LUKE 8:10 - PATHIEN LEKHABU THIENGTHO (BSI)

¹⁰ Chun, ama’n a kawm u ah, “Pathien gam thuguk chuh nang haw het vang phal ahi a, himahlele, mi dangte kawma chun vang tehkal thu maia piek ahi; en mah leu le a muh lohna dingun leh, ngaitha mah leu le, a zâk theih lohna dingun.

LUKE 8:10 ပူးပေါင်းရင်းမြစ်များ

SAM LEHKHABU THE PSALMS 25:14

Lalpa chuh amah kihchate guolpha ahi a A thugawlh chuh amau haw chuh hetsak in a.

ISAI 29:14

Zieziekchun ngaitie, zie mite chunga hin thil lamdang leh mak tak hih ka ting, lungthawng leh thilmak tak mai chuh: tichun a michingteu chitna chu mangthai ta’n tin, a mipil teu hetna chuh bangmahlo suok ina,” ti’n.

ISAI 44:18

Zie tawbang mi chuh mingawl, a thilhih uh bang ahih helote ahiu ui. Thutak lam achun a mit u leh a lungthim teu a sudûk sek ui.

ISAI 6:9

Amah chun, chieh inla, zie chite hi hilh in, “Bil in a zak chuh zau in na tin, ahin la, a ngaihna vang chuh he puo’n lau; muu in na tin, himahleh, hechien puo’n lau,” a ti a.

JEREMIA 5:21

Aw hetthiemna neilo, mingawlte haw, mit nei ngâla mulote; bil nei ngâla za lote haw, zie thu hih ngaitha tiem u.

EZEKIEL 12:2

“Mihing chapa, helchîng inkuon, muh na ding mit nei ngâla mu diek lote, zak na ding bil nei ngâla za diek lote laka cheng na hi; helchîng inkuon himhim ahi ngâl u a.

MATTHAI 11:25

Zielai chun Isu’n a gen a, “Aw hepa, lei leh van a Lal, nangin miching leh mi thiemte kawmah zie thu haw hi na îm a, nausente kawma na phuon ziek hin ka hun pakchai.

MATTHAI 16:17

Chun, Isu’n a kawmah, “Simon Bar Jonah, na hampha ahi; phehlevo leh thisan in a hun hetsak ahi puoh a, ka Pa van a um in a hun hetsak ahi zawi.

MARK 4:11

Isu’n a kawm u ah, “Pathien gam thuguk chuh nang haw het vang phal ahi a, pawlama mite dingin vang chuh zie thil haw cheng hi tehkal thu a hih ahi;

MARK 4:12

Khutichun, ‘En en un tin uh, mu diek puo’n au; Ngaitha, ngaithau intin, he thei diek puo’n au. Khutilochun, Pathien lam ah kihei untin, A na ngaidam kha’n a,’” a ti a.

JOHAN 12:40

“Pathien in a mit uh a hih dûk a, a lungthimteu a khâk sak a, Khutilochun a mit un mu khau un tin uh, A lunggil un he kha’n au, Tichun, hung kihei kit khau untin, Ken amau haw a na hihdam khang ka,” ti a a na gen ziek hin.

ROME 16:25

Pathien chuh lopina piei tiu. Amah chun, Chanchin Pha, Isu Krista chanchin ka gen guol ngêi leh, tuma a pata na kisel gu, thudik hung kiphuong dungzui chun, na taksannau achun a hun sudet thei ngâl a.

1 KORINTH 12:11

Himahleh, zie thil chengcheng chuh Thagau khat in, mitin kawmah a deih bang zel in thilpiek chuom chiet a pie sek hi.

DAN NIHNA 29:4

Ahihziekin, tuni tieng hin Lalpa’n hetthiemna lungthimte, muh theihna mitte leh het theihna bilte a hun piek loh na hiu hi.

KOLOSSA 2:2

Zie chuh, hansanna a a dim u a, lungsietna a a kikankhawm u a, lungmuonna hauhsakna bukim, hetchetna diktak zieka um chuh a neih theihna dingun ka hih ahi. Khutibang hin Pathien thuguk, Krista ngêi chuh he thei un au.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”