MALAKI 2:10 - PATHIEN LEKHABU THIENGTHO (BSI)

¹⁰ I bawn un pa khat hin hilo I hiu hi? Pathien khatin ei siem le I hi puou a ahim? Bang zieka eihaw ei suonte thugawlh musit a, khat leh khat I kithep tuoh sek uh a?

MALAKI 2:10 ပူးပေါင်းရင်းမြစ်များ

SAM LEHKHABU THE PSALMS 100:3

Lalpa chuh Pathien ahi tih heu un: Ei siempa chuh amah chuh ahi a, amah a I hiu hi; A mite leh a gantatna muna belam haw chuh I hiu hi.

MALAKI 2:11

Juda mite chun Pathien kawma a thutiem u chuh a bawhsie tau a, a gamsung pumpiu leh Jerusalem a chun thil ten um tak a hih tau a. Tichun Lalpa’n a deih mah mah Ho-In chuh a hihbuok tau a, pasal te chun gamdang numei– pathien chanute chuh a kichênpih uh a.

1 KORINTH 8:6

Ei u dingin vang chuh, Pathien khat mai, Pa chuh a um a, amah chuh Bangakai Siempa ahi a; amah dingin I hing u a, chun, Lalpa khat mai a um a; Isu Krista chuh, thil chengcheng hi amah vanga siem a hi a, ei u le amah vangin I hing uh ahi.

EPHESI 4:6

mi chengcheng Pathien leh Pa chuh khat mai um a, thil chengcheng sempa leh, bangakai sunga le um chuh ahi.

ISAI 63:16

Abraham in kei uh ei na helo in, Israel in kei uh ei na limsak kimahleh, Aw Lalpa nang chuh ka pau na hi a, na min chuh malai apat a kei uh ei Tandawkpa na hi.

ISAI 64:8

Tuhin vang chuh aw Lalpa, nang chuh ka pau na hi a, kei u hi bellei ka hiu a; nang chuh keihaw ei dengpa na hi. Zieziekchun, ka bawn u hin na khutsuok ka hiu hi.

NASEPTE 7:26

Chun, a zingin, amau laka mi nih, a kisuol pêt un a kawmuh a hung tung a, ‘Pute haw, suohpih khat na hiu hilo maw, bangati a diklo taka kibawl?’ ti’n châm a guo a.

MATTHAI 3:9

Abraham ei suonpau ahi tin kisuong kiu in; Pathien in zie suonghaw hile Abraham suon a suoh sak thei hi tih ka hun hilh na hiu hi.

JOHAN 8:41

Nang haw vangin, na pau thilhihte chuh na hih sek uh ahi,” a ti a. Chun, amau chun a kawmah, “Zawlcha a pieng ka hi puou a, Pa khat mai ka nei ui, Pathien ngêi chuh,” a tiu a.

MATTHAI 22:16

Tichun, a sinsakteu, Herod lawi a mite tawh a kawmah a sawl u a, ziete chun, “Sinsakpa, mi diktat na hi a, hilh tak zetin Pathien lampi thu na hilh sek a; kuomah hugin chuom le na nei puoi tih ka heu hi, kuomah maizah chuom le na nei diek puoi.

MATTHAI 10:21

“Mi’n a suohpihpa thah dingin matsak intin, pa’n le a cha matsak in tin; chate’n le a nu leh a pa do un tin, thah le thah sak un au.

MALAKI 2:8

“Himahleh, lampi dik apat chun na petmang tau a. Na thu sinsakteu chun mi tampi a kisuihpaih sak zaw ta a. Levi te thuthun chuh na bawh sie tau hi, Lalpa’n a tii.

MALAKI 1:6

Chapa chun pa a zah sek a, suok chun a pu: “Kei hi Pa ka hih chun nei limbawlnau chuh khawitak a um ahi? Kei hi hotu ka hih chun, nei zahnau chuh khawitak a um ahi? Bangkim hihthei Lalpa’n a tii. Aw ka min musit thiempute haw, ‘Banga khan ahim ka hun muhsit uh?’ na tiu a.

EZEKIEL 33:24

“Mihing chapa Israel gama khawpi siesa nunga cheng haw chun, ‘Abraham khah ahih leh khat chauh a na hi a, gam chuh a na luoh a, himahleh eihaw I hih u leh tamtak I hiu a, luoh dinga gam chuh piek I hi tau hi,’ a tiu a.

ISAI 51:2

Na pileputeu, Abraham leh Sarah nanguh hun suonte khah ngaihtuoh un. Abraham ka sap lai khan cha a nei puoh a, himahlele, ka vangsak a, cha tamtak leh suon tamtak nei in ka siem ta a.

ISAI 44:2

Lalpa nangmau hun siempa, sûl apat a nanguh hun tungdawkpa, nanguh haw hun panpih ding chun hiti hin a tii. Aw Jakob, ka suokte na hiu a, nanguh Jeshurun haw ka mi telte haw, lau kiu in.

ISAI 43:15

Kei hi Lalpa, na Pathien Thiengtho uh, Israel te siempa leh na leng u chuh ka hi,” ti’n.

ISAI 43:7

Ka minpu mimal tin te chuh, ka lopina dinga umlo apat ka um sak leh ka guonggalh leh ka siem na hiu, hun ti ding ka hi.”

ISAI 43:1

Himahleh, Aw Jakob, nangmau haw hun siempa, Aw Israel nangmau haw hun dindawk pa chun hiti hin a tii, “Lau kiu inla, ka hun tandawk ta ngâl a. Na min un ka hun sam ta a, Keia na hi tau a puo!

JOB LEHKHABU THE BOOK OF JOB 31:15

Sûl a kei ei siempa khan amah le a siem hilo ahim? Sûl a ei uh ei guonggalhpa chuh kibang hilo ahim?

NEHEMIA 13:29

Aw ka Pathien, amau chuh hezing in, thiempu dinmun leh thiempu thugawlh leh Levi te thugawlh haw chuh a subuok tau hi.

JOSHUA 24:3

Chun, na puu Abraham kha Lui gal apat in ka puidawk a, Kanaan gamsung chengcheng ah ka pui a, a suonte ka supung a, amah chuh Isak ka pie a.

PAWTDAWKNA 19:5

Zieziekchun, ka thu na ngaihthak takzet u a, ka thugawlh hi na pawm u chun, khawvel a nam chengcheng lak ahin keia dingin go têlchuom hi’n na tin un, keimah mite ngêi hi’n lau. Leisiet pumpi hi keia ahi ngâla.

HEBRAI 12:9

Zielo chun le, ei thunun dingin, mihing lam ah pate le I nei u kha, ziete haw chuh I zah ngâl uh a. Ziehaw sanga nasazaw chun, I hinna dingun, thagau lama Pa thu thu’n um lo ding I hiu hi?

1 THESSALONIKA 4:6

Zie lam thu achun, kuoma’n, suohpih te chungah thilhih gilo in, lemchâng hawl kihen. Zie tawbang thil hihte chuh Lalpa’n gawt ngêi ding ahi, ti a nasa taka ka hun hetsak masak sau khah ahi ta ngâla.

EPHESI 4:25

Khutichun, zuou gen hai in, eimah insak inthangte kawmah thu diktak gen chiet hitiu; kika tuoh chiet I hi ngâl u a.

ROME 9:10

Khuti mai chuh ahi puoh a, Rebeka inle mi khat (I puu Isak) apat nau phîk a vawp lai khan naucha chuh ana pien mau a, sie leh pha a hih mau in;

ROME 4:1

A hih leh, Abraham, phehlevo dana ei uh ei suonpa chun, bang a mûi I ti ding u le?

NASEPTE 17:25

Thil tasam guolin, mihiem khuta zenviel inle a um puoh a, amah ngêi chuh thil chengcheng hinna te, hatna te, leh, mitin kawma thil chengcheng piepa ahi zawi.

NASEPTE 7:2

Chun, Stephan chun a dâwng a, “Suohpihte haw, upate haw, ngaitiem u! Ei suonpau Abraham, Haran khuo a a um maa, Mesopotamia gama a um lai khan, Lopina Pathien chuh a kawmah a hung kilak a,

JOHAN 8:56

Na puu Abraham kha, ka ni hung mu ding a hih ziekin a lawp mah mah a, a mu ta ngêi a, a kipâk ahi.” a ti a.

JOHAN 8:53

Ei suonpau Abraham chuh a thi ta a; Abraham sangin ka lopi zawi ti na hi maw? Thiemgaute le a thi tau a, kuo a kisiem na hi?” a tiu a.

JOHAN 8:39

Amau chun. “Ka pau chuh Abraham ahi,” ti’n a dâwng u a. Isu’n a dâwng a, “Abraham chate na hih tak tak u chun, Abraham thil hihte chuh na hih puoh ding u!

LUKE 3:8

Khutichun, lunghei melpu kham in gah un. Abraham ei suonpa ahii ti’n, na lungthim un ngaihtuoh mai kiu in; Pathien in zie suonghaw hi Abraham suon in a suoh sak thei hi tih ka hun hilh na hiu hi.

LUKE 1:73

Khutichun, ei suonpau Abraham kawma kihâksiel in, I melmateu lak apat ei hukdam ding thu a tiem a;

NASEPTE 17:24

Pathien, khawvel leh a sunga thil chengcheng siempa chuh, lei leh van Lalpa a hih ziekin, khuta sak ina chun a cheng puoh a.

NASEPTE 17:26

Mi khata kipatin, lei chung chengchenga um dingin, namtin mi a siem a. A dingun hunbi te a guot a, a umnau gi le a zam sak a.

PAWTDAWKNA 19:4

Aigupta te chunga ka thilhih danhaw leh, mupi’n a note a tha chunga a puok banga ka hun puok a, ka kawma ka hun puihtung dân hi na muu a.

PAWTDAWKNA 24:3

Tichun Mosi chuh a va chieh a, Lalpa thugen chengcheng leh vaihawm dân ding chengcheng chuh mipite kawmah a va gen a: chun, mi chengcheng chun, “Lalpa gen chengcheng chuh hih ing kau,” ti’n kiguol in a dâwng u a.

PAWTDAWKNA 24:7

Chun, thugawlh lehkhabu chuh a la a, mipite zak achun a sim a: amau chun, “Lalpa’n a gen chengcheng chuh hih zel ing ka ting un, zawp zel ing kau,” a tiu a.

JEREMIA 31:9

Kap kawmin hung khawm un tin, thamuong takin puikit ing ka. Lui luong pang achun pui ing ka ting, a kisuih lohna dinguh lampi cham achun; Israel a dingin pa ka hi ngâl a, Ephraim chuh ka cha masapen ahi, ti’n.

ISAI 64:7

Tichun, na min sama nang hun tu dinga kisuhalh kuomah a um puou a, kei u kawmah na mai na sel ta a; Ka gitloh ziekun nei sumangthai ta a.