LUKE 8:27 - PATHIEN LEKHABU THIENGTHO (BSI)

²⁷ Chun, lui pang a kaih phet chun, khawpi apat mi kuo ahim, thitha mat khatin a kituokpih pai zieng a. Zie pa chuh hun sawttak chuh niklepuon beiin a uma, In ale um lo in, thân haw poh ah a um sek a.

LUKE 8:27 ပူးပေါင်းရင်းမြစ်များ

1 SAMUEL 19:24

Chun, amah chun le a silhlechen haw a suoh a, Samuel ma achun thu a genlawk buol buol zieng ta a, zie ni chun nichang tumin zie zan chun zan khawvak in ngawnchang in a kuol a. Zieziekchun, “Saul le thiemgau laka tel ahi ta maw,” tih hi a ching den tau a.

KISIMNA 19:16

Chun, kuon le, mihing gam laka chemzâma kisatlum ahim, a mawk thih luong ahim, mihiem guh ahim, thân ahim, a sukkhak chun, ni sagih thienglo hi’n a.

ISAI 65:4

Thân sung ah a chuu a, kithawihna munte achun a zan giek u a; vawksa a neu a, a belsung u achun thil tenum tincheng chuh a huon sek u a,

MATTHAI 4:24

Tichun, Suria gam chengcheng ah a chanchin a thang ta a; tichun mi damlo chengcheng, damlohna leh natna tin cheng thuokte, thitha mat haw, phungzawl vei haw, zeng haw a kawmah a hun pui u a, a na hihdam a.

MARK 5:15

Tichun, Isu kawm a hung tun phet u chun, thitha mat, nuoi in a mat khah, puon silh a, lungthim ngêi pu chun a va muu a; tichun, a lau tau a.

LUKE 8:26

Chun, Isu chuh a sinsakte tawh Gerasa gam ah a chieh u a, zie chuh Galili apat a dîl hawh pai ahi.

LUKE 8:28

Chun, Isu a muh phet chun, aw ngeih tak in, a kiko a, a keng bul ah a bawkkhup a, a kiko a, “Isu, Pathien Chungnung pên Chapa, kei leh nang banga I kizawlna um? Ei gawt lo dingin ka hun ngên hi,” a ti a.