LUKE 8:15 - PATHIEN LEKHABU THIENGTHO (BSI)

¹⁵ Chun, lei pha a kiete chuh zie tawbang mite hi ahiu: thu chuh a zau a, lungthim takkhan leh phatak in thu a ngai u a, a ching zing u a, a gah suoh macheng a thuok sek ui.

LUKE 8:15 ပူးပေါင်းရင်းမြစ်များ

HEBRAI 10:36

Pathien deihlam hih a, a thil tiem chuh mu dingin thuokhatna na kiphamawh uh a puo!

LUKE 6:45

Mi pha chun a lunggil go bawm pha apat in thilpha a ladawk sek a; mi gilo chun a lunggil go bawm sie apat in thil sie a ladawk sek hi. Lunggil a dawl val chuh kam in a gen dawk sek ngâl a.

1 JOHAN 2:3

Chun, Pathien thupiekte I zawp u chun, zie achun amah I heu hi tih I kiheu hi.

KOLOSSA 1:10

Khutichun, Lalpa deihlam in hing thei un na tin uh, chun, amah kipahlam hih zing thei un lau. Tichun, na hinnau chun nasep phat tin chenga gahsuoh in, na Pathien hetna lam uh achun hung khangto thei unlau.

KOLOSSA 1:6

Na lak uh a Pathien hehpihna thu tak a hungtun tung laia, a tak tak a hi tih heta a um guol khan, zie Chanchin Pha chuh khawvel muntin achun a dalh zâk zel ta a.

JOHAN 14:15

“Nangun nei hehpih u chun, ka thupiek haw chuh zawp unlau.

LUKE 11:28

Himahleh, Isu’n a dâwng a, “Ahi, Pathien thu za a, zawpte hi mi hampha ahi zawu hi!” a ti a.

PHILIPPI 1:11

Krista Ni a dinga chuh a tak tak leh sukkhelh bei na hih theihna dingun thil phapen chuh tel thei un lau.

ROME 7:4

Khutichun, suohpihte, mi dang, Pathien lama I gah theihna dingun, mithi lak apat kaihthawhpa mawng khah na neih theihna dingun, Krista sapum vangin Dan lam ah suklup in na um tau hi.

ROME 6:22

Himahlele, tuhin chuh gitlohna lak apat kithiel dawkin, Pathien suokte na hung hih phet u hin, thienthona mu kham in, gah na hun nei tau apuo, a tawpna kumkhuo a hinna ngêi chuh.

JOHAN 15:10

Nangun ka thupiekte na zawp u chun, ka hehpih in um zing unlau, ken le ka Pa thupiekte ka zawpa, a hehpih a ka um zing guol mah hin.

MATTHAI 24:13

Himahlele, a tâwp tienga thuok ngâp ta chuh hukdam in um in a.

DAN NIHNA 30:6

Chun, na hin theihna ding u a Lalpa na Pathien u chuh na lungthim chengcheng u leh na lunggil chengcheng u a na hehpih theihna dingun Lalpa na Pathien un nang u leh na suonteu lungthim zek hun tan sak ina.

HEBRAI 2:1

Zieziekchun, nakhanga I zak hawu kha phachuomngai taka I khawksak zawksem dinguh ahi, khutilochun kithawlh mang khâi tiu.

EPHESI 2:8

Taksanna zieka, lungsietna a hukdam na hi tau hi; zie chule nangmau a pawt ahi puoh a, Pathien thilpiek ahi;

1 KORINTH 7:19

Pathien thupiek zawp ngâllo chuh, zektan chuh bangmah ahi puoh a, zektan loh le bangmah ei chuom diek puoi.

ROME 7:18

Keimah ah, (zie chuh ka phehlevo ah tihna ahi) thilpha him a um puoi tih ka hêi; thilpha hih nawpna chuh keimah ah a um na a, thilpha hihna vang chuh a um diek puoi.

ROME 2:7

Thilpha bawl hâmhâm a, lopina leh limbawlna leh, manthai theih lohna hawlte kawm achun Pathien in kumsawt hinna pie’n tin,

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

JAKOB 1:4

Na thuokhatnau chun lam tin ah, bukim tak leh, bangmah tasam lo a na um theihna dingun, lawhsam lo in a hun pui. hi tih heu in.

JEREMIA 32:29

Chun, zie khawpi do ding Kaldai te chuh hung untin uh, zie khawpi hi hung hâl un tin, Baal a dinga gimlim a inchung a a hâl sek nau chuh katum ina; pathien dangte kawma dâwn ding thillat a butdawk sekna in u chule katum in a, ei suklungnatna ding un.

JEREMIA 15:16

Na thu chuh suklat ahi ta a, na thute chuh ka ngaitha a. Aw Lalpa Bangkim hihthei Pathien, nanga ka hi a. Na thu chun ka lungthim hi lawpna leh kipah na’n a hih dim a.

THUCHINGTE 3:1

Ka chapa, ka hun thuhilhte hi hengilh ki’n la, ka thupiek haw hi na lungthim in vawp zing hen:

SAM LEHKHABU THE PSALMS 119:11

Na chunga thil ka hih khelh lohna dingin, Na thu chuh ka lunggil ah ka khawlkhawm a.

SAM LEHKHABU THE PSALMS 51:10

Aw Pathien keimah ahin lunggil thiengtho tak siem inla Ka sung ahin thagau thak leh diktak siem thak kit in.

LUKE 8:14

Chuleh, hamlingnei laka kie chuh zie tawbang mi hi ahiu ui: thu chuh za a; himahlele, damsung khawsak lunggulhnate, neihzawhna te, nuomsakna te chun a khuhmang sek a, a gah piting sek puoi.

LUKE 8:16

“Kuoma’n thaumei hâl in lawh a khuh ngei puou a, chun, zâlkhun nuoi ale a kawih ngei diek puou. A lut taphawt in a muh theihna dingun a tunna ah a tung zaw sek ui.

ROME 8:25

I muh loh chuh I kinep le vang chuh I ngak tuntun sek ui.