MALAKI 2:12 - PATHIEN LEKHABU THIENGTHO (BSI)

¹² Zie tawbang thilhihte chuh, Jakob puon-In apat Lalpa’n paih dawk henla, Sepaih te Lalpa kawma thillante chan in.

MALAKI 2:12 ပူးပေါင်းရင်းမြစ်များ

THUPHUON 19:20

Tichun, sahang chuh a man uh a, thiemgau lêm, sahang melchikna nei leh, a lim note a lepbawl theihna dinga thilmak a mitmuh uh a hihpa khale a man tel uh a. A nih uh chun, mei leh kât a kâng dil achun a hingsan in a paih lut tau a.

2 TIMOTHE 3:13

Migilo leh mi thep hatte vang chuh, mi thep bawl leh thepthak a um in, hung sie zaw deuh deuh un au.

MATTHAI 15:14

Amau haw chuh limsak kiu in, mitdûk lamkai ahiu hi. Zieziekchun, mitdûk in mitdûk mah a puih chun kawkhûk ah kie khawm un au.” ti’n a dâwng a.

MALAKI 2:10

I bawn un pa khat hin hilo I hiu hi? Pathien khatin ei siem le I hi puou a ahim? Bang zieka eihaw ei suonte thugawlh musit a, khat leh khat I kithep tuoh sek uh a?

MALAKI 1:10

“A thâwn mai a ka maichâm a chuh mei a kidet lohna dingin, na lak u a khat hin, Ho-In kawtkhak hi khâk zaw mai leh ka ut hi. Na chung u ah kipahna himhim ka nei puoh a, na khut u apat in thillat chule pawm diek puo’ng ka, Lalpa Bangkim hihthei chun a tii. Na chungu ah ka kipâk puoh a, ka kawma na thillat teu le pawm lo ding ka hi, Lalpa’n a tii.

ZEKARIA 12:7

David suonte lopina leh Jerusalem luohte lopina chuh, Juda khela suklata a um loh na dingin, Lalpa chun Juda puon-In haw chuh hukdawk masapen ina.

AMOS 5:22

Ahi, na hâlmang thillat teu leh, na an thillat teu ei pie leu chin le, a na pawm puo’ng ka ting; na kichamna gan thau thillat teu chule ngaihsak diek puo’ng ka.

EZEKIEL 24:21

Israel insung mite kawm achun gen inla, Lalpa Pathien chun hitihin a tii: ‘Ngaiun, ka mun thiengtho, na kisuonpih pên uh mun det, na et chim loh uh, na lungthim kipahna pên u chuh subuok ding ka hi; na chanu na chapateu na nutsieh hawu chuh chemzâm in puk in au.

EZEKIEL 14:10

A thiemloh nau mawh chuh kipuok intin un; thiemgau gawtna chuh thuok intin; amah thudawt va neite gawtna tawh kibang ina;

ISAI 66:3

Bâwngchal that chuh mihing that tawbang ahi a; belam no a kithawi chuh ui gawl âttan tawh kibang ahi a, an thillat lânte chule vawk thisan a kithawi tawbang ahi; gimlim lân chule milim pathien vangsak tawbang ahi. Ahi, amau lampi a tel zawu a; thil tenum hih teu achun a lungthim uh a kipâk sek u a.

ISAI 61:8

“Kei Lalpa hin vaihawmna dik ka ngaina sek ngâla, diklohna leh chapona hi ka haw a. Tichun, amau haw diktatna chuh tihtakzet in a kawm u ah pie’ng ka ting; chun, kumlekhuo a thuthun chuh amau haw tawh siem ing ka.

1 KHANGTHUBU 25:8

A nasep dinguh kihawpna ding achun, chapang hileh upa hileh, a thiemsa leh a kizil laite chun le a sep dinguh a hettheih na dingun phun a san u a.

1 SAMUEL 3:14

Zieziekchun Eli inkawte sukkhelhna chu kithawihna ahim thilpiek in ahim bangmah tikin sukkiem theih hi puo’n a ti’n Eli insung a ding chun ka na kihâksiel ta ngâla” a ti a.

KISIMNA 24:5

Aw Jakob na puon-In chuh bang tienga hawih ahi ta’m? Aw Israel na puon-in chuh a hawihna e!

THIEMPUDANTE 20:3

Kuole, a chate Molek kawma pie a, ka puon-In thiengtho hihbuok a, ka min thiengtho suminsie chuh, amah chuh kiheimang san ing ka ting, a mite laka apat satthak a um ding ahi.

THIEMPUDANTE 18:29

Kuole, zie thil kihdak-um hih taphawt chuh, Pathien chate lak apat satthak a um ding ahi, tih na he ngâl u a.

HOSEA 9:12

A chateu khanlet sak mahleu le, khatchale hin hawih lo in lâkmang sak vek ing ka. Zie mipite hi ka taihsan tieng chu leh, a chunguh a gik na ding e! ti’n.

MALAKI 1:13

‘Ziehaw cheng hi a chimchâk um na e,’ ti’n na nak uh na suknil khum u a Ka kawma na thillat dingun, pawngbawl a na thillakteu, a kêngbâite, a damlo te na hun chawi u a. Ziehaw chuh na khut uh apat in pawm dingin nei ngaihtuoh um? Lalpa’n a tii.