MALAKI 1:2 - PATHIEN LEKHABU THIENGTHO (BSI)

² Lalpa chun a mite kawmah, “Ka hun lungsiet zingzing hi,” a ti a. Himahlele, nang u chun, “Bang akhan e kei uh nei lungsiet?” na tiu a. Lalpa chun a dâwng a, “Esau chuh Jakob suohpih hilo ahim? tih hi Lalpa kamsuok ahi: hilele, Jakob chuh ka hehpih a.

MALAKI 1:2 ပူးပေါင်းရင်းမြစ်များ

JEREMIA 31:3

Masanga ka kawma hung kilak Lalpa chun hiti hin a tii, A hi, lainatna tâwp lo in ka hun lainat a: zieziekchun, nanga dingin ka ginum zing hi.

DAN NIHNA 10:15

Ahihziekin, na pileputeu hehpih chuh a thalawpna lam ahi a, a suonteu nang haw hi nam dang chengcheng sanga a nam tel na hi tau hi, tunia guol ngêi hin.

DAN NIHNA 4:37

Na pu na pateu a hehpih ziekin a nung u a a suonteu chuh a hun tel a, a umpihna leh a hatna nasatak chun Aigupta apat a hun puidawk a;

MALAKI 2:17

Na thugenteu in Lalpa na suchawl zo tau a. Himahleh, nanghaw’n la, “Bangti’n a hi ka sukchawl uh?” na tiu a. Zie thu na genteu hin na suchawl ui: “Lalpa Bangkim hihthei chun, thil gilo hihte chuh a pha’n a ngai a, a deih ahi” na tih u leh, “Pathien diktak chuh khawia um ahi?” na tih nau haw ahin ahi, ti’n.

JEREMIA 2:31

Aw khangthak te haw Lalpa thu hih ngaihsak un, Israel a ding chun gamthip tawbang ka hi a ahim? Bangti dana ka mite chun, ka pawt chien tau a, na kawmah hung vaikit ta puo’ng kau, a tih uh ahim?

JEREMIA 2:5

Lalpa chun hiti hin a tii: “Na pileputeu in kei ahin dikloh na bang a muu hi? Kei apat in gamla tak ah a chieh mang u a; thil thulimlo a delh u a, bangmah lo mai a hung hih u hi,

ISAI 43:4

Aziek chuh, ka mit muh a lul tak leh zahum tak na hiu a, nanguh ka hun lungsiet a, ka hun hehpih ziekin nanguh sika thuok dingin nam dangte ka piedawk a; na hinnau thatheng in namte chuh ka piedawk tai.

THILSIEMBUL 48:4

Ka kawmah, ‘Chi tamtak hun sepsak ing ka ting, hun supung ing ka ting na suonte chuh nam tamtak hung hiu in tin; zie gam hi na suonte kawmah a kumkhuo go dingun pie’ng ka,’ ei tih ahi,” a ti a.

THILSIEMBUL 27:33

Tichun, Isak chuh nasatak in a kithing a, “Na hung ma a sakhi sa, ka kawma hun chawi a, ka nek zawh vek a, vang ka na piek khah kuo ahi die leh? Amah chuh ka vangpiekna nunung pên chuh ka pie ta a, kumkhuo a a chan ding chuh hita’na,” a ti tai.

THILSIEMBUL 25:23

Chun, Lalpa’n a kawmah, “Na sûl achun nam nih a um u a, Na gil sung apat ngêi chun nam nih kikhen untin: Nam khat chuh nam khat sang chun hatzaw’n tin; A upazaw chun a naupangzaw na chuh sem in a,” a ti a.

LUKE 10:29

Himahlele, dân sinsakpa chun amah thiem kichan sak nuom in, Isu kawm achun, “Ka vengte chuh kuo ahi?” a ti a.

JOHAN 15:12

Ziehi ka thupiek ahi: Ken ka hun hehpih guol mah hin, nanguh kihehpih un.

DAN NIHNA 23:5

Ahih ziekin, Lalpa na Pathien un Balaam thu chuh a limsak puoh a, Lalpa na Pathien u chun a hun hehpih ziekin gâusapna chuh nang u dinga vangsakna Lalpa na Pathien u chun a chansak zaw ta ahi kha.

DAN NIHNA 33:3

Ahi, chitin te chuh a hehpih a; A mi thiengthote chengcheng chuh na khut ah a um ui; Na keng bul ah a chuu a; Na thupiek chuh a pawm chiet ui.

ISAI 63:1

“Edom gam, Bozrah khawpi apat hung khu kuo a? A puon san silh a, lopitak leh hatna thilhih theihna tawh hung khu kuo a?” “Lalpa hukdam dinga thilhih thei tak, a zawhna thu phuong dinga hung pa kha ahi”

AMOS 1:11

Lalpa chun hiti hin a tii, “Edom mite bawhsietna thum ziekin, ahi, li ziekin ka gawtna chuh suhai puo’ng ka. A suohpihteu Israel te chuh delh zinga, a chung u a zahngaihna himhim a suklat loh ziek un. A lungnatnau chun tâwp a nei puoh a, a thihsan ngeiloh ziekun.

THILSIEMBUL 25:25

A hung suok masa zaw chuh a sana san, puon mul guola mul thiepthuop in a hung suok a, khutichun amin dingin Esau a sau a.

THILSIEMBUL 25:26

Zie zawh chun a suohpihpa chuh a hung pawt kit a, a khut in Esau khawtalzum chuh a tu zing a; tichun amah min ding chun Jakob a sau a: Rebekah chun amau chuh a hinlai chun Isak chuh kum sawmgup mi ahi tai.

1 LENGTE 10:9

Lalpa na Pathien, na chunga kipâk mah mah, Israel te lalchutphah a hun chut sak pa hi pahchak in um hen; Lalpa’n Israel te hi kumlekhuo’n a hehpih a, zieziekchun diktak a vaihawm dingin leng in a hun siem na hi hi,” a ti a.

2 LENGTE 3:8

Chun, amah chun, “Khawitak lampi ah ahim I chieh dinguh?” a ti a. Jehoram chun a dâwng a, “Edom thalek lampi lam ah,” a ti a.