LUKE 9:26 - PATHIEN LEKHABU THIENGTHO (BSI)

²⁶ Kuole, keimah leh ka thu zahpih ta chuh, Mihiem Chapa hin a lopina tawh, a Pa lopina tawh; a vânsâwlchâk thiengthote lopina tawh a hung tieng chuleh, zie pa chuh hun zahpih ina.

LUKE 9:26 ပူးပေါင်းရင်းမြစ်များ

2 TIMOTHE 2:12

I thuok muolsuoh u chun, A vaihawmna ah vaihawm hitiu; Amah I kilepsan u chun, Ama’n le ei kilepsan ina;

ROME 1:16

Chanchin Pha chuh ka zahchâkpih puoh ngâl a; kuole a gingcha tapohte dingin hukdamna dinga Pathien thilhih theihna ahi ngâl a, a tûngin Juda mite dingin ahi a, chun, Grik mite dingin a hung hi kit a.

MARK 8:38

Kuole tulai khang zawlsaih hatte leh thilhih gilo nuomte lak ah keimah leh ka thu zahpih ta chuh, Mihiem Chapa hin, vânsâwlchâk thiengthote tawh, a Pa lopina a kivana a hung tieng leh, zie mihiem chuh hun zahpih thuk ina,” a ti a.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

MATTHAI 25:31

“Mihiem Chapa hi leng guola a vânsâwlchâkte tawh a lopina a kithuoma a hung tieng leh, a lopina chutphah chungah chu’n tin, a ma achun namtin kikhawm un au.

JOHAN 12:43

Pathien kipahpih a um sangin mihingte pahchak a um a ut zaw ngâl u a.

THUPHUON 20:11

Chun, lalchutphah lien tak, vam tak leh a chunga chu pa chuh ka mu a. A maikawk apat chun lei leh van a taimang uh a, muh phâk himhim a hi ta puoi.

JUDA 1:14

Chun, ziete kawm achun, Adam a thâk a khang sagihna Enok chun, hun sawttak apat in a chanchin uh chuh a na genlawk ahi tai,

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

THUPHUON 3:5

A zo tacheng khutibang chun, puon vam silh sak in um un au, chun, Hinna Lehkhabu apat, a min u chuh thai mang lo hiel ding ka hi, ka Pa masang leh, a vânsâwlchâkte masang achun a min uh ka phuon ding ahi.

THUPHUON 1:7

Ngaitiem u, amah chuh meipi haw chunga hung ding ahi ie! Mit tin chengin amah muu un tin uh, amah sunte mawng khan tawh; khawvel a nam chengcheng in le amah kahcham un au. A hi. Amen!

GALATI 6:14

Kei chun chuh, I Lalpau Isu Krista kross lo chuh ka suon loh ding zie mai chuh; zieziekchun, khawvel hi kei dingin khetdên ahi ta a, keile khawvel a dingin khetdên ka hi tai.

MATTHAI 26:64

Isu’n a kawmah, “Hi e, himahlele, ka hun hilh na hi, tunung leh, Mihiem Chapa hi Bangakai hihtheipa khut changlama chu a, van meipi chunga hung hun mu ding na hiu hi,” a ti a.

ISAI 53:3

Amah chuh mite muhsit leh deihloh in a um a, lungkham leh natna he mi ahi a, mite chun kihetmawh sak in a mai uh a sel u a; amah chuh muhsit in a uma bangmah lo a ngaih in a um a.

HEBRAI 13:13

Zieziekchun, eihaw le, amah a muhsitnau chuh kipuok in, khawpi pawlama a kawm lam achun chieh hitiu.

HEBRAI 11:26

Aigupta gam go haw sang chun Krista a gensietnau chuh lopi zaw a seh in, kipahman piek ding chuh a thil zing hi.

2 KORINTH 12:10

Zieziekchun, Krista vangin, zawnkhalna banga le, sukmuolpho a umna banga le, tâksapna bang ale, sukgimtheihna banga le, haksatna haw ale kipâk tak in ka um sek hi. Ka zawnkhal cheng leh ahi, ka hât zawk sek hi.

DANIEL 7:10

Zie tak apat chun luicha tawbang in mei a luong dawk zungzung ta a. Mipi sang tam takin a na a sep sak u a, a masang achun a singa sing tamtak a ding u a; vaihawmna a hung kipan ta a, lehkhabute chuh phetin a um ta a.

JOHAN 5:44

Nang haw, kilimbawl tuoh lawpte haw! Pathien tak a pawt, limbawlna chuh na hawl ngâl puou a; bangti’n nei gingcha thei ding u?

NASEPTE 10:22

Chun, amau chun, “Vânsâwlchâk Thiengtho khatin, Kornelias, sepaih za lawiupa, mi diktat, Pathien ging, Juda nam chengcheng laka mi minpha kawm achun, na thugen a zakna dingin, a In a nangmah hun sam dingin, a hilh ahi,” a tiu a.

1 TIMOTHE 5:21

Zie thu haw hi langneih chuom na nei leh, uohchuom nei a bangmah hih lo in, Pathien leh Isu Krista leh vânsâwlchâkte mitmuh in, zawp dinga phachuomngai taka ka hun hetsak na hi.