LUKE 8:47 - PATHIEN LEKHABU THIENGTHO (BSI)

⁴⁷ Tichun, numei chun ki-îm theilo ding ahi tih a kihe a, kithing pum in a hung a, Isu keng bula chun a bawkkhup a. Zie taka mi chengcheng masanga chun, a khawihna ziek leh, phulo-haloa a hung dam dân chuh a gen ta a.

LUKE 8:47 ပူးပေါင်းရင်းမြစ်များ

MARK 5:33

Khutichun, numei chun a chunga thil hung tung chuh he’n, lau leh kilîng kawmin a keng bul ah a hung a, khupdin in, thudik takin a hilh vek ta a.

2 KORINTH 7:15

Chun, na bawn u a thu na ngaih zie teu, lau leh kilîng kawma amah na lawp danteu chuh hezing kawmin, a lunggil chuh, nangmau haw lam ah a cheng zawsem tai.

HEBRAI 12:28

Khutichun, lalgam suklîng zawh loh I chan ziekuh hin kipâk hitiu. Zieziekchun, zah leh ginggek kawmin Pathien kipah lam nasem hitiu.

1 KORINTH 2:3

Khutichun, na kawm u a ka hung lai khan, zawngkhal tak leh lau a kilîng in ka um a;

SAM LEHKHABU THE PSALMS 2:11

Kihcha kawmin Lalpa na sem unla, Ling kawm in kipâk un.

NASEPTE 16:29

Chun, suongkul vengpa chun, thaumei! a ti a, a chawm lut a, lau a kilîng kawmin, Paul leh Silas masang achun a khupbawk a;

1 SAMUEL 16:4

Tichun Samuel chun Lalpa thupiek chu a hih a, Bethlehem achun a chieh ta a. Chun, khuo a upate chun amah chu kilîng kawmin a na muok u a, “Apha lam kawka hung na hi na’m?” a tiu a.

HABAKKUK 3:16

Ziehaw cheng hi ka zak in, ka kithing a; lau in ka kha a kitat hiel tai! Ka guh ahin muotna a lut a, Ka kalsuonte chuh a hâwi ta a! Ei dote chunga gawtna tung ding chuh thipkêi in ngak ing ka.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

SAM LEHKHABU THE PSALMS 38:9

Lalpa, ka deihlam chengcheng hi na masangah a um chiet a. Ka tau hile na masang ah selguk ahi puoi,

PHILIPPI 2:12

Khutichun, ka deihtakte haw, gen na ngaih zing sek bang u khan, ka um pet maia sem lo in, tu a ka umloh kal hin sem zawu un la, lau leh kilîng kawmin nangmau haw hukdamna chuh sem dawk un.

MATTHAI 28:8

Tichun, lau leh kipâk mah mah kawmin thân apan chun a chieh mengmeng u a, sinsakte hilh dingin a tai tau a.

HOSEA 13:1

Ephraim in thu a gen tieng leh mite chuh a kithing u a, amah chuh Israel chunga chawihsân a um ahi. Himahleh, Baal ho a thil gilo a bawl ziekun a thih lawh tai.

HOSEA 5:3

Ephraim chuh bang tawbang a hih ka he a, Israel chuh kei apat sel ahi puoi. Tuhin, aw Ephraim, nawhchizawk na chîn ziekin, Israel chuh suk buok ahi tai,” ti’n.

SAM LEHKHABU THE PSALMS 66:16

Hung unla, ngaiun, nanguh Pathien kihcha chengcheng te haw, Tichun keia dinga a thilhih chu hun hetsak ing ka.

LUKE 8:46

Himahlele, Isu’n “Kuo ahim khatin ei tham hi, thilhih theihna ka sung apat in a pawt hi tih ka hêi,” a ti a.

LUKE 8:48

Chun, amah chun a kawmah, “Ka chanu, na taksanna hi na dampih ahi, lungmuong takin chieh ta’n,” a ti a.