MALAKI 1:6 - PATHIEN LEKHABU THIENGTHO (BSI)

⁶ Chapa chun pa a zah sek a, suok chun a pu: “Kei hi Pa ka hih chun nei limbawlnau chuh khawitak a um ahi? Kei hi hotu ka hih chun, nei zahnau chuh khawitak a um ahi? Bangkim hihthei Lalpa’n a tii. Aw ka min musit thiempute haw, ‘Banga khan ahim ka hun muhsit uh?’ na tiu a.

MALAKI 1:6 ပူးပေါင်းရင်းမြစ်များ

LUKE 6:46

Chun, nangun ka thu zawp sâm lo a, bang zieka Lalpa, Lalpa, nei tih sek uh a?

ISAI 1:2

“Aw vante, ngaithau un la, aw leichung na bil dawh in! Lalpa chun thu a gen hi. Chate chuh ka vaka, ka seilet saka, himahleh ka chungah a kiphin tau ui.

PAWTDAWKNA 20:12

“Na nu leh na pa zahbawl in; tichun Lalpa na Pathien in gam a hun piek ahin damsawt inla.

1 PETER 1:17

Chun, zah chuom nei lo a, mitin, a nasep bang chiet uh a ngaihtuoh sek pa chuh Pa na sak uh chun, zie leisiet a na châm sung chenguh hin le, zah zing zieng un.

HOSEA 12:8

Ephraim chun, ‘Ka hausa tai! keia dingin neihzawhna ka kisiem tai. Kuoma’n diklo taka hausa na hi tin ei ngawh thei diek puo’n au,’ a ti a.

ISAI 64:8

Tuhin vang chuh aw Lalpa, nang chuh ka pau na hi a, kei u hi bellei ka hiu a; nang chuh keihaw ei dengpa na hi. Zieziekchun, ka bawn u hin na khutsuok ka hiu hi.

EPHESI 6:2

“Na nu leh na Pa limbawl ah,” zie chuh thupiek, tiem nei masapen ahi:

THUCHINGTE 30:17

A pa musitte leh a nu thu zuih ding ngainepte chuh, phaigam va-âk in a mit kheuhdawk sak intin; mulukawlh in ne zo in a.

MATTHAI 7:21

“Lalpa, Lalpa, ei ti tacheng van gama lut zieng ding ahi puou a; ka pa van a um deih bang hihte vang lut un au.

MATTHAI 6:9

Khutichun, nang haw chuh hitibang hin paucham un: ‘Ka pau van a um, Na min zah in um henla,

THUCHINGTE 30:11

A pate hansie buokkhum a, nute vangsakna pie lo mi a um hi.

DAN NIHNA 5:16

“ ‘Lalpa na Pathien in thu a hun piek guolin na nu leh na pa zahbawl in; khutichun, Lalpa’n gam a hun piek ahin lamzang in na tin, dam sawt ding na hi.

THIEMPUDANTE 19:3

Mitin in na nu leh pateu na zah dinguh ahi a, thu ka hun piek bang takin Chawlhni le na nit dinguh ahi. Kei hi Lalpa na Pathien uh ka hi ngâl a,’” ti’n.

MARK 10:19

Thupiek haw chuh na hêi: ‘Zawlsai kih, tuolthat kih, gucha kih, heksie kih, hetpihtu diklo in pang kih; na nu leh na pa limbawl ah,’ tih haw hi,” a ti a.

MATTHAI 19:19

Na nu leh na pa limbawl in, tih haw leh, Nangmah na kihehpih guolin na vengte le na hehpih ding ahi, tih hi,” a ti a.

HOSEA 4:6

Ka mite chuh hetna tâksap zieka sukmangthai ahiu a, hetna na deih loh ziekin ken le ka thiempu nasem dingin ka hun deih ta puoi. Na Pathien dân na hengilh viela, ken le na chate hengilh ing ka.

EZEKIEL 22:26

A thiempute chun le nasatak in ka dân a bawhsieu a, ka thil zek haw a subuok u a, thil zek leh thil maimai a khenchuom him puou a, thil buok leh thil thieng kikhiekna le kuomah a sinsak puou; ka Chawlhni te chuh a ngaidau u a, khutichun a lak u ah sukminsiet in ka um ahi.

JEREMIA 23:11

Thiemgaute leh thiempute chun Pathien a khawksa puou a, ka In sung ngeia le a gitlohnau ka mu tai, tih hi Lalpa kamsuok ahi.

MATTHAI 15:6

a nu leh a pa a limbawl dinguh ei puoi, na ti sek uh a. Tichun, na thuguichin ziek u chun Pathien thu chuh na pal mang tau ahi.

MALAKI 2:8

“Himahleh, lampi dik apat chun na petmang tau a. Na thu sinsakteu chun mi tampi a kisuihpaih sak zaw ta a. Levi te thuthun chuh na bawh sie tau hi, Lalpa’n a tii.

LUKE 10:29

Himahlele, dân sinsakpa chun amah thiem kichan sak nuom in, Isu kawm achun, “Ka vengte chuh kuo ahi?” a ti a.

LUKE 6:36

Zieziekchun, na Pau in mi a lungsiet guolin, mi lungsiet un.

MARK 7:10

Mosi’n, ‘Na nu leh na pa limbawl in,’ ‘Kuole, a nu ahim, a pa ahim, samsie ta chuh thi heh,’ a ti ngâl a.

JEREMIA 31:9

Kap kawmin hung khawm un tin, thamuong takin puikit ing ka. Lui luong pang achun pui ing ka ting, a kisuih lohna dinguh lampi cham achun; Israel a dingin pa ka hi ngâl a, Ephraim chuh ka cha masapen ahi, ti’n.

LUKE 18:20

Thupiek haw chuh na he a puo: ‘Zawlsai kih; tuolthat kih; gucha kih; diklo takin mi dangte heksie kih; na nu leh na pa limbawl ah,’ tih haw hi,” a ti a.

MATTHAI 15:4

Pathien in, ‘Na nu leh na pa limbawl ah, Kuole, a nu ahim, a pa ahim gensie chuh thi tei hen,’ a ti ngâl a.

HOSEA 5:1

“Aw nanguh thiempute haw, ziehi ngaithau inla, nang haw Israel inkawte haw, na bil uh dawh un. Aw nanguh leng insung mite na bil u dawh un. Vaihawmna chuh nang uh a ding ahi ngâla. Mizpah a dinga thang leh Tabor tânga lên kizak na hi ngâl u a.

DAN NIHNA 1:31

mi’n a cha a puok guola gamthip a le Lalpa na Pathien un zie mun na tun chan u a, lam tungtawna, a hun puok dân kha na mu tau khala,’ ka ti a.

SAM LEHKHABU THE PSALMS 123:2

Ngaitie, sawntawlawi haw’n a puu mitmei a ven bang leh, Sawntawlawinu mit in a pi mitmei a ven bang in; Ei uh haw mit inle I Pathien uh lam chu a en zing hi, Ama’n ei uh ei lungsiet masang sieh in.

THUCHINGTE 17:6

Tu leh chate hi teksiete lallukhuk ahiu a, chapate lopina chuh a pate ahiu.

ISAI 43:23

Hâlmanga na thillat teu chun, belamno nei hun chawih sak ngei puou a; Na kithawihnateu chun la, nei limbawl diek puou hi. Thillat hun ngêk in, ka hun sugiksak ngei puoh a, Gimlim hâl dingin le ka hun suchawl kha diek puoi.

JEREMIA 3:4

‘Ka pa, ka khangdawng laia ei pui pa na hi,’ ti a ei sam zo pancha hilo na him?

JEREMIA 35:16

Rekab chapa Jonadab suonte chun a suonteu thupiek a zui u a, zie chite vang hin chuh ka thugen a ngaitha puou hi.

ZEPHANIA 3:4

A thiemgauteu chuh mi ngaihsam leh, mi ginumlo ahiu a, a thiemputeu mun thiengtho chuh a subuok u a; Pathien dân chuh amau haw phatchuomna dingin, aleh-amak in a sang kâwi viel u a.

MALAKI 2:1

Tuhin Aw nanguh thiempute haw, “Zie thupiek hi nanguh a ding ahi:

MALAKI 2:10

I bawn un pa khat hin hilo I hiu hi? Pathien khatin ei siem le I hi puou a ahim? Bang zieka eihaw ei suonte thugawlh musit a, khat leh khat I kithep tuoh sek uh a?

DAN NIHNA 32:6

Aw, mingawl leh chinglote haw, khutichun maw Lalpa chuh na ditthuk dinguh? Ahun hing na pa hilo maw, a hun siem, Nam khata hun siema, hun phutdet chuh?

ISAI 45:10

A pa kieng a, “Bang zieka hitibang ahi nei hin ahim?” tite leh a nu kienga “Bang dinga nei na hin ahim?” tite chuh a chunguh a gik hi.

ISAI 64:7

Tichun, na min sama nang hun tu dinga kisuhalh kuomah a um puou a, kei u kawmah na mai na sel ta a; Ka gitloh ziekun nei sumangthai ta a.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.