsiete In achun Lalpa hansie chuh a um a; himahleh, mi diktatte chênna chuh a vangsak sek hi.

MALAKI 2:1

Tuhin Aw nanguh thiempute haw, “Zie thupiek hi nanguh a ding ahi: