LUKE 9:51 - PATHIEN LEKHABU THIENGTHO (BSI)

⁵¹ Chun, tihi ahi a, Isu chuh van a laktoha a um ding phat a hung naih phetin, a lungthima kiguo’n, Jerusalem a chieh dingin a kipan dawk ta a.

LUKE 9:51 ပူးပေါင်းရင်းမြစ်များ

MARK 16:19

Khutichun, Lalpa Isu’n a kawm u a thu a gen zawhin, van a puih toh in a um a, Pathien changlam ah a va chu ta a.

LUKE 18:31

Isu’n sawm le nih te chuh a chuom in a puidawk a, a kawm u ah, “Ngaitiem u! Jerusalem khuo a va chieh ding I hiu a, thiemgaute’n Mihiem Chapa chanchin a na zik chengcheng teu kha hung tung kim ding ahi.

LUKE 13:22

Isu chun, sinsak kawm zelin, Jerusalem khaw lam zuonin, khuo lien leh khuo neu haw chuh a tawh zel a.

LUKE 17:11

Chun, tihi a hung hi a, Jerusalem zuona a chieh lai in, Samari leh Galili gamgi zul a hawh malam a.

1 PETER 3:22

Amah chuh van a kalto in, vânsâwlchâkte chunga leh, van thuneihnate leh, thilhih theihnate chunga vaihawm in, Pathien changlam akhun a chu ta a.

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

HEBRAI 6:20

Zie tak achun Isu chuh, Melkisedek umdan guola, kumsawt a Thiempu Lienpen hung hi’n, eihaw thasang in I masang u ah a chieh tai.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

EPHESI 1:20

Krista thihna apat a a kaih thawh lai a hatna lopitak leh, van mun haw a a changlama a chut laia, thilhih theihna kha tawh kibang ahi.

NASEPTE 1:9

Chun, zie thu haw chuh a gen zawhin, a muh zing sau in van a puih toh in a um ta a, tichun, meipi’n a muhphak loh u ah a puito ta a.

NASEPTE 1:2

Thagau Thiengtho thilhih theihna a, a sawlchak telte kawma thu a pieka, van a puih toh a a um ni geia thu khah.

JOHAN 17:11

Tu’n, kei na kawma hung ding ka hi a, khawvel ah um ta puo’ng ka; amau haw vang hi khawvel ah um un au. He Pa, Thiengtho, nangin kei nei piekte hi na min in hum ah; pumkhat a hih theihna dingun, nang leh kei pumkhat I hih guol mah bang hin.

JOHAN 16:28

Kei Pa kawm apat a hung a, van nuoia hung ka hii; vannuoi taihsan a. Pa kawma chieh kit ding ka hii,” a ti a.

JOHAN 16:5

Himahleh, tun vang chuh, ei sawlpa kawma chieh ding ka hii, na lak u a kuoma’n ka chiehna ding nei dawng puoh ngâl u a.

JOHAN 13:1

Chun, Isu’n, Chiehkân Kut maa zie khawvel hi pawtsan a, Pa kawma chieh phat a tung tai tih a he a. Amah mi, khawvel a um, a hehpih sekte chuh, a tâwp tiengin le a hehpih zing a.

JOHAN 6:62

Mihiem Chapa hi, tuma a a umna ngeia kal to na muh u chun bang na lawh ta ding u leh?

LUKE 24:51

Chun, tihi ahi a, amau haw a vangsak lai tak chun, amau haw chuh a kikhenpih a, van a puih toh in a um ta a.

LUKE 19:28

Chun, khutibang thu haw chuh a gen zawhin, a masang lam u a Jerusalem lam chuh a zuon to tau a.

LUKE 19:11

Chun, zie thu haw chuh a ngaihthak lai un, Jerusalem khuo a naih tâk ziek leh Pathien gam hunglang zieng dinga a ginchak ziekun tehkal thu a gen tel a.

LUKE 12:50

Himahlele, baptistma chan ding ka nei, zie kichaih masang cheng chuh, ka ningkitel hi!

2 LENGTE 2:11

Chun, a chieh kawm zel u a, a holim lai u chun hiti hi ahi a, ngaitie, mei kangtalai, mei sakawlte a hung kilangphut a, a kikal tak u ah a hung kie a, a kikhen sak ta a; tichun, Elija chu chinpei in, van lam ah a puito ta a.

PHILIPPI 3:14

Khutichun, chunglam sapna, Krista Isu a Pathien sapna kipahman chuh mu dingin, kungmun lam chuh ka zawt hâm hâm sek ahi.

LUKE 9:57

Chun, tihi a hung hi a, lampi a a chieh lai un mi khatin Isu kawmah, “Na chiehna taphawt ah hun zui ing ka,” a ti a.