LUKE 9:41 - PATHIEN LEKHABU THIENGTHO (BSI)

⁴¹ Chun, Isu’n a dâwng a, “Nang haw, khangthak taksanna neilo leh lochalte haw, bang chana na kawm u a ka um a, ka hun hungaih theih ding?” Chun, mipa kawma chun, “Na chapa chuh zie hin hun pui ah,” a ti a.

LUKE 9:41 ပူးပေါင်းရင်းမြစ်များ

DAN NIHNA 32:5

A chungah phalo takin ahih u a; A chate ahi puou hi, a dem umna ziekun, Khang ngaihnabei leh lungkawi ahiu.

JOHAN 20:27

Chun, Thoma kawma chun, “Na khutzung in vak khawih in la, ka khuthaw hi en ah; na khut hun thadawk inla, ka nak lak mai ah; taksang lo in um ki’n la, gingcha mai ah!” a ti a.

JOHAN 14:9

Isu’n a kawmah, “Philip, chanpi hi na kawmah ka um a, khutisa chun le nei he puo maw? Kuole, ei mu chuh Pa mu a hii. ‘Pa chuh kei u le nei muh sak ah’ bangti tih a na tih ahi?

MARK 9:19

Ziephet chun, Isu’n a kawm u ah, “Aw khangthak taksanna nei lote haw, bang chana na kawm u a ka um a, bang chana ka hun hungaih theih ding? amah chuh ka kawmah hun pui un,” a ti a.

MATTHAI 17:17

Chun, Isu’n, “Aw, khangthak, taksan nei lo a genhakte haw, bang chana na kawm u a ka um a, bang chana ka hun hungaih ding? Naupang chuh taka hin ka kawmah hun pui un,” a ti a.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

HEBRAI 4:11

Zieziekchun, kuo ahim khat zie ginchak lohna etsakna banga um a, a puk loh na dingun zie chawlhna a lut ding chun phachuomngai hitiu.

HEBRAI 4:2

A kawmuh a gen guol mah khan, Chanchin Pha chuh eihaw kawma le gen ahi ngâl a. Thu kigen chuh a za nau a, himahleh, amau dingin bangmah phatchuomna a um puoi; a zak u chuh taksanna a a pawm loh ziek un.

HEBRAI 3:19

Khutichun, ginchak lohna ziekin a lut thei ta puou hi tih I heu hi.

ROME 2:4

A hihloh leh Pathien phatna’n lungheina dingin a hun pui sek hi tih helo in, a phatna hauh zie leh, a mi khuotuoh zie leh, a dawhtheih zie haw chuh na ngaidau ahi maw?

NASEPTE 13:18

Chun, kum sawmli sung chuh thalek gam akhan a enkawl zing a.

NASEPTE 2:40

Chun, Peter chun, a kawm u ah thu dang tamtak gen in, a tîlkhoh a, “Tulai khangthak, lungthim manlohte laka hin kivengphau in,” a ti a.

LUKE 8:25

Ziephet chun, a sinsakte kawma chun, “Na taksannau chuh khawia um ahi?” a ti a. Himahlele, maksa leh lau in, “Zie pa hi kuo ahi die? Huih leh tui kinawk te le thu a pie a, a ngaih mai u hi!” a kitiu a.

MATTHAI 16:4

Khangthak gilo tak leh zawlsaih hatte chun melchikna a hawl u a, himahlele Jona melchikna ngâllo chuh a kawm u ah melchikna himhim piek hi puo’n a,” a ti a, a dâwng a. Khutichun, amau haw chuh a taihsan a, a chieh ta a.

MATTHAI 12:39

Amah chun a kawm u ah, “Khangthak gilo tak leh zawlsaih hât te chun melchikna a hawl un, himahlele thiemgau Jona melchikna mai tihloh chuh a kawm u ah melchikna himhim piek hi puo’n a.

MATTHAI 3:7

Himahlele, Pharisaite leh Sadukaite tamtak baptistma chang dinga hung a muh phetin a kawm u ah, “Gûl suonte haw! lungnat hung tung ding hi taihsan dingin kuo hun hilh na hiu hi

JEREMIA 4:14

Aw Jerusalem, gitloh na apat in na lunggil sawp thieng inla, ti a chuh hukdam na hih theih na dingin. Bang chana na ngaihtuoh na gilo chuh na vawp ding?

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

2 LENGTE 5:8

Chun, Thiemgau Elisha’n Israel leng in a puon a bawtthêk hi tih, a na het phet chun, leng kawm achun, “Bang ziekin ahim, na puon na bawhthek? Zie pa chu ka kawmah hun sawl in, tichun, Israel gama hin thiemgau a um hi tih a na muh sak ing ka,” a ti a.

KISIMNA 14:27

“Zie migilo kikhawmhaw ka chunga phunchiek sek haw hin bang chan ahim ei gensiet dinguh? Israel chate ka chunga a phunchiek na hawu chuh ka za ta ngâla.

KISIMNA 14:11

Tichun, Lalpa’n Mosi kawmah, “Zie mipite hin bang chan ahim ei muhsit u a, a lak u a thilmak ka hih sak sa ale bang chan ahim ei ginchak lah ding uh?

PAWTDAWKNA 16:28

Tichun Lalpa’n Mosi kawmah, “Ka thupiekte leh ka dante hi bang chan ahim na pawm loh guot uh?

PAWTDAWKNA 10:3

Khutichun, Mosi leh Aron chuh Pharaoh kawm achun a valut u a, a kawmah, “Lalpa, Hebraite Pathien in, ‘Ka masang ah bang chan ahim kingainiem nuom lo a um na guot? Ka mite hin kei ei ho theihna dingun pawtsak in.

MARK 10:49

Tichun, Isu a ding a, “Amah chuh va sam tiem u,” a ti a. Khutichun, mitdûkpa chuh a sam u a, a kawm achun, “Thamuong takin um inla, kipan ah; a hun sam hi,” a tiu a.

MARK 10:14

Himahleh, Isu’n a muh phetin, a ki-awi hiel puoh a, a kawm u ah, “Chapang neucha cha ka kawmah hun sawl un la, haw kiu un, Pathien gam chuh zie tawbang mite a ding hi ahi ngâla.

MATTHAI 23:36

Tihtakzet a ka hilh na hiu hi, ziehaw chengcheng chuh tulai khang thakte chunga hin hung tung ina

MATTHAI 12:45

Ziephet chun a va pawtdawk a, amah sanga gilo zaw thitha dang sagih a hun pui a; tak achun a cheng tau a. Zie mihiem umzie nunung chuh amasa sangin a hung phamawh zaw ta a. Tawbangmah hin tulai khangthak gilo takte chunga hin le hung um ding ahi,” ti’n a dâwng a.

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

LUKE 9:40

Chun, na sinsakte kawma ei nawhdawk sak dinga ka nget le la, a nawhdawk thei ngâl puou a.” a ti a.

LUKE 9:42

Zie naupangpa chuh a hung lai in, thitha chun tuol sehna’n a nei a, a sawisa diek a. Himahlele, Isu’n thitha buok chuh a gai a, chapang chuh a hihdam a, a pa kawm achun a sawl kit ta a.