LUKE 9:34 - PATHIEN LEKHABU THIENGTHO (BSI)

³⁴ Chun, zie thu haw chuh a gen lai takin mei a hung zinga, amau chuh a hun lieh ta a; mei a a lut lai u chun sinsakte chuh a lau tau a.

LUKE 9:34 ပူးပေါင်းရင်းမြစ်များ

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.

DANIEL 10:8

Khutichun keimah mai ka um ta a, kilâkna mak tak chuh ka en zing ta a, tha himhim ka nei ta puoh a, ka pienpih mel latdan chuh a kitheng ta a, kuoma’n ei he thei ta puou hi.

ISAI 19:1

Aigupta gam puokgik chuh! Ngaitiem u, Lalpa chuh meipi hattak chunga chuong in, Aigupta gam a hungtung tai; Aigupta te milim pathien chuh a masang achun kithing lun lun untin, Aigupta mite lunggil chuh a sung u ah tuimang zo ina.

VAIHAWMTE 13:22

Chun, Manoah chun a zi kawmah, “Pathien mu I hih ziekin thi ngêi ding I hi,” a ti a.

VAIHAWMTE 6:22

Khutichun, Gideon chun Lalpa vânsâwlchâk ahi tih a he ta a; “E khai, Lalpa Pathien! Lalpa vânsâwlchâk chuh kimaichangtuoh in ka mu ta hi,” a ti a.

LUKE 9:33

Chun, ziete chun Isu a taihsan ding kuon u chun, Peter in Isu kawmah, “Sinsakpa, kei u dingin taka I um u hi a phai; bâwkcha thum khawh ka tingun, nanga dingin khat, Mosi dingin khat, Elija dingin khat.” a ti a. A thugen chuh bang a hih le a he taktak puoi.

LUKE 9:35

Chun, mei lak apat chun aw a hung pawt a, “Ziehi ka Chapa, ka tel pa chuh ahi, amah thu ngaiun!” a hun ti a.