LUKE 9:44 - PATHIEN LEKHABU THIENGTHO (BSI)

⁴⁴ “Tu a ka thu hun hilh ding hi hengilh hiel kiu in! Mihiem Chapa hi mihiemte khuta matsak a um ding ahi,” a ti a.

LUKE 9:44 ပူးပေါင်းရင်းမြစ်များ

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

LUKE 9:22

Chun, a kawm u achun, “Mihiem Chapa hin nasatak in thuok intin, upate, thiempu liente leh dân sinsakte deih loh in um intin, thah a um ding ahi a, ni thum ni leh kaihthawh a um ding ahi,” ti’n a gen a.

HEBRAI 2:1

Zieziekchun, nakhanga I zak hawu kha phachuomngai taka I khawksak zawksem dinguh ahi, khutilochun kithawlh mang khâi tiu.

LUKE 2:19

Mari chun vang zie thil chengcheng chu a hezing a, a lungthim in nasatak in a ngaihtuoh a.

JOHAN 19:11

Isu’n a, dâwng a, “Pathien apat a thuneihna piek na hih loh chun, ka chungah hih theih himhim nei puo’n la, zieziekchun, na khuta ei piepa khan gitloh a puo zaw diek hi,” a ti a.

JOHAN 16:4

Zie thu haw hi na kawm u a ka gen sa ei tai, a hun chuh a hung tun tieng leh, ka hun na hilh sa ahi tih na het dawk kitna dingun. “Zie thil haw hi atûng apat ka hun na hilh loh him a hii, na kawm u a ka na um tâkdih ziekin.

LUKE 24:44

Ziephet chun, a kawm u ah, “Ziehaw hi, na kawm u a ka um lai ngeia ka thugen, Mosi dân ale, thiemgaute lehkhabu ale, Pahchakna Labu ale, ka chanchin kizikte cheng kha, hung guitung ding ahi, ka tih khah ahi,” a ti a.

LUKE 18:31

Isu’n sawm le nih te chuh a chuom in a puidawk a, a kawm u ah, “Ngaitiem u! Jerusalem khuo a va chieh ding I hiu a, thiemgaute’n Mihiem Chapa chanchin a na zik chengcheng teu kha hung tung kim ding ahi.

LUKE 2:51

Khutichun, Isu chuh amau haw chu tawh, Nazareth khuo achun a chieh khawm tau a, a thu thuu in a um ta a. Chun, a nu chun thil cheng cheng chuh a lungthim in a vawp zing a.

LUKE 1:66

Mi tin; a hepha chan chun, “Zie nausen hi bangti’n a hung um ta phet dem!” ti’n a lungthim un a ngaihtuoh chiet tau hi. Lalpa thilhih theihna chuh a chungah a um hi tih a kichien ngâl a.

MARK 9:31

A sinsakte chuh thu a hilh a: “Mihiem Chapa hi mite khuta matsak in um intin; sulum un tin, tichun, a suklup nung uh ni thum ni leh thokit ina,” a ti a.

MARK 8:31

Chun, Isu’n a sinsakte chuh: Mihiem Chapa’n thil tamtak a thuok ding te, upate, thiempu liente leh danthuzikte deih loh a a um ding leh thaha a um ding thu leh, ni thum nunga a thawhkit ding thute chuh a sinsak pan ta a.

MATTHAI 26:2

“Ni nih hal leh Chiehkân Kut hung um ding ahi tih heu un, Mihiem Chapa hi khetdên dingin matsak ding ahiu hi,” a ti a.

MATTHAI 16:21

Zie a kipat chun Isu’n Jerusalem khuo a a chieh dân ding haw, upate, Thiempuliente leh Danthuzikte laka thil tamtak a thuok zie ding haw, thah a a umzie ding haw, ni thum ni a kaihthawha a um zie ding haw chuh a sinsakte a hetsak pan ta a.

2 SAMUEL 24:14

Chun, David chun Gad kawmah, “Dinmun tizat-um tak mah ah ka ding a, ka lung a zing mah mah zieng a; Lalpa khut ah puklut phawt mai leng; a zahngaihna chu a nasa mah mah mai ngâla. Mihing khut achun vang ei puklut sak dah tei tei in,” a ti a.

JOHAN 16:31

Isu’n a dâwng a a kawm u ah, “Tu’n chuh, na gingcha tau maw?