LUKE 8:2 - PATHIEN LEKHABU THIENGTHO (BSI)

² Chuleh, numei kuote ahim, thitha mat dam kitte leh, natna dam kitte’n le a zui u a; ziete chuh, Mari (Magdalin kiti), a sunga thitha sagih a nawhdawkna nu leh,

LUKE 8:2 ပူးပေါင်းရင်းမြစ်များ

MATTHAI 4:24

Tichun, Suria gam chengcheng ah a chanchin a thang ta a; tichun mi damlo chengcheng, damlohna leh natna tin cheng thuokte, thitha mat haw, phungzawl vei haw, zeng haw a kawmah a hun pui u a, a na hihdam a.

MARK 16:1

Chun, Chawlhni chuh a hung beih phetin, Mari Magdalin leh, Jakob nu Mari, leh Salom te chun, chieh a Isu luong chuh nuh dingin thil gimlim a chawu a.

MARK 16:9

Chun, ni sagih ni masapen a zingkal a thawhkit nung in, Mari Magdalin, a sung apat a thitha sagih a nawhdawk sak nu kawmah a kilak masapen a.

LUKE 23:27

Chun, mipi nasatak in a nung ah a zui u a, a lak uh achun, numei khenkhat, kap kawm leh, amah zieka âwm kichup kawmin a zui u a.

LUKE 23:49

Chun, mahni mimal ngeia Isu a na hete leh, numei, Galili gam apat a hun zuite chun, zie thil haw chuh thîl in gamla tak ah a ding u a.

LUKE 23:55

Chun, numei, Galili gam apat a Isu hun zuite chun a zui zel u a, thân leh a luong kisiel dân chuh a muu a.

LUKE 8:30

Chun, Isu’n a kawmah, “Na min bang ahi?” a ti a. A sunga thitha tamtak a lut ziekin, “Ka min chuh, Nuoi ahi,” ti’n a dawng a.

JOHAN 19:25

Isu kross kieng achun, a nu leh a suohpihnu, Mari, Klopas zi leh Mari Magdalin te a ding u a.

NASEPTE 1:14

Ziehaw chengcheng chuh, numeite tawh, Isu nu Mari tawh, Isu suohpihte tawh, lungthim munkhata, phachuomngai taka paucham in a um zing sek u a.