LUKE 9:1 - PATHIEN LEKHABU THIENGTHO (BSI)

¹ Chun, Isu’n sinsak sawm le nih te chuh a sam khawm a, thitha chengcheng chunga thilhih-theihna leh thuneihna leh, natnate hihdam theihna a pie a.

LUKE 9:1 ပူးပေါင်းရင်းမြစ်များ

JOHAN 14:12

Tihtakzet, tihtakzet a ka hilh na hiu hi, kuole, ei gingcha chun, thil ka hih haw hi, ama’n le hih ina; ziehaw sanga thil lopi zaw hile hun hih ina, Pa kawma chieh ding ka hih ziekin.

LUKE 10:19

Ngaitiem u! gulte, aikawmte tawhden theihna thu ka hun piek na hiu hi; tichun, bangma’n hun suna puo’n a.

NASEPTE 4:30

Mite hih dam dingin na khut zakkhum ah, na suok Thiengtho, Isu min a thilmakte leh melchiknate hih chule phalsak in,” a tiu a.

MATTHAI 16:19

Van gam chabi haw chuh hun pie’ng ka ting, lei chungah bang hitaleh na kân ta chuh van a kân hi’n tin, lei chungah bang hitaleh na phel ta chuh van a le phel hi’n a,” a ti a, a dâwng a.

NASEPTE 1:8

Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

NASEPTE 9:34

Chun, Peter chun a kawmah, “Ainis, Isu Krista chun a hun hihdam hi, tho inla, na puonphah ziel ah,” a ti a. Tichun, a tho ngâl ta a.

NASEPTE 3:16

Chun, amah min thilhih-theihna chun, zie kengbaipa hi hatna a pie ahi. Na muh u leh, na hetteu hi, amah min ginna ziekin hih ahi tai; Isu ginchakna ziekin, na bawnchau a mitmuh ah hihdam kei a hi tai.

MATTHAI 4:24

Tichun, Suria gam chengcheng ah a chanchin a thang ta a; tichun mi damlo chengcheng, damlohna leh natna tin cheng thuokte, thitha mat haw, phungzawl vei haw, zeng haw a kawmah a hun pui u a, a na hihdam a.

MATTHAI 8:9

Keile mi thunuoi a um ka hi a, ka nuoi ah sepaihte a um u a. Khat kawma chuh, ‘Chieh in,’ ka tih leh a chieh sek a; a dang kawma chuh, ‘Hung ah’ ka tih leh a hung sek hi; chuleh, ka suok kawma chuh, ‘Ziehi hih in’ ka tih leh a hih sek ngâla,” ti’n a dâwng a.

LUKE 10:1

Chun, zie zawh nung chun, Lalpa’n mi sawmsagih leh nih a teldawk kit a, amah ngêi chiehna ding khawpi tin leh muntina chun a masanga a na chieh masa dingin, nih zelin a sawl a.