LUKE 9:18 - PATHIEN LEKHABU THIENGTHO (BSI)

¹⁸ Chun, tihi ahi a, Isu amah chauh a a paucham lai in, sinsakte chuh a kawmah a hung u a, amah chun a kawm u ah “Mipite’n kuo ahi ei tiu hi?” ti’n amau haw chuh a dawng a.

LUKE 9:18 ပူးပေါင်းရင်းမြစ်များ

MATTHAI 14:23

Mipi cheng chuh a kikhen sak nung in, paucham dingin tângah amah mai in ava chieh chuom a. Nitâk lam a hung hih phetin, tak achun amah mai in a um ta a.

MATTHAI 26:36

Chun, zie zawh chun Isu chuh a sinsakte tawh mun khat Gethsemani kiti chuh a tung uh a, amah chun a sinsakte kawmah, “Taka khu ka va paucham sung cheng taka hin na chuu in,” a ti a.

LUKE 11:1

Chun, tihi ahi a, Isu chuh khawitak mun ahim ah a paucham a. A paucham zawh phet chun, a sinsakte laka khat chun, “Lalpa, Johan in a sinsakte paucham dân a hilh guol khan, kei u le ei sinsak ta” a ti a.

LUKE 3:21

Chun, tihi ahi a, mi cheng cheng in baptistma a chan zawh phet uh chun, Isu’n le baptistma a chang ta a, a paucham lai in van a hung kihawng a,

LUKE 6:12

Chun, tihi hi ahi a, Isu chuh a pawtdawk a, paucham dingin tângah a chieh a, Pathien kawmah zankhuo’n a paucham a.

LUKE 9:19

Amau chun a kawmah, “Baptist Johan ahi a hun tiu a, khenkhat in, Elija ahi a hun tiu a; khenkhat in, malaia thiemgau kuo ahim thokit ahi a hun tiu hi,” a tiu a.

LUKE 9:28

Chun, tihi ahi a, zie thu haw a gen nung ni giet hal vel chun, Isu’n, Peter te, Johan te, Jakob te chuh a pui a, paucham dingin tâng achun a chieh to u a.

LUKE 9:29

Chun, a paucham lai in, a mel put zie chuh a hung danglam ta a, a silhlechen haw chuh hung vam in, a te sulsul zieng ta a.